بسم الله الرحمن الرحيم

في الحقيقة انا مااحب اكتب كثير ولكن من زود الغبنه والقهر غصب الواحد يطلع اللي في قلبه

من قبل المباراة ماكنت متوقع الفوز صراحة واذا فزنا فالاتحاد هو من اهدانا المبارة تدرون ليه؟؟

لان مافي لاعب واحد على الاقل كنت اثق فيه واقول هذا بيشيل الفريق

للاسف رحل سامي ومن قبله الاسطورة يوسف الثنيان وذهبت روح الهلال معهم وغاب زعيم آسيا

الهلال قبل مايشبع من آسيا

والان اشباه الاعبين يجيبون الدوري والكاس ويقولون خلاص ماقصرنا

ان فزنا باسيا بها وان مفزنا يكفينا الدوري!!

اليوم الهلال يلعب بدون نفس وسلم المباراة من اول دقيقة وبعد الهدفين تراجع الفريق ولا حاول مجرد محاولة انهم يرجعون للمبارة

ولي تلقاه مبدع طول الموسم واذا جاءت المباراة المهمة وزبدة الموسم ضيع وانا مالومه الصراحه

اذا الاعبين السعوديين من نفسهم ماتحمسوا ولا قاتلوا على الكرة تبي الاجانب يتحمسون؟!!

للاسف والله لن نفوز بآسيا اذا لم ترجع روح الهلال ولم ترجع روح الثنيان وسامي

انا مااطلب المستحيل ومااطلب ان الهلال مايخسر ولا مباراة

ولكن ابي الرووووووووح في الملعب ابي الاعب مايفصخ الفانيله الا وهو راضي عن نفسه

اليوم طلعنا من الاتحاد وقبله من ام صلال ومن قبلهم الوحدة الامارتي؟ الخ...!!

كل الفرق هاذي مااخرجت الهلال من البطولة بمستواها ولكن روح الهلال الغائبة هي من اخرجته

وفي الاخير اقول الكورة ماتعطي الا اللي يعطيها