بسم الله الرحمن الرحيم

السلام عليكم و رحمة الله و بركاته



/
\
/


هـارد لكم جميعاً

الهـلال هو من هزم نفسه " هذي هي الحقيقة التي لا يمكن إخفائها عن الجميع "

إدارة الهلال تتحمل المسؤولية " كاملاً "

هذا حنا نقدم أجمل المستويات محلياً و نخسر من فرق لا تملك نصف مستوانا خارجياً !!



بالمختصر و بالخط العريض مشكلتنا



" المجاملة "

هذي هي مشكلتنـا اللي اليوم اعاقتنا عن طموحنا الآسيوي و بكرا بتعيقنا عن البطولات المحليه
فريق يجامل الاعبين على حساب منهم أفضل .

إدارتنا و مدربنا اهتمو بشهرت الاعبين أكثر من عطائهم داخل الملعب و هذي هي النتيجة

بتقولون لي كيف مجاملين الاعبين !!

أنا اقول لكم أول واحد تعبنا و طفشنا و زهقنا من كثر ما وقفنا معه من 2010 و حنا واقفين معه و نقول بيرجع لمستواهـ

لحد يجيني و يقول الاعبين الكبار يصير فيهم كذا
فاتحين النادي تأهيل نفسيات و لا للبطولات و الإنجازات ؟؟

أظن أنكم عرفتوا من أقصد بذا الكلام


أقصد " ياسر القحطاني "

ياسر حبيب قلبي ما عليش الهلال فوق كل شيء
سنتين و حنا نقول بترجع لمستواك و لا هامك اي شيء ،

خلك مثل " محمد الشلهوب " اللي صار معه شيء كبير و كاد ينهي مسيرته
جلس مباريات كثيرة بالاحتياط
الموسم اللي بعدهـ رجع لنا ما شاء الله عليه " هداف "

أنت وش تفرق عن " محمد الشلهوب " ؟؟

أدري بيجوني الحين جماهير " ياسر القحطاني " و يقولون سوا و سوا و سجل و جاب و مدري وش
الموسم ذا سجل اهداف كثيرة و نافس

وقفو يا حبايب قلبي

سجل في مين ؟؟

- الفيصلي
- الوحدة
- التعاون
- الرائد
- الفتح


مانبي مهاجم يطلع في مباراة و عشر مباريات ما نشوفه
لا تقولون لي وجود ياسر في الملعب يكفي يربك المدافعين
ترى والله ملينا من ذا الموال

وجود ياسر يربك المدافعين و مدري وش
خلاص طفشنا من ذا الموال صار و جوده و العدم واحد

في الاحتياط فيه أفضل منه إذا لعب من قلب و يحترق عشان الشعار

عيسى المحياني كل مباراتين يلعب فيها يسجل هدف
و ياسر 23 مباراة كم سجل فيها ؟
11 هدف !!

هذا هو طموحنا !!
هذا هو طموحك يا ياسر !!


ناصر الشمراني << الله لا يضرهـ هذي السنه الثالثة اللي يأخذ فيها هداف الدوري و لا وراجع من إصابة " رباط "


/
\
/

" ماجد المرشدي "

من بعد جائزة كأس الخليج و الاعب بعيد كل البعد عن مستواهـ ، هذي وهي ببطولة مو معترف فيها كيف لو أخذ أفضل لاعب بأسيا ؟؟ كان ما يقدم و لا شيء للفريق

يرتبك كثير ما يعرف يشتت كورهـ

أنا ودي أعرف السبب ورى ذا كله عشانه ضمن الخانه ؟
ما فيه أحد ينافسه !!

أسامه هوساوي ما فيه أحد ينافسه على الخانه ليه يقدم بكل مباراة مستوى أفضل من المباراة اللي قبلها ؟ و انت لا ؟؟


- - - - - - - - - - - - - - - - - - -

عبدالرحمن بن مساعد

مانبي مجاملات الموسم القادم على حساب لاعبين أفضل



7
7
7


على كلام الامير أمس ان فيه قرارات بتصدر بعد أسبوعين ..،

يجب على الإدارة :-

1- جلب مدافع صلب
2- مهاجم أجنبي " هداف " <~ يسجل من أنصاف الفرص مو يستعرض زي " ياسر "
3-البعد كل البعد عن المجاملات
4- إعطاء الكابتنيه لمن هو كفؤ و من هو أكبرهم سن و ليس من هو مجامل
5- تنسيق من لا يخدم الفريق " الجيزاني "
6- تصعيد المهاجم " فهد الجهني " للفريق الأول
7- التجديد مع كالديرون

..............

ما كتبت الموضوع إلا من الحره اللي بداخلي
و أنا متأكد جمهور الاعبين بيجون الحين و يقولون أنت مو هلالي
لكن إذا كنتم شجعتو الهلال من أجل الاعبين ، أنا شجعت الهلال من أجل الكيان شجعته من إبداعات

- يوسف الثنيان
- نواف التمياط
- سامي الجابر
- محمد الدعيع


................


حبيت أذكركم بـ : قرارات غوارديولا أول ما أستلم تدريب برشلونة

قرر الاستغناء عن ( رونالدينهو + ديكو + إيتو ) لاعبين كبار جداً بعدها تعرفون كم بطولة حققها مع برشلونة لحد الآن


بتصير مشكله إذا استغنينا عن اللي ما يقدم شيء للفريق و لا يخدمه !!

...............................