|
يازعماء: كفاكم سخرية بحسين المسعري بسم الله الرحمن الرحيم لوحظ في الاونة الاخيرة تهجم العديد من الجماهير الهلالية ان لم تكن كلها على اللاعب الخلوق حسين المسعري بسبب او بدون سبب حسين المسعري لاعب قديم في نادي الهلال ومايصير ياشباب نغلط عله لأنه باختصار هو لاعب في الهلال ومخضرم وهذه ليست من اخلاق الهلالين النكران لنجوم الفريق القدامى صحيح مستواه الفني ليس كما نتمنى لكن هذه هي امكانياته ولو يقدر يعطي بأكثر من اللي بيعطيه صدقوني ماراح يبخل على الزعيم وهو لا يلعب اساسي وبلاتشي ينزله في اخر الدقايق لقطع الكرات والالتحامات فليش زعلانين ؟؟!!! المهم ياليت نوقف الحملات الشرسة ضده هذه وجهة نظري |
وواضح عليه اخوي الســــــــــراب ان من كثر الأنتقادات مابغى ياخذ شارة الكبتنيه من نواف كنه يقول وش يفكني من السنتهم اخوك عبدالعزيز الأول |
انا ضد الغلط علي اي لاعب هلالي.. وايضا ضد ان المسعري يلعب في الهلال بهذا المستوى |
[QUOTE]<center><normalfont><u>إقتباس من مشاركة عبدالعزيز الأول </u></center> وواضح عليه اخوي الســــــــــراب ان من كثر الأنتقادات مابغى ياخذ شارة الكبتنيه من نواف كنه يقول وش يفكني من السنتهم |
المسعري في مباراة الامس كان من افضل اللاعبين .. يقاتل بكل قتاليه وحماس مضاعف .. اتمنى ان يمنح الفرصه اساسيا .. وركن المسمين بالنجوم في دكة الاحتياط !! |
و انا معكم ياشباب فعلا المسعري لاعب تكتيكي و مافيه مدرب هلالي الا و ركز عليه انا اشوف انه يقطع كور و يغطي مع اللاعب المنافس و يتسبب في تعطيل هجمات الفريق الخصم و الله انه مظلوم و ماله جماهيريه مع انه في دوره في غاية الأهمية للفريق لا و انا ازيدك من الشعر بيت مع بلاتشي بل كم السنة تصدر الهلال بدون الدوليين في الدور الاول بلا هزيمة و بتعادل واحد بس مع الشعلة على مااظن و المسعري اساسي في كل ذيك المباريات و الفضل في رايي المتواضع يرجع لفيصل ابو اثنين و حسين المسعري بالدرجة الاولى |
صحيح والله انا زهقت من كثر الي يجرحون ب المسعري و لطف ومن تالي سامي مع انه الاغبيين يقدمون مستويات جيده باستثناء الجابر الي مستواه نازل شوي بس انا متأكد انه حيرجع لمستواه و اذكركم |
تسلم اخوي السراب على هالموضوع انا معكم المسعري في مباراة المحرق كان من افضل اللاعبين في الدقائق اللي لعبها0 وفي بعض الجماهير الله يهديهم بعد كل مباراة للزعيم يستلمون حسين المسعري حـــش ليش كذا وش سوى لكم حسين المسعري يعني هو سبب مستوى الهلال السيء ماعتقد0 ومشكور اخوي مره ثانيه |
إقتباس:
|
13 سنة وحسين ضمن التشكيلة الزرقاء وساهم في العديد من البطولات مع نجوم الهلال المفروض نشجعه وندعمه ونوقف الهجوم عليه . |
!!!!!!!!!!!!!!! والله لو حنا مانعرف كورة ... المسعري لا عب (( عادي)) كان لاعب عادي والان لاعب عادي ومستهلك (( غير مفيد للهلال )) يعني معقوله مافيه شباب يأدون أكثر وأحسن من الرجيع ... بس لو يعطون الشباب فرصه !!!!!!!!!!!!!؟؟؟؟؟؟؟؟؟؟؟ (هذا رأي) الحمد لله... |
بأختصار عادة كل اعضاء المنتدى هي الصراحه سؤال بسيط ماسبب رجوع هذا للاعب وهو الذي كان مرمي خارج اسوار النادي ؟؟؟؟ اسباب الرجوع 1- عودة المدرب بلاتشي ( ربما عمل له هذا للاعب سحرآ ) 2- وساطة اللاعب سامي الجابر له 3- خفة دم هذا للاعب وهي الوسيله الوحيده اللي ساعدته على الرجوع للنادي طيب فكونا منه وهو لاعب وحطو له مسرح بالنادي وخلوه يفرد عضلاته ويظهر فنونه الكوميديه بلاش رفع ضغط وسكر وكل الامراض بوجوده اقولها وبالفم المليان وجود هذا للاعب بالفريق معناه تزايد امراض ا لقلب والشرايين عند الجماهير الهلاليه ياخي اعتزل ياحسين عاااااااااااااااااااااااااااااافك الخاطر خلاص لااقول هذ1 الكلام ردآ على ماورد في مشاركات الاخوان من اشادة بهذا اللاعب ولكن مافي القلب لابد ان يظهر فلو بقي كثيرآ ستصبح عواقب بقاءه مدمرررررررررررررررره تحيااااااااااااااااااتي |
إقتباس:
|
والصراحة حسين المسعري احسن من سيدا بدرا بالف مه |
والله ان الفشل طاقه من ساسه لراسه |
إقتباس من مشاركة عبدالعزيز الأول وواضح عليه اخوي الســــــــــراب ان من كثر الأنتقادات مابغى ياخذ شارة الكبتنيه من نواف كنه يقول وش يفكني من السنتهم صـــــدقت |
الصراحه ان مستوى المسعري عادي جدا :no: :no: :no: لكن شكله معه واسطه قويه خلته يلعب مع الهلال الى الآن |
اخوي السراب... في الحقيقه استغرب هذا الهجوم الشرس على اللاعب حسين المسعري وكأنه عدو لنا!!! اخواني الاعزاء... حسين المسعري انسان من لحم ودم والهجوم الموجه ضده بدأ يأخذ منحنى الاساءه لشخصه والتي يرفضها كل عاقل... حسين المسعري خدم الهلال في فترات طويله ولا اظن انه اخطاء عند عودته للنادي لان المسؤولين هم الذين طلبوه ولا اظنه سيردهم لانه ابن الهلال قبل كل شيء... ثم ان حسين المسعري في لقاء المحرق كان من ابرز لاعبي الفريق ويكفي انه يقاتل من اجل الهلال... كفوا ايديكم عن المسعري وفكروا بهلالكم فهو اهم.. تحياتي:) |
تخيلو لاعب واحد رافع ضغط ملايين غير معقول لماذا لا ارتقي بالفريق بابعاد العواجيز امثاله واريح الهلاليين منه خاصة انه سبق تنسيقه الله يعين على خير اصلاً الوضع من سيء لأسوء الفريق صارو كلهم حسين المسعري أو أردى بعد |
بعد السلام اللي يسمعكم يا شباب يقول ان لاعبي الهلال كانو احسن من حسين بلعكس حسين رغم الدقائق القليلة التي دخل فيها قدم مستوى احسن من الشباب اللي يقاعدين تسعين دقيقة مفعلوا شيء ولنكون كيان واحد لا يفرقنا الى الموت حزب مع حسين حزب ضدة وانتبهوا للتطوير مستوى الفريق بالنقد الهادف ولا تسوون مثل بعض الناس اللي في بالي |
المسعري لاعب مجتهد جدا وافضل من غيره بكثييييير |
ياشباب وش فيكم مع الخيل ياشقرا؟ حسين المسعري لاعب مخضرم نعم .. لكن ليس نجم . لابد ان نعترف انه ليس بمستوى التمياط ولا الثنيان ولا الدوخي .. حنا مانبغى أحد يغلط عليه ولكن نقول انه مايصلح للهلال .. لازم يكون فيه لاعب أحسن منه مهارات وفنيا أنسب للزعيم . بالتوفيق لزعيم آسيا |
نا ابدري وشلون افضل الاعبين....؟؟؟؟؟ انا مابقي فيني عقل تتجنوني هي ثلاث كرات على الجناح لعبها لضهير برجله خاطيه على باله يبي يرفعها وشلون افضل لاعب والله انكم جمهور حواري بعذرنا نطرد ماتورانا دام انتمن جمهور الهلال رح لادارة النصر وعطها المسعري هديه وشف وش يصلحون فيه حارس لنادي مايحطونه؟؟؟ |
شوي شوي هدوء اكلتو الا عبببببببببب |
إقتباس:
|
المسعري لو يتوكل على الله ويعتزل يكون احسن........ ترانا ما نسينا كيف ظيع علينا البطوله العربيه يوم قام يعدي ويتفنن قدام مرمى الهلال....... اللاعب قضى تاريخه ولو يعتزل ويحفظ الباقي من مستواه ازين له |
انا لم اقل ان حسين المسعري لاعب نجم ولكني اعترض على سنه وشتمه والتذمر منه بهذه الطريقة والله انا لاحظت كانه عدو للفريق صحيح مستواه اقل من المطلوب لكن مايصير نعامله بهذه الطريقة وهو ترك الهلال ولكن بيلاتشي معجب به لهذا ارجعه وهذه ليست واسطة اما عن سامي الجابر وتوسطه سامي توسط من باب انه حسين لاعب خدم الهلال منذ 12 سنة وخلوق ومخلص حرام يكون مصيره التنسيق وانا مع سامي في هذا الكلام لكن واسطة سامي رفضت فأين الواسطة؟؟؟؟؟ والى كل هلالي يتهجم على حسين المسعري: اسألكم بالله كيف تريدون من اي لاعب ان يبدع في الملعب والجماهير تهتف ضده وتشتمه وتتمنى عدم مشاركته بالله عليكم كيف تكون نفسية اللاعب؟؟!! طبعا راح يرتبك ومايؤدي المطلوب منه ويخبص المفروض ننتقده و نوجه اللاعب بهدوء ونحمسه ونرفع من معنوياته لكي يتطور ادئه اما انك تجرح فيه وتشتمه فهذا اسلوب غير حضاري وصدقوني اللاعب بيتحطم واللاعب ماراح يستفيد ولا الفريق هذه وجهة نظري والف شكر للذين تفاعلوا مع الموضوع |
اذا طاح الجمل كثرة سكاكينه حسين لاعب خدم الهلال ويلعب في المباراة دقائق معدودة ..... ومع ذلك لا يسلم .... من الهجوم الشخصي ... لا حول ولا قوة إلا بالله .. |
المسعري افضل لاعب في المبارتين السابقتين نعم يقاتل على الكوره جهد جبار وتغطيهومتحرك مشكور اخوي الســــــــــراب صراحه سبقتني ولكن يبقى الهدف واحد.............النقد المنطقى والموضوعي مطلووووب ياجماهير الزعيم ولكم تجياتي ودمتم |
صح مانغلط عليه بس هو مايرفع ظغطنا ويلعب |
هذا هو جمهور الزعيم من زماااااااااااااااااااااااان |
والله المسعري ولطف لاعبين فاشلين من الدرجه الاولى,,,والله بدونهم كنا مرتاحين المسعري ولطف لو يقضبوهم الباب اصرفلنا ولهم لانهم يرفعون لي الضغط ولو واحد من اللي يقولون ان المسعري لاعب تكتيكي يناظرون كم تمريره يمررها وكم وحده تصيب 85% او 90% من من تمريراته غلط حتى لطف للمعلوميه شوف عندنا كم لاعب في الهلال لازم يتنسقون هم منصور الشهراني , لطف , المسعري , حسن العتيبي ويعطون الفرصه لغيرهم من الشباب وين اللي كانو في بطوله الامير فيصل تحت 23 سنه ؟؟؟ شكراً |
| الوقت المعتمد في المنتدى بتوقيت جرينتش +3.
الوقت الان » 10:16 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd