|
الى متى ياجمهووور الهلالَ السلام عليكم هاأأرد لكم المباره دأأأيم أدخل المنتدى ومدحـَ في اللعيبه وتصاميم لعيونهم ويستهلون لبى قلوبهم بس اليوم سب فيهم :ranting::ranting: واحمدو ربكم نادي جاب بطولتين في 10 ايام غيرك 10 سنين ماجاب بطوله بعدين لو أنا لأعب في الهلال والله لعتزل عشان الجمهور 1_اليوووم الجمهور ساكتين مالهم صوت ماشاءالله عليهم 2_اذا انهزم الفريق تسبوون والله اني عندي عادي الهزيمه بحكم اني متعصب في تجشيع الزعيم بس أنا عارف أن في رجال مايقصروون بجيبوووون كاس خأأدمـ الحرمين الشريفين أن شاءالله كل توووفيق لنادي الهلال في كاس الملكَـ |
الــرجــأأأأأأأأء ألــرفـــعـَـ |
ياصاحبي ما همتنا الهزيمه بس البرود اللي يصيبهم في المراحل الحاسمه من البطوله الاسيويه يذبح الصراحه |
ولي العهد والدوري كل موسم ناخذهم ,, خلاص فرطو فيهم بس نبي الإسيوية , والله حرآم عمل موسم كآمل و مصآإريف وصلت لـ 350 مليون عشآإن الإسيوية وبالنهآية بالثلالاثه :( من الموسم القآدم مهآجم آجنبي لايرحم , يكون بدل احمد علي , و تككفون رجعو نيفز :( |
يارجااال روقنا وش دخلنا حنا جمهوور مااقصر اربع سنوات ورى بعض نملا لهم المدرج سبعين الف متفرج ومع ذلك يجلس يلعب على قلبي لاعب مثل ياسرر ونطلع ويقولون لنا السنه الجاايه وش بتسوي السنه الجاايه ياعبدالرحمن بن مساعد بتجيب محترف ضعيف جنب ياسر علشان تفرض ياسر علينا ؟؟ يااناس حرام عليكم حنا جمهور ودعمناكم بكل المباريات اقل شي تسوونه لنا أكرشولنا هالاعب وريحوونااااااا البطولتين دوري وما دوري مانبيها ملينااا من الدوري ومن الكأس والحين جاايين تفكرون بكأس الملك وش نستفيد منهاا كأس الملك نبي اسيااا بس من حقكم تطالبون بكأس الملك لأن وجه الكابتن ماهو وجه اسيا وجهه وجه بطولات ضعيفه وحتى مايساهم الا بـ 2 % منهاا وهو الي يرفع الكأس |
إقتباس:
|
موضوعك فاشل تبي تبرد على قلبونا مثلا - اقول اللي لعبو البارح ناس ماعندهم غيره على فرقهم هذولاء ناس مصلحجيه تبي الفلوس بس 150 الف لك لاعب هلالي وبالاخير يسون كذا لاتقعد تقول مكتوب ندري انه مكتوب من الله لكن 5 سنوات والهلال بذا الحال ولاويطلعون لنا اعذار وانتم يالجهور تصدقون اقول صدق من قال نادي محلي |
كل شــي مقدر ومكــتوب ماهو مكتوب لنا الفوز البارح الحمد لله على كل حال :) هدوووووووووء يا جمهورنا المعصب تحسسوني إن هذي السنه اخر بطوله لآسيا ترون فيه موسم قادم وإن شاء الله أحلــى |
مع احترامي الشديد لك ياخوي العزيز ،،، انت مو هلالي ،،،، واذا جزمنا انك هلالي ،،، فللأسف ،،، ماتت عندك الغيرة على هالفريق!! هذا هو الهلال يعني؟؟؟ يعني الهلال ينهزم بالثلاثة ومستوى متهالك وكل واحد من هاللعيبة فاتح فمه في الملعب ،،، وانت تقول الجمهور؟؟؟ لو كنت انت لاعب وتؤدي داخل الملعب وفي النهاية تنهزم ... راح اصفق لك ، لانك قدمت اللي عليك وزيادة! لكن تنزل للملعب وهمك قصة شعرك والجرايد وش راح تكتب عنك ،، وتشبعت من هالفلوس ،، ولا جبت خبر لهالجمهور اللي معك ،،،، هذا اللي مانرضااااه ابد ابد ابد!! ماجد المرشدي اعتبره مازال طفل في عالم الكرة وتوه داخل للمجال الرياضي ،، فاتح له موقع ويسجلون لقطاته وصوره واهم شي تطلع صوره حلوة ،، عشان المعجبات ينهبلون عليه!!! ولا الفريدي اللي فريقه مهزوم بثلاثة و9 لاعبين من الاتحاد متراجعين خايفين من صحوة الهلال ،،، واخرتها يتمشى في نص الملعب ويرجع الكورة للحارس؟! كأنه فايز بـ 4 صفر؟! ولا ياسر حقكم هذا اللي اهم شي تصير ربطة الكابتنية واضحة للناس والجل على الشعر واضح ،، ويفكر لو حط ربطة زرقاء مو احسن من البيضاء؟! وفوق كل هذا ،، مدرب مايدري وين الله حاطه فيه ،، وكل ماتورط وجاب العيد ،، سأل الشايب اللي جنبه ،، وش اسوي تكفى يرحم والديك؟؟ انزل هذا ولا اطلع هذاك؟؟؟!! تجي في الاخير تقول الجمهور؟! من جدك انت؟؟؟؟؟؟؟؟؟؟؟؟؟؟؟ |
ولي العهد والدوري كل موسم ناخذهم ,, خلاص فرطو فيهم بس نبي الإسيوية , |
اللي صار كااااااااااااااااااااااااااااااارثة جمهور شبع من المحلي كل سنه و أحنا نحلي نبي هجووووم كاسح والرابطة ذي ياليت لو يجلسون في بيتهم نبي صووت حلوو ترتيب أهازيج زي الناس جمهور كذا يتحمس يجن جنووونه الرابطة تذكرني بحراج الصواريخ في جده ومين يزيد ؟؟؟؟ لو يسكت احسن له |
انا ابي اذكر مجموعة نقاط وان شاء الله تكون مفيده : اولا كل مانطلع من بطولة اسيا قالو غيرو المدرب وهذا غلط لان كم مرة نطلع من البطولة والسبب الاعبين انا اشوفه رقم واحد تذكرون مباراة ام صلال كان فيها الهلال غايب تماما يعني تبون المدرب ينزل يسجل هدف ؟ ومباراة ذوب اهن كانو الاعبين صفر وامس بعد كانو اقل من صفر الا كم لاعب الله يعطيهم العافيه لو الله ثم هم كان وصلت 10 ثاني شي الى متى وحنا نجامل ؟ ياسر امس مالمس الكورة حتى الاعب الاقل امكانيات منه احمد علي نزل وحرك الهجوم وهو لاعب صغير وماعنده خبره وانت يالقحطاني خبرة وسمعه وماتسوي اي لو هجمه عاديه محاولة على الاقل بس ماقول الا ياجمهور الهلال انتم من دمر ياسر كل يوم مدح فيه وتاركين الاعبين الاخرين وهذا والله مايقلل من قيمة ياسر والله اني احبه واعشقه بس الحق ينقال ياسر نازل مستواه مرره والمفروض يبدا باحمد علي بس لافات الفوت ماينفع الصوت وثالث شي يمكن تكون خيره لنا لان فريق بهذا المستوى مانبيه يفوز ونفرح واذا جاء الدور ثاني طلعنا خلنا نطلع من الحين احسن عشان نعدل الاخطاء واللي حصرتها بكم نقطة : 1 / المدرب مايتغير وعطوه فرصه خلوه يروح معسكر والاعبين يكونو جاهزين لا اصابات ولا غيره 2 / جلب طبيب من افضل الاطباء لان كم مرة نغير مدرب ولا يصير شي انا اشوف الاصابات اولى 3 / بيع عقد نيفيز وجلب ظهير مميز سعودي وكلنا عارفينه ( خالد الغامدي ) لان الكوري ماقصر بس السن له احكام وشفتو امس نونو قدامه يمشي وهو يوقف يرفع يده تسلل طيب غط الاعب بعدين شوف اذا تسلل ولا لا وجلب مدافع سعودي يكون مميز بالضربات الرأسيه وعندكم لاعبين مميزين بس مالقو فرصة 4 / جلب لاعب هداف وانا اشوف تيم كاهيل الاسترالي افضل ويكون لاعب اسيوي بدل الكوري لي 5 / احمد علي ماقصرت ويعطيك العافيه بس نبغى لاعب هداف طبعا ننهي عقد المصري وجلب لاعب وسط بامكانات التايب ويكون قوي البنيه مايخاف من الالتحامات وافضل ان يكون برازيلي والباقي لا يتغير الفريق ممتاز ويالله هارد لك يالزعيم وان شاء الله البطولات الجايه من نصيبك والفريق البطل مايحبط عند اول هزيمه ياما فرق خسرت وش تعني الخساره ؟ بالعكس انا اشوف الخساره في بداية الطريق افضل من الخساره في نهاية الطريق واخير الله يوفق الفرق السعوديه وصراحه الاتحاد يستاهل يكون ممثل الكرة السعودية لانه افضل من الهلال البارح وخلونا نكون واقعين الفريق الافضل هو اللي يكسب واسف على الاطاله |
كفاية مجاملات والله مهاجم ما عندك احد.. اهم شي لا يخرب اللوك |
شكرا لك كلماتك عين الصوآآآآب .. ــــــــــــــــــــــــــــــــــــ قدر الله وما شاء فعل ,, قضاء وقدر والحمد لله على كل حال وفي كل مــآل صحيح بكينا والله من هالهزيمه المخجلة وعوااااجيز الاتهاد ماخذه الملعب بطوله وبعرضه ,, ايش اللي صار في لاعبي الهلال غريب والله لكن اعتقد ان الرطوبة له دور ممكن وإلا التخدير اللي من البطولتين خدرت لاعبي الزعيم حتى ظهروا بمستوى غير لائق بهم .. اكتفي بهذه الكلمات والتي تخرج بكل حرررقه وألم والدموع قد ذرفت الله يكون بالعووووون بس . وبالأخيــر: الرجاء الابتعاد عن التجريح لبعض لاعبي الزعيم والانتقاد اللاذع لهم وكأن معهم عصى موسى .. يا إخواااان اللي كتبه الله في خير إن شاء الله , وعلينا تجنب الكلمات غير اللائقــة بمن أسعدوووونا ببطولات وإنجازاااات ,, لأن البعض لا يرى إلا بعين واااحدة فقد هي عين ذكر المساوئ والتشفي .. آن لم آكن هـلاليَ وقت آلآنكسآر .. لن آعترف ب هـلأليتي عند آلآنتصآر |
والله شي يقهر حقيقه نازلين للملعب مخدرين و واثقين بشكل كبير ان الفوز من نصيبهم طيب قدموا شي يشفع لكم قدام الرئيس وأدارته وجمهوركم .. والله لو لعبوا امس وخسروا ميخالف بنتقبلها بكل بروح رياضية وبنضرب لهم تحيه عسكريه .. بس للأسف لا مستوى ولا أداء وتمريرات فاشله .. المرشدي إلى متى هذا مستواه ..؟؟؟ ومع هذا ارجع وأقول : لم تكتب لنا .. أبارك للأتحاد واقول لهم ماقصرتوا وتستاهلون التأهل لأن آسياء يبيلها فريق يلعب بروح وثقه بنفسه .. وهاردلك لنا .. بس من الحين اقولها لكم ان الله احياني لأسياء القادمه اعذروني حضور ماراح احضر الأ ع النهائي اذا كان الهلال طرفاً فيها . |
| الوقت المعتمد في المنتدى بتوقيت جرينتش +3.
الوقت الان » 05:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd