اول شي الحمد لله على كل حال

ولو مافيه فريق خسر ماكان فيه فريق فاز

وهذي هي متعة الكوره وحلاوتها بأنك تفوز اليوم وتنهزم بكره لأنك بكل إختصار ماقدمت شي أصلا !!

الهلال أمس ماقدم شي يشفع له بالتأهل وأعني بالذكر اللي ماقدموا شي يليق بالزعيم هم إثنين

رقم 25 و رقم 20

طول المباراه وهم نقص على الفريق وكأن الزعيم يلعب بـ 9 لاعبين فقط !!

الدفاع كان واضح عليه الربكه من بداية المباراه والإتحاد سنحت لهم أكثر من فرصه خلال العشر دقايق الأولى لكن ربنا ستر علينا فيها

رقم 20 طول الشوط الأول وطول الوقت اللي لعب فيه في الشوط الثاني ماقدم ولا ربع هجمه !!

مثل ماقلت أخوي أبو فهد ليش مايجلس إحتياط ؟؟ ياخي أقسم بالله نفسي أفهم ليش كالديرون مايلعب المحياني وأحمد علي مع بعض ؟؟!!

أحمد علي دخل في الشوط الثاني وسوى أشياء وفرص من كور ميته بينما خوينا القحطاني وجوده مثل عدمه في الملعب !!


ليش كل اللعب على ويلهامسون ؟ ليش نشوف كل الهجمات والكور ماتطلع الا يمين يمين يمين ؟؟ وين الشلهوب ووين الفريدي مايطلعون من يسار ؟؟!!

كنا نتريق عواجيز الإتحاد وعواجيز الإتحاد وهم اللي طلعونا البارح بخبرتهم فقط لاغير

وطبعا ماأنكر إن الزعيم لعب صح الشوط الثاني وتمريراته كانت جدا مميزه وخطيره لكن الله ماكان كاتب لنا الفوز في هالمباراه

عبدالعزيز الدوسري ماكنت مقتنع فيه أبد ولكن البارح حسيت بأنه دخل في وقته المناسب هو والعابد وشكلوا خطوره على مرمى زايد لكن الحظ حالف الإتحاد في فرصتين من أخطر الفرص واللي من جد إنقهرنا عليها


آآآخ بس لو كورة الدوسري الثانيه جات هدف
وقبلها لو كورة العابد اللي في العارضه جات هدف كان جبنا التعادل لكن قدر الله وماشاء فعل

إقتباس واثق من فريقك قبل مباراة الاتحاد لتردد الأغلبية في قول "نعـم

أنا أقسم بالله العظيم كان عندي ثقه إلى آخر دقيقه
أقسم بالله العظيم أخوي جنبي يقول يالله مشينا وبس والدقيقه 85 وأقول له الهلال بيفوز إن شاء الله لكن رب ضارة نافعه


ثقتنا بالهلال مستحيل تنعدم
وقبل مباراة الأمس شفت موضوع لأحد الزعماء هنا يقول حتى لو خسرنا لاقدر الله علينا ألا نقسو على اللاعبين

فهم من أبدع طوال الموسم بأكمله وأبدعوا لنا بالخمسات والأربعات وفوق على كذا بطولات فخسارة بطوله لاتعني خسارة الزعيم بأكمله لكن على قولتهم من سبك حبك وإحنا ماإنتقدنا ياسر وغير ياسر إلا لحب الهلال فقط لاغير


كبوة جواد يازعيم
كبوة جواد



وإن شاء الله القادم أحلى بإذن المولى عزوجل