|
للاسف هذي هي الحقيقه ... ولكن لا حياة لمن تنادي !!! "السلام عليكم ورحمة الله وبركاته" هار لكم يازعماء وقدر الله وما شا فعل .. بدون مقدمات ابدخل بالموضوع مباشره وبشكل نقاط سريعه ... اذا نبي ننافس باسياء ونكون فريق لا يقهر محليا واسيويا (كل مباراه مع الفرق الكبيره اكون قلقان) ** التعاقد مع مهاجم سريع ومهاري ويجيد ظربات الراس و يعرف طريق المرمى , وتعزيز الهجوم بالاعب محلي امثال السالم او مهند عسير يكون احتياطي .. ** لاعب ظهير ايمن محلي او اسيوي يجيد الادوار الدفاعيه والمسانده الهجوميه وسريع .. ** قلب دفاع محلي بدل المرشدي المتخبط وهذي من اهم النقاط.. ** تعزيز الوسط بالاعب الاتفاق يحي الشهري لاعب يملك فكر راىع وذكي ورجل قويه .. ومضه.. ** المرشدي : بعد كل مبااره يثبت انه مدافع نكبااات وبسببه فقدنا مباريات اتمنى من كل قلبي يتغير ويشوفون له حل (الى متى مجاملات) ** احمد على: لاعب كبير وجيد لكن لا يصلح للهلال""المحياني نفس مستواه تقريبا"" بالخاطر ,, ارحمونا يا اداره الهلال (كفايه مجاملات لبعض اللعيبه) تقبلو تحياتي :ba: |
مشكورين يامشرفينا على الرفع |
الروح ثم الروح ثم الروح هي الي بتجيب اسيا محد كان يتوقع الاتحاد يفوز علينا لا محللين ولا جماهيرنا ليه ؟ لأن كلنا كنا نقول فريق شيبان وتعبان وكل الموسم فاشل لكن شف سبحان الله روحهم غطت على كل شيء كل شيء ,, اتمنى اشوف ياسر ( القائد ) يحمس لاعبيننا ويوجههم ويكلمهم زي ماشفنا نور اليوم ! لاعبيننا اذا كانت مباراة حاسمه او لا اذا المدرج فيه 70 الف ولا لا نفس الحال عندهم ماتفرق برود برود برود وكل هذا وين في اسيا بس . اذا كنا نطمح للاسيويه ولي العهد وكاس الملك لللاحتياط الدوري وكاس اسيا للفريق الاول مب معقول نادي واحد يكوش على كل هذي البطولات واضح ان لاعبيننا تشبعوا بطولات وفرح وقدموا جهد كبير في الدوري وولي العهد والحين جايين في وقت الحسم متهالكين !! ولابد احضار مهاجم اجنبي هداف والمرشدي اذا ماحسن مستواه الله لايهينه يقعد بدكه الاحتياط صراحه أغلب الموسم يرتكب اخطا فادحه ويوهق الدفاع معه ! ويطيح جهد الفريق كامل ومدرب فاهم ويعرف يقرا المباراة صح - عذرا الرد كتبته في موضوع ثاني بس لأن هذي وجهة نظري |
كثيير ما جــاملـنآ ع حسسـاب الهلال وألحين عاد جاء وقت الجد ونصفي شوي من اللاعبين اللي مالهم داعي جاء وقت العمل للكـيـآن 2012 نبي سنه ليتفاجأ الكل بالهلال ويصير أفضل من البرشااا وبالتوفيييق |
ياكثر المرض فيك وفي اللي ردوا عليك هذي عادتكم إذاخسرنا قمنا نتف الفريق فوق تحت وإذا فزنا طيرنا الفريق بالعجه تبيني اذكرك واذكر غيرك ايش صلح المرشدي في مباراة الغرافه شوي وتحطونه فوق سطح القمر والظهير اللي تقوله والله مافي السعوديه زي ليونغ خساره وحده سوينا كذا اجل لو أربع ممكن استخفينا |
قدر الله وما شاء فعل ,, قضاء وقدر والحمد لله على كل حال وفي كل مــآل صحيح بكينا والله من هالهزيمه المخجلة وعوااااجيز الاتهاد ماخذه الملعب بطوله وبعرضه ,, ايش اللي صار في لاعبي الهلال غريب والله لكن اعتقد ان الرطوبة له دور ممكن وإلا التخدير اللي من البطولتين خدرت لاعبي الزعيم حتى ظهروا بمستوى غير لائق بهم .. اكتفي بهذه الكلمات والتي تخرج بكل حرررقه وألم والدموع قد ذرفت الله يكون بالعووووون بس . وبالأخيــر: الرجاء الابتعاد عن التجريح لبعض لاعبي الزعيم والانتقاد اللاذع لهم وكأن معهم عصى موسى .. يا إخواااان اللي كتبه الله في خير إن شاء الله , وعلينا تجنب الكلمات غير اللائقــة بمن أسعدوووونا ببطولات وإنجازاااات ,, لأن البعض لا يرى إلا بعين واااحدة فقد هي عين ذكر المساوئ والتشفي .. آن لم آكن هـلاليَ وقت آلآنكسآر .. لن آعترف ب هـلأليتي عند آلآنتصآر |
عيب عليك تقول المحياني نفس مستوى احمد علي يابوي المحياني احسن مهاجم بالهلال حاليا لكن ادارتك والجمهور الي مثلك هم الي سامحين لياسر يلعب على قلوبنا بكل مباراه عيسى المحياني يثبت وجوده داخل الملعب وتحس برجولته وبروحه وبحمااسه مو مثل لاعبينك الي بدال ماتطالب بتنسيقهم راايح تطالب بمحترف أجنبي يجي يسد النقص فيهم الهلال محتاج مهاجم أجنبي بدال ياسر مو معاه الهلال محتاج ينسق الاعبين الي تعدوا على الفشل والجبناء والانهزاميين آآآآآهـ يابندر بن محمد بس |
هاردلك للزعيم والله ثم والله اني ماكنت مرتاح للتعاقد مع كالديرون ولا احمد علي المحياني افضل من احمد علي بكل امانه لاعب ممتاز كالديرون ماعنده شي تكتيكه مكشوف وبذات عند الاتحاد وهذا الي حصل روحنا معك يالزعيم |
المدرب وبس وبس لايوجد غيرهذا؟ |
اولاً الحمد الله على كل حال واحنا في انعم ماهو نعمه واحده فقط والجايات اكثر بكثير لن تفوز باسياء بصناعة لعب (شختك بختك ) يجب ان تلتزم بصناعه لعب منظبطه وليست ارتجاليه بدون مقومات ثنيانيه على اقل تقدير لنسمح لك ان ترتجلها وترينا مالم نراه فقط ضع الكره في المكان والوقت الصحيح واحرص على هذه الميزه تكن صانع لعب خطر حتى لو ماعندك مهاره اتكلم وانا متعدي الاربعين من العمر ماهو من فراغ الكره فيها موهبه نعم لاكن بدون تطوير تظل مكانك راوح الروح فقط من تلعب في هذه المناسبات للاسف الفريق يعتقدون انها مباراة من الدوري وكل مباراة نفوز فيها الاخطاء فيها فادحه ولكن فريق عناصري كالهلال يحسم في اي وقت ولكنه غير منظبط تكتيكياً وهذا مايسهل من مهمة مدربين الخصم للعب معه بمبدا الظغط في نصف ملعبه ولعب المرتدات السريعه وفتح ثغرات في الدفاع جميع هزائمنا على هذا النحو ليه ؟ لان صناع اللعب بطيئون مزاجيون مخترعين لكور غير مقرؤه من المهاجم (المدافع) وبالتالي تنجح في مباريات وتخفق في اوقات الحسم كثيراً صانع اللعب هو زناد الفريق وعين النسر في الفريق لابد من تغيير نظرية صناعة اللعب وتسريح الصائم على دكة الاحتياط وعطاء الفرص بعداله دون مجامله فلان وعلان على حساب الفريق اقر باني لم اكن مقتنع بمستوى الفريق حتى وهو يحقق البطولات لاسباب ذكرت اهمها والمجاملات ممتده الى المنتدى فلايوافق المشرفين على مواضيع الانتقاد القاصد للتقويم وعلى النفخ يرفع الموضوع انتقد لانني هلالي قديم عاصرت اكثر من 45 بطوله هلاليه والسلام مع هذا الصباح الحزين علينا |
خذ جاك ذا يقول نعزز الاحتياط بـ الساالم والا عسيــري ما تبي بعد مالك والا هزازي .. لا ويقول التعاقد مع ظهير أيمن آسيوي يجيد الأدوار الدفاعية والمساندة الهجومية .. بتقولي محلي انا معك اوما آسيوي ليـه ؟؟ لي يونق وش فيـه أنا أشوف إنه أفضل ظهير مر عالهلال في آخر خمس أو ست السنوات الأخيرهـ لا وتبي شهري الإتفاق !! وش نبي في صانعين إذا فريقنا النادي الأفضل لـ صانعي الألعاب نــبــــي مهاجم صريح و نـبـي روووووووووح فــــقــــطـ .. |
"العب يا ازرق".."AL-BALUSHI".."hqh12".."ادوماتو".."R.o.y" اشكركم من الاعماق على مروركم وتعليقاتكم الاروع... |
إقتباس:
اذا جبنا مهاجم اجنبي قوي وبوجود عدد كبير من الهجوم المحلى امثال ياسر وعيسى وبالتعاقد مع عسيري او السالم بتلقى تنافس بينهم بيصير الهجوم عندنا نااااري اما من ناحيه الظهير لي يونق من الناحيه الدفاعيه جيد اما من الناحيه الهجوميه لك عليه ولا تنسى انه اجنبي مو محلي (يمديك تجيب افضل منه بالف مره ,, واتوقع قاره اسيا مليانه لعيبه ) اما الشهري فوالله لاعب جيد وصدقني اهو الي بينسيك الشلهوب لما يعتزل .. ولازم تكثر الوسط علشان ظغط الدوري ودوري اسيا خاصه اذا اصيب عندك لاعب من الوسط بيكون عندك احتياط اروع.. الاختلاف في الاراء لا يجعل للـود قضيه |
| الوقت المعتمد في المنتدى بتوقيت جرينتش +3.
الوقت الان » 08:10 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd