في البداية الحمد لله على كل حال
لكن انا ارى ان الفرق الاوروبية يكون له طموح وتركيز على بطولة معينة من بداية الموسم فيجلبون لعيبة على مستوى على امل تحقيق هذي البطولة فاذا هذي الفرق ماقدرت توصل تجدد من دماء الفريق في الموسم اللي بعده
انا ارى ان الاسيوية ليست عقدة على الهلال بل هي عقدة على اللعيبة الموجودين احنا يمكن لنا اربع سنوات ماغيرنا الا يمكن لاعب واحد بس والبقية ثابتين ليش احنا مصرين على اللعيبة هذولا بتقولون محليين مافيه نشتري من ابرز اللعيبة بالدوري او نطلع لعيبة من مدرسة الهلال بتقولون اجانب انا اقول ممكن ينفعون بالبطولات المحلية لكن في الاسيوية لا شرق اسيا متطورين بشكل كبير عننا فاذا رغبنا بالاسيوية انا اطالب من هذا المنبر بتغيير الاجانب كلهم وبعض اللعيبة المحليين
نقاط:
* ياسر اعذرني لكن ماقدمته للهلال شي كبير سابقا لكن حاليا الله يعطيك العافية خلك احتياط انت لاعب غير حاسم في المباريات الكبيرة
*احمد علي عذرا لكن مستواك ممكن انك تلعب في الاتفاق ولا النصر بس مع الهلال لا (باي باي )
*انا ماني عارف الناس وش لاقين في الفريدي حاولت ادور لاعبين في العالم نفس لعبه مالقيت وين الموهبة اللي عنده
* الشلهوب يمكن عامل البنية الجسمية ماساعدك اليوم وتسببت علينا بهدف ثالث
*عزيز اليوم مو في مستواك
*رادوي اثبت انه ماقدم للهلال اي شي خصوصا في اسيا من دور الستة عشر وطالع
* الزوري نقطة ضعف واضحه في دفاعات الهلال اتمنى يجي مدرب ويخليه في وضعيه افضل
* اليوم ضايع وارتباك واضح دهورتنا اليوم
* اسامة يعطيك العافية ماقصرت
*المرشدي استمر في ضياعك اللي كلفنا الكثير واحنا ساكتين

* كالديرون انا من مسك الهلال وانا اشوف انه ماشي بالبركة اتمنى تغيير المدرب وجلب مدرب على مستوى يرفع الهلال مثل جريتس
*جريتس شكرا لك لانك اول مدرب حسستني ان الهلال لعبه اوروبي وجا كالديرون ورجعنا على لعب الحواري زي اول
واخير
*عبدالرحمن بن مساعد اتمنى تجديد دماء الفريق وكفاية مجاملات يرحم والديك
* اتقبل مرئياتكم حول وجهة النظر

ان اصبت فمن الله وان اخطئت فمن الشيطان ومني
وصلى الله وسلم على نبينا محمد وعلى اله وصحبة ومن والاه الى يوم الدين