|
بعد آسيا...بهدوء وعقلانية!!! بعد آسيا...بهدوء وعقلانية!!! بسم الله الرحمن الرحيم الحمد لله على كل حال والله يعوضنا خير إن شاء الله مباراة للنسيان والحمد لله أخذنا الدوري + كأس سمو ولي العهد وباقي كأس الملك الأعداد لهذا الموسم كان قوي جداً بسبب وصولنا لدور الـ8 من كأسآسيا وللأسف خرجنا من الفريق الإيراني وتوقع الكثير إنهيار للهلال بسبب الحالةالنفسية بعد الخروج+رحيل جيرتس+الأصابات الكثيرة الي كانت بالفريق وبيوم وصل الموجودين في غرفة العلاج 12 لاعب..!! لكن الحمدلله الإدارة انتشلت الفريق وأخذنا الدوري وكأس ولي العهد ويالله لك الحمد (بالشكر تدوم النعم) الشكر والفضل يعود لله سبحانة وتعالى ثم للعاملين بالنادي من إدارة ولاعبين موسم كامل من العمل إذا جينا للإدارة أعدت الفريق ودفعت وضحت بالمال والوقت والجهد على حساب عائلاتهم ومشاغلهم..!! والجهاز الفني الي سوا شي كبيربالفريق وانتشله من الخروج من آٍسيا إلى صدارة الدوري بدون خسارة. والاعبين الي بذلو مجهود كبير هالموسم.. معقولة مباراة وحدة تنسينا كل هالمجهودات..؟؟ مهما كانت المباراة إذا راح ننسف كل المجهودات الي بذلت للفريق فـنعتبر انفسنا ناكرين للجميل. صحيح ودنا بآسيا لكن الله ماكتب والحمد لله على كل حال قبل ماننتقد الإدارة والمدرب والاعبين لازم نشوف انفسنا بالأول..؟ صدقوني لونعامل هالبطولة مثل أي بطولة كان ناخذها زي ماكنا ناخذها زمان كل الفرق جالسة تستعد وتتعاقد وتتعب موبس أحنا يعني راحت بطولة الحمد لله حققنا 2 بدالها وآسيا جايه جايه إن شاء الله سواء البطولة الجاية أو الي بعدها أوالي بعد بعدها إن شاء الله خروجنا من آسيا فيه خيره الفريق بالموسم هذا يعتبر أكثر المواسم إرهاق لأننا في كل مباراة ندخل ونعتبرها نهائي لأننا لانريد الخروج بهزيمة ونريد رقماً قياسياً وحققناه ولله الحمد... فعلاً هناك أخطاء لنناقشها بهدوء وعقلانية انا اعتقد اننا لازم نتدارك الأخطاء ونشووف وش نحتاج عشان نرجع الموسم الجاي بشكل أفضل في آسيا @ لابد من إحضار مهاجم أجنبي يفرق للفريق ويصنع الفارق... @ لابد من إحضار ظهير أيسر بدلاً من الزوري الذي أعتقد بأنه نقطة ضعف بشكل كبير. @ جلب لاعب في متوسط الدفاع يكون في مستوى الطموح (مو تجيبلي الخالدي!!!!). كلنا زعلانين على الخسارة لكن اتمنى من بكرى ننساها ونفكر بالقادم لأن التفكير في مباراة الأمس لايغير شي ولايفيد واتمنى نكون يد واحده مع الفريق الي ماقصروا معانا وفرحونا كثيرهالموسم. وفي ملاحظة مهمة: بنشوف الإيام الجاية الناس البكايه اللي ماراح تخلي أحد بالفريق ماراح تصلخ جلده وبتنسى كل شي حلو سووه لناهالموسم.... اتمنا من الكل الوقوف ضد فئة (ناكري الجميل)!!!! وبالنهاية هي كرة قدم صحيح نحب ونعشق لكن ياليت مانعطيها أكبرمن حجمها وهذي مو نهاية الدنيا ومافي أي فريق بالعالم مايخسر. شكراً لكل من عمل وتعب لأجل الهلال وعلى رئسهم الأمير عبدالرحمن والأمير نواف وسامي والاعبين والجهاز الفني والطبي والإدارين والمركزالأعلامي وبطولة وحده ماتفرق بينا ياهلال خسرنابطولة إحنا زعمائها وأعتذر عن عدم التنسيق الجيد للموضوع لكن على مايقولون كلام من القلب للقب... |
يجب على كل هلآلي آن يقف آحترآمآ لكل لآعب هلآلي ..! يجـب الآ نقســوآ على لآعبيــــنآ .. يجــب آن نقــف معهم في كــل مبآرآة قآدمــه .. آن لم آكن هـلاليَ وقت آلآنكسآر .. لن آعترف بــ هـلأليتي عند آلآنتصآر |
كلام كبير يثلج الصدر نعم لا للزعل ولا حزن خسرنا بطوله نحن زعمائها تسلم اخوي كلام منطقي وعقلاني |
ماضيعنا الا ها الاشكال مثلك الناس طارت بالتاهل إلى اقوى بطولة في القارة وانت وتطبل |
المطالبه بمهاجم اجنبي هداف ويصنع الفارق على قولتك والكثير من الاعضاء الكرام نفس الرأي وش معناته معناته ان اللي عندك يلعب اساسي ماينفع ولا تقولي نبيه اضافه مع ياسر المشكله كلها ياسر ياسر سجل اهداف الموسم هذا ولكن مو ياسر المهاجم اللي يصنع الفرق لأن اهدافه اكثرها بالفرق الصغيره ولا وتلقى الوسط يصنع الكوره قدامه بس يلمساها وقول يعني مستحيل يضيع مثل هالفرص ومع هذا يضيع اهداف واجد لأنه وبكل بساطه متعالي ولم يعد ياسر كما كان المحياني افضل بكثير وبأعتقادي برضه احمد علي افضل منه مباراة الامس ياسر ينتظر الكوره تجيه الفريدي الناس تقول انه يحتفظ بالكورة واجد ومايمرر بسرعه اوكي طيب وشلون تبيه يمرر والمهاجم عندك مايفتح لك صح يعني تبون لعب اي كلام شف امس البرتغالي حق الاتحاد هذا وهو ماهو مهاجم شف وشلون فتح لنور يعني كانه يقول لنور ماعندك عذر ماتمرر انا قدام الباب بس اللي عندك ماش وضعه سيئ اسف على الاطاله بس حبيت اعلق على هالجزئيه |
إقتباس:
شاكراً لك مرورك وردك الذي يعتبر درس في الوفاء... |
إقتباس:
شاكراً لك مرورك الجميل أخي الكريم... |
إقتباس:
أخي الكريم لو قالولك نعطيك بطولة آسيا وتجلس بعدها عقد من الزمن ماتحقق ولا بطولة ومستواك من سئ إلى أسوأ ومشاكل وهموم في ناديك هل تتمنى تحقيقها؟؟؟ أي تطبيل اللي تقول عنه اتمنى تعيد قرائت الموضوع مرى أخرى.. هل قول الحق وشكر من يستحق الشكر يسمى تطبيل بقاموسك!!! هل شكر كل شخص أسعدنا ببطولات للزعيم يسمى تطبيل بقاموسك!!! هل النقد ووضع أكثر من وجهة نظر لبعض المراكز التي تحتاج للتغير يسمى تطبيل بقاموسك!!! أتمنى بأن الفكرة اتضحت لديك وشاكراً لك مرورك.... |
إقتباس:
شاكراً ومقدراً مرورك الرائع وطرحك الجميل في جزئيتك لأننا هنا نريد حلول وأنت وضعت حلاً من وجهة نظرك الخاصة... تحياتي إلك... |
هذي نهاية المجاملات والله حرام المحياني في الدكة |
ياطيب مابي دوري وكاس ابي ابطال اسيا وخلك من المجاملات الهلال ماهزم الاتحاد الفريق القريب لمستوى الهلال رغم مشاكل الاتحاد وكان ينافسة الى قبل اخر ثلاث مواجهات ياااااانس والله الهلال سيء خلاص ترى المحترفين قدموا ماعندهم خاصة ولي بس جري |
ياسر برا المرشدي برا عزيز برا احمد علي الله يديم الرخص برا وبعدها فكروا باللي تبون ملينا من اشباه الللاعبين |
بالفعل هناك وجهات نظر يجب أن نقف لها احتراماً وتقديراً وتصب في المصلحة العامة للزعيم... شاكراً لكم مروركم جميعاً... |
الحمد لله على كل حال ولا يوجد فريق في العالم لا يخسر الزعيم سيظل كبير وكبير جدا غصب عن الجميع http://www10.0zz0.com/2011/05/25/22/456262616.gif |
ياااسر برا الخالدي براا المرشدي براا ناامي براا عزيز براا الجيزاني براا مهاجم هدااف بعدين ييحق لكم تطالبون باسيا |
| الوقت المعتمد في المنتدى بتوقيت جرينتش +3.
الوقت الان » 01:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd