تكــــفون أسمعــــوني سبــــب خسارتنا من الاتحاد مو قصة أن والله الفريق مش كويس لالالالالالا الهلال فريق محد يقهره إلا هو، ولا نقدر نحكم على مباراة وحدة (90) دقيقة فقط.
لكن أتوقع وهذا رأيي الشـــخصي ولكم رأيــكم يــا جماهير هلالنا المحترمة أن اللاعب المفروظ ما يسمح أن تتم مجاملته بشكل بالغ للغايـــه، تقبلو نقدي ومشكـــورين وبدون زعل والأمر كالتالي:
1- ياسر القحطاني زودها بصراحة وليس راس حربة صريح لأنه ماله في الإنفرادات أبد وهو لاعب موهوب وماراح يجي لاعب مثله في مهاراته لكنه لاعب خلف المهاجم يعني مهاجم ثاني، والأفضل أن يتم ركنه في الأحتياط عدة مباريات لمعرفة أخطائه بنفسه.
2- أحمد علي المصري من أول ما جابه الهلال وانا داري أن ما عنده ما عند جدتي ياخي ما يعرف يثبت كورة كيف تبيه يلعب في فريق الهلال الي هو بكل صراحة نادي موفي مستواها، يأخواني وياخواتي الهلال فريق ومن دون مجاملة نادي عـــــــــــريـــــــــــــــق كيف تلعب أي من كان بشعار الهلال إلا وهو يستحقه بكل جداره، وعن قصة المبالغ المادية فالهلال مليئ من ذا الناحية بدعم أعضاء الشرف المحترمين الله يعطيهم العافيه ويخليهم لها النادي ذخر إنشا لله.
3- ماجد المرشدي لاعب مجتهد وما يقصر لكن نزول مستواه الحاد ما يمكنه أنه يكون أساسي وأكثر ما كثر الله اللاعبين المحلين في خانته جب واحد بداله كويس مع هوساوي الله يعطيه العافيه وخل المرشدي أحتياط له.
4- جابيير كالديرون مدرب قمة ومافي مثله وأنصح بعدم التفريط فيه بكل صراحة والثابت نتايجه مع الهلال وغيره.
وفي الأخير تقبلو نقدي ولا أحد ياخذ بخاطره ومشكوريييييييييييييييين على حماسكم المستمر مع الزعيم وبإذن الله الآسيوية سهله بس يبيلها تركيز بسيط وناخذها بكل يسر إنشا الله وما على الله شي كايد، مع التذكير أن الهلال كان في البطولة الآسيوي هو النادي الي ينخاف منه وإذا ما كان البطل يكون الوصيف وحتى الآن الهلال بطل البطولات في قارة أسيا يازعماء.
كبير يالهلال والكبير الله سبحانه