|
الثقه طريق الكبار . الربكه طريق الصغار. لكن الزعيم من فئة كبير الكبار!! السلام عليكم ورحمة الله وبركاته اولا وقبل كل شي الحمد لله عحمدا كثيرا طيبا على كل شي ثانيا ابدأ موضوعي بدون مقدمات ليس من الغريب ان يفوز الهلال وليس من الغريب ان يخسر الهلال لكن من المحزن والغريب ان يخرج الهلال بهذه الصوره المحزنه واكثر ماسبب لي نوع من الضيقه والالم هو ان الامير عبدالرحمن بن مساعد قدم مالم يقدمه احد لهم من لاعبين على اعلى مستوى ومن مكافئات على اعلى مستوى وبالنهايه اللاعبين يخذلونه بارض الملعب بمستوى هزيل ماكنت اخافه من ايام حدث ( الثقه والروح ) وهي سبب هزيمة الهلال وكل موسم تتكرر واحب ان اوجه رساله للاعبين الهلال يخوف مايخاف سؤال اود ان اوجهه لكل لاعب نزل ارض الملعب: فلماذا بالاوقات الحاسمه دائما مايظهر الهلال بصورة المرتبك وصاحب الثقه المهزوزه؟ اقدم شكري للعابد والدوسري لانهم لاعبين صغار لكن من فئة الكبار لانهم نزلو ارض الملعب بكل ثقه والله العابد والدوسري نزلوا ارض الملعب بدون رهبه وبكل ثقه وهم صغار بسنهم وكبار بمستواهم وثقتهم بقدرتهم اتمنى ان يقف كل هلالي سواء مشجع ام مسؤول بـ اعطاء المحياني فرصه لانه ( اقلها يتحرك مطلبي واعتقد مطلب كل مشجع هلالي الهلال يحتاج مهاجم على اعلى مستوى بقيمة عقد نفيز ( وقتها الهلال يقدر ينرجم الهجمه بهدف) مقتطفات ياسر: بخط المقدمه يتناجى مع مدافعين الاتحاد وينتظر الكره الى ان تاتي له ( بارده مبرده ) الفريدي: يتفلسف باوقات لاداعي ولا مجال للفلسفه بها وكان الفريق فائز خط الدفاع بأكمله لاداعي للربكه فانتم خط دفاع الزعيم والمنتخب ( العبأ كان باكمله على هوساوي فتراة نراه بالظهير الايمن وتراة اخرى بالايسر ولم يتبقى له الا ان يكون الحارس الزوري : مستوى غير مقنع وبالتحديد من بعد اصابته امام السد القطري الموسم الماضي ومستواه ليس بمستوى الزعيم والبديل شافي الدوسري افضل منه بكثير من ناحيةة القتاليه والسرعه والانفرادات والثقه ولكن ينقصه التدريب على اجادة الرفعات وهي اللمسه الاخيره واللتي دائما مايخطيها اخيرا اتمنى من اللاعبين ان يراجعوا انفسهم بمافعلوه بنا وبالامير المعطاء عبدالرحمن بن مساعد فشكرا لك ياطيب القلب و اللاعبون نقول لهم انتم خذلتمونا !! الحمد لله حمدا كثيرا طيبا مباركا فيه |
الف الف الف شكر على الرفع |
و الله اني نصدمت بداية المبااراة يوم شفت المرشدي ما قدر يثبت الكورة و لايشوتها قلت هين ان فزنا و حنا قلنا من زمان عطوا الصغار فرصة و بخصوص ياسر ان من يوم ششفته يرفع الكؤوس لحاله و يعي لاحد يا خذها منه وكانه هو اللي جايبها مع انه طال عمره ما كلف نفسه يسجل هدف يساهم فيها قلت بعد الدلع هذا تبونه يحترق بالملعب اكيد يبي يلعب برود ويعدل الكابتنية الحين انا بسألك اهم تلعب و تحرث الملعب وتسجل و الا يصورونك وان كل شوي تعدل الكابتنية؟؟ اكيد لازم يكون منظرك بالكبتنية حلو و لا الفريق و الجمهور طز فيه |
خلاص يا زعماء لا ينفع الكلام:cry::cry: :cry::cry::cry::cry::cry::cry::cry::cry::cry::cry::cry::cry::cry: :cry::cry::cry::cry::cry::cry::cry::cry::cry::cry::cry::cry: :cry::cry::cry::cry::cry::cry::cry::cry::cry::cry::cry: :cry::cry::cry::cry::cry::cry::cry::cry::cry::cry: :cry::cry::cry::cry::cry::cry::cry::cry::cry: :cry::cry::cry::cry::cry::cry::cry::cry: :cry::cry::cry::cry::cry::cry::cry: :cry::cry::cry::cry::cry::cry: :cry::cry::cry::cry::cry: :cry::cry::cry::cry: لا ينفع الكلام لا تحطمو نجومكم :cry: |
الحمدلله على كل حــــال قدر الله وماشاء فعل |
يسلمو ع المرور وعلى التعليقات اما بخصوص ياسر ( الله يستر عليه وضع نهايته بيده ) ووالحمد لله على كل حال |
حبيبي مو كل ما صار شي قام كل واحد ناقز لي ياسر وياسر ؟ وش تبيه يسوي يعني ؟ يركض للمرشدي وياخذ الكوره منه ويركض لمبروك زايد ويسجل وين عايشين والله لو انه كابتن ماجد ؟؟ سؤال بس يعني طالعين لنا بطلعه كل ما خسرنا قمتوا على ياسر !! انت حط نفسك مكان ياسر من وين تجيه كوره والفريق كله مو قاعد يلعب زي الناس ! اذا جات كوره زي الناس وضيعها تعال تفلسف هنا وبعدين ياليت نقدك لمصلحته اللي يقول عارض ازياء واللي يقول دعايه عيب ياعمي إرتقي بألفاظك هذا بشر زيك وعنده اهل !! يعني مثلا ياسر ما يبي يفوز ؟ ويبي يخسر الفريق !! فكر بعقلك بلا خرابيط وحركات بزران وبعدين انت اللي جاي تقول (و بخصوص ياسر ان من يوم ششفته يرفع الكؤوس لحاله و يعي لاحد يا خذها منه وكانه هو اللي جايبها ) ايه يا بابا هو بيرفعه اجل مين تبي يرفع الكأس ؟ صراحه سوا غلط كبير ياسر نسى يناديك تجي ترفع انت الكأس ! |
قدر الله وما شاء فعل ,, قضاء وقدر والحمد لله على كل حال وفي كل مــآل صحيح بكينا والله من هالهزيمه المخجلة وعوااااجيز الاتهاد ماخذه الملعب بطوله وبعرضه ,, ايش اللي صار في لاعبي الهلال غريب والله لكن اعتقد ان الرطوبة له دور ممكن وإلا التخدير اللي من البطولتين خدرت لاعبي الزعيم حتى ظهروا بمستوى غير لائق بهم .. اكتفي بهذه الكلمات والتي تخرج بكل حرررقه وألم والدموع قد ذرفت الله يكون بالعووووون بس . وبالأخيــر: الرجاء الابتعاد عن التجريح لبعض لاعبي الزعيم والانتقاد اللاذع لهم وكأن معهم عصى موسى .. يا إخواااان اللي كتبه الله في خير إن شاء الله , وعلينا تجنب الكلمات غير اللائقــة بمن أسعدوووونا ببطولات وإنجازاااات ,, لأن البعض لا يرى إلا بعين واااحدة فقد هي عين ذكر المساوئ والتشفي .. آن لم آكن هـلاليَ وقت آلآنكسآر .. لن آعترف ب هـلأليتي عند آلآنتصآر |
إقتباس:
اول حاجه يااخي ارتقي بالفاظك وابعد عن التجريح ( يتفلسف وحركات بزران ) مالها داعي مثل هالمصطلحات كل شخص وله راي وانت حر برايك واحب اذكرك بانك منت لحالك تحب الهلال كلنا نحب الهلال لكن اوجه لك سؤال ( يرضيك المستوى اللي ظهروا فيه ؟؟) انا عن نفسي اشوفه اسوء مستوى واحب اوظح اني ذكرت بان الفريق باكمله كان سيء لكن اكثر السيئين كان ياسر بوجوده السلبي بالمباراه اتمنى تحكم عقلك وتبعد عن العواطف اذا تبي مصلحة الهلال لان كثر التطبيل ماراح يودي الهلال الى الطريق الصحيح لكن راح يوديه لطريق لا انا ولا انت ترضاه وبعدها راح نكون مثل جماهير النصر تطبيل على لاشي يااخي ياسر امس جالس بين المنتشري والمولد ولا يتحرك وحتى جري مايجري بالملعب والمهاجم عمره ماانتظر الكوره تجيه . المهاجم يربك المدافعين بتحركاته ويعرف فين يتواجد مو يجلس ويسلم نفسه للمدافعين بكل سهوله ولك اقرب مثل في احمد علي على انه ماسوى الشي المطلوب لكن اقل القليل كان يجري ويقاتل ويحاول وارجع واكرر يحاول يحاول يحاول مو مثل ياسر ينتظر الكوره تجيه الين حده ارجع واقول حرام يحرمون المهاجمين من تمثيل الهلال بسبب مهاجم انا عن نفسي ماني مقتنع انه هذا ياسر 2007 اعيد واكرر على نقطه الاحترام بالطرح وماله داعي التجريح اسعدني مرورك |
الحمد لله على كل حال ولا يوجد فريق في العالم لا يخسر الزعيم سيظل كبير وكبير جدا غصب عن الجميع شكرا اميرنا المحبوب شكرا الاداره الرائعه شكرا للاعبين http://www2.0zz0.com/2011/05/26/00/876631222.gif |
إقتباس:
ياهلا وغلا فيك واسعدني مرورك احترم رأيك لكن اختلف معك في نقطة ان البطولتين خدرت اللاعبين لان اللي شفته ان اللاعبين كانوا مرتبكين ولم تكون عندهم ادنى درجات الثقه باستثناء اللاعبين الصغيرين ( الدوسري والعبد ) الكبيرين بمستواهم وثقتهم ومن ناحية التجريح انا لم اكتب الموضوع لكي اجرح بلاعبين فريق انا اعشقه بل للنقد البناء . ياخي والله العظيم مافي هلالي راضي بمستوى ياسر الكل يضايقه ظهور ياسر بهذا الشكل ياسر لمن اشوفه بكل مباراه امني نفسي بانها هذي مباراته ويخذلني ونفس الموال امني نفسي بالمباراه اللي بعدها ونفس الشي يتكرر ... وبصراحه اصبحت اشعر ان ياسر لايود تقديم المزيد او بالاصح ليس عنده اكثر مما قدم اسعدني وجودك |
إقتباس:
ومن جد شكرا لاميرنا الخلوق من الاعماق اشكرك ياشبيه الريح فانت من نقل الهلال وجعله ينفرد بالصداره عن الجميع اسعدني مرورك يالغلا |
| الوقت المعتمد في المنتدى بتوقيت جرينتش +3.
الوقت الان » 05:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd