|
امور يجب ان تكون بالحسبان ... بسم الله الرحمن الرحيم اولاً ... نبارك لشقيقنا نادي الأتحاد هذا المستوى الجميل ...الذي يستحق الأشاده ويضل نادي وطني سعودي ... ... ثانياَ ... اليوم والله كنت انتظر نواف التمياط يدخل ... كنت انتظر يوسف الثنيان ..يدخل يبدل النتيجه ... كنت انتظر التيماوي ...سامي .... يا ناس والله المشكله ...مو في الخساره ... المشكله بالي شايلين فنايل الزعيم ... اقسم بالله نشوف شعارات واسماء فقط ... .... الاعب لما يكون عنده تاريخ خلاص صدقن ما راح يعطيك بالملعب ... ياسر القحطاني وصل الهرم الآسيوي وحصل على افضل لاعب آسيوي من الطبيعي ان يهبط مستواه شفنا مستوي الشلهوب عام 2007 كيف كان هابط ...شفنا مستوى المنتشري كيف كان هابط بالسنوات الأخيره وش السبب ....السبب انه وصل الهرم الرياضي ....خلاص قدم الي عنده يحس ان ما فيه احد افضل منه في هالخانه .... من الظلم ان يترك ياسر بهذا الشكل ... الي اشوفه انا ..ان ياسر في كل مباراة يدخل الى الملعب ..ويستعرض بالكابتنيه ويخرج ....هذا اذا ما اخذ كرت ....زين اذا خرج بدون كرت وبس استعراض ... الخانه ملك ياسر ....اسئلكم بالله كيف تبونه يقدم مستوى والخانه ملكه ؟ كيف ...؟ سامي الجابر يوم كان على عزه ....كان فيه سيرجو ....وهو سامي ...من براعم الزعيم فكيف لاعب شارينه من نادي آخر وليس ابن للنادي .... .... ثالثاَ ... الجمهور ... الجمهور مطبل من درجه اولى ...والله ياسر وطقته ..متواجدين بالمنتدى 24 ساعه ... يشوفون هالتواقيع وهالرمزيات ..والتصاميم بالله عليكم كيف تبونه يعطي ...وهو يشوف الجمهور يتغنى به بهالشكل ... ترى الزمن تغير والظروف تغيرت ...ما فيه ناس تلعب للجمهور :cry:... في ازمان مضت كان المشجع الواحد لما يحظر يكرمونه الاعبين ويعطونه احلى تكريم في فوز يطلعه مبسوط زمانه من الملعب ..الحين الله المستعان اتمنى من كل المطبلين اذا يبون مستوى للاعب الي يحبونه ما يعطونه اكبر من حجمه ... والله يا ناس الاعب بشر ... .... حتى وهو خسران التواقيع موجوده والتطبيل موجود شيلو تواقيعكم وتغنو بماضيكم علشان يحس الاعب انه ماسوى شيء ...ولا قدم شيء للكيان .. (ياخوفي يجي اليوم الي نتغنى فيه بالماضي ولا يكون عندنا حاظر ((كحال الأخضر )) ) .... رابعاً ... من مشاكل الخساره اليوم ... المدرب ...الي تغنى فيه الكثير يوم حظر ... والله قلت لكم من زمان انه مدرب مع كامل احترامي له ... مدرب طقها والحقها ... طلعو كم عضو قالو انتم وش دراكم بالتكتيك ...هذا تكتيك والمدرب يبي يلعب الثاني وعلى ارض خصمه ...ويبي يقابل الأتحاد ..طيب قابله اليوم وش صار ؟ :cry:... المدرب قبل تجيبه تأكد من شخصيته ... المدرب اذا ما كان قوي وعنده شخصيه قدام الاعبين صدقن ما راح يقدم لك شيء.. الشخصيه والتكتيك ...قبل كل شيء ... وين التكيتك في المباراة وين ثقاقة الفريق ؟ وين الجمل التكتيكيه ؟ حنا نشوف مدرب وكأنه اول مره يلعب مباراة كبيره ومع فريق كبير .. ... خامساَ ... ترى ورب البيت حتى لو يخسر الهلال من الفقر . (الله لا يقوله ) راح نعشقه ...لأننا ما عشقنا اشباح لاعبين وانما عشقنا الكيان ... وهذا هي الحال لازم يكون فيه خاسر ورابح .. بالتوفيق للهلال في قادم الأيام مع مدرب رائع وكتيبه مجنونه وعشق جديد في موسم جديد .. :rose: وافــــــ كان هنـا ـــــــــــــي |
| الوقت المعتمد في المنتدى بتوقيت جرينتش +3.
الوقت الان » 08:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd