|
أقــســـم بـالله أكــــتـــــب الـــمـــوضــوع وأنا أبـــكي ,,,,, بسم الله الرحمن الرحيم ,, قبل أبتدي موضوعي .. أحلف يمين أني أكتب الموضوع وأنا أبكي ... ,, بقول اللى في خاطري .. بس تكفون لاحد يقول بعد الخساره جاي تنتقد الفريق .. أكثر مواضيعي أنتقد وخاصه أذا كان الهلال فايز .. وأرجعوووو اللى مواضيعي .. .. ,,العابد والدوسري .. أتخيلوووو لو كانو من بدايه المباره وش راح يصير في عواجيز الاتحاد ,,المحياني من بدايه المباره موجود بدال ياسر القحطاني مع كامل أحترامي وتقديري ياسر ماهو ياسر 2007 المعروف ..!!!!!!!!! ,,من بدايه المباره .. والهلال مهزووووز وضايع وخايف وتخبطات من اللاعبين اللى يشوف يقول المباره في ايران ماهي في جده .. ،،المرشدي .. هذا اللى عندك سهل الاختراق الحين حااااااان وقت جلب مدافع محلى قوي جنب هوساوي أخيراااا والله مافيني أكتب كثيررر أبو مساعد أنت كفيت ووووفيت وبيض الله وجهك .. بس تكفي نبي مهاجم هداف لايرحم قدام الباب .. .. أحبك ياهلال رغم كل الاحوال :ba: :ba1: |
صــــــح عليــــك !!!!!!! |
الهلال خذلنا كلنا ولاعبينا قضو علينا كلنا امسح دموعك ياخووي |
كلن بعقلة راضي وانا بحبك يازعيم مجنون والله ماتدرون وش الخيرة فيه اتوقع الموسم الجاي التركيز بس على اسيا |
السـبب في الخروج الوحيد و الاكيد : المدرب الفآشـل |
ايوة الله صدقت مهاجم قوي قوي قوي قوي وبالنسبه لك يا هلال ستبقى نادينا المفضل ومستحيل نتركك وصدقوني الهلال اليوم صاير له شي غريب ..!! |
بصراحة بدخل في الموضوع على طووول كلنا نعرف مدى المأساة مع بطولة آسيا بالرغم كانت البطولة المحببة لنا ماسالنا أنفسنا لماذا صارت البطولة شبح نخاف منه ماسالنا أنفسنا لماذا اللاعبين النجوم يتحولون الى أشباح وكان إقدامهم مكبلة بالحديد وقت الحسم ماسالنا لماذا نخرج من البطولة في من أندية تحلم أنها تلعب مع الزعيييم ماسالنا ...ما سألنا ....ما سألنا ....لماذا أقولكم بصراحة هي أسباب كثيرة وتكلمنا عنها بس في جوهري في الصميم هو الإدارة الإدارة هي التي جعلت من آسيا شبح لانستطيع تحقيقه وذالك من الكم المادي الذي صرف على النادي بغرض تحقيق البطولة هي التي بتصريحاتها جعلت من اسيا شبح يخاف منه اللاعبين وش أسيا وين قوتها وين صعوبتها اذا ام صلال الفريق المتهالك الذي انهزم في ال8 وصل الى نصف النهائي وربي بطولة سهلة الدوري السعودي أصعب منها كثير ر ياناس ياعالم بالله لو عندك اخو او ولد ومتعود على النجاح وفجاءة تقوله بسنة اذا نجحت رايح افرش الدنيا ورد وتو ضحله انه انجاز غير مسبوق بصراحة وش رايح يكون ردة فعله بيصير فغيه خوف من النجاح لماذا رايح يقول وش هاذا الاهتمام الغريب الخرافي بشيء متعود أني أحققه وهذا هو واقع الهلال من شبح آسيا بكل لقاء وبكل موتمر آسيا آسيا آسيا بصراحة بديت اشك ان حقننا آسيا قبل كذا انتر ميلان عانا نفس الشعور مع الأميرة الاوربيه ((شربنا من نفس ماشرب منه موراتي رئيس الانتر )) قسم بالله فيه سنوات كانت سنوات كان الانتر الأفضل اوربيا بس الضغط النفسي على الفريق وشرب نفس ألكاس النصر الذي كان فوزه على الزعييم انجاز غير مسبوق وبهذه العقلية عانا من الهلال سنوات الى تغيرت الصورة وكذلك يعاني الريال بنفس الوضع ولا الملكي مو ناقص لاعبين وجمهور ومدرب بس العامل النفسي له دووور انا ما اقول لاتهتموا بس مو بالاهتمام الخرافي من جمهور وأداره هاذا السبب الجوهري العامل النفسي وبعدين مالومكم متعودين على لاعبين يغارون على الفريق بس صعب ترجع الحقبة الالماسية سامي والثنيان والربع اللي معهم |
لو ماتشب ضوء الحمدلله قدر الله وماشاء فعل احمد ربك قبل اسبوع حاسم بطولتين |
الهلال مش بقوته الكامله في 3 اعوام لانه يلعب ب 10 لاعبين مميزين ولاعب مجآآمل من الآدآره والاتحاد السعودي |
الله يعطيك العافيه والله سبحانه ماكتب المباراة من نصيبنا ويجب ان نتروى قليلا ونعرف اخطائنا وان لا نقع فيها مره اخرى ودموعك ودموع اي مشجع غيور على الهلال والله غاليه بس ودي ان اللاعبين يحسوا فيها لكي يصححوا ماحصل في البطوله الجايه وان شاء الله ان نعوض بشباب الهلال الرائعين حقا الذين نحسد عليهم بالفعل فالهلال يمرض ولا يموت. شكرا للجميع وهاردلك على الخساره |
كلامك عيين العقل بس من حولك للأسف اليووم مستوى الهلال مخجل |
(فيكتور سيموس, يوسف السالم, ماجد بلال, حسن معاذ ) جيبوهم والاسيويه في الجيب . |
كتبت قصتي هذي بموضوع خاص ولم ينزل لا اعرف ماهو السبب قصتي مع المباراة المصيريه ... كنت متحمسا لهذه المباراة الى درجة انني خاطرت بجاهزي الايفون في حال خسارة الزعيم فكل ما املك فداء للزعيم !! كنت واثقا لان واثق الخطوة يمشي ملكا سلمت جهاز الايفون الان للمتحدي معا مع حبه خشم وقلت لا يهمني الايفون وجماهير الاتحاد والنصر الذين يشجعون ويطبلون غير فريقهم !!< عجبي ... قلت له بعد اهدائي الايفون له مايهمني هو الزعيم فريق دمي الذي يسير بعروقي مالذي جرا له لا اصدق ما راته عيني والله والله ان الزعيم يلعب وانني لا اصدق بدا نفسي يتضايق شيئا فشيئا وبدات عروقي تكاد تتفجر من الغضب انتهى الشوط الاول ورب السموات والارض فخرجت قليلا لكي اهدي من روعي فاذا بالمطر بالخااارج واقسم بالله العلي العظيم رفعت يدي عاليا بالسماء والمطرر يسقط بغزارة وطلبت ربي العظيم (( يارب ان الهلال يفووز اليوم ياارب )) ولكن ..! قدر الله وماشاء فعل شكرا زعيمنا فانت من اغرقتنا ب52 بطوله شكرا هلالنا اتدري لماذا غضبنا لانك دلعتنا بفوزك المعتاد ولا لخسارتك الغير معتادة اتدري لماذا غضبنا لاننا والله نحبك ونعشققكـ كثيرآ كيف لا وانا منذ الصغر احب اللون السماوي الازرق ختآمآ بكلماتي هذه اتمنى ان نحقق كاس المليك ونفكر بالقادم فلعل القادم انشالله افضل بكثير تجري الرياح بما لاتشتهي السفن .... ماتدري يالهلال انك بقلبي تبيت وماتدري انك دمي اللي بعروقي يسير وماتدري انك دمعتي اللي بعيني تحير وماتدري انك ظلي اللي بجنبي يسير وماتدري اني اعشقك اهواك وكلي وما املك فداك وان هذا بعد قليل .. ستبقى يا هلآلنآ في قلوبنآ رغم كل المآسي ... |
بإعتقادي اللاعبين كان كلهم باردين اليوم كأنها مباراة دوري مو مباراة اسيا وتأهل لدور الـ 8 بالنسبة لماجد لازم يكون احتياط ويجيبون مدافع مثل هوساوي وأفضل عزيز اشراكه في هالمباراه غلط وهو مالعب الموسم كله ياسر لم يقدم شي فالمباراه آابدا .. لو لعب كالديرون من البداية بالدوسري والعابد كان تغيرت النتيجة ويصير يدخل الفريدي والفريق متقدم واشوف انه بدال احمد علي كان المفروض يدخل عيسى عالعموم هاردلك وباقي كآٍس الملك ان شاء الله نقابل الاتحاد وناخذ البطوله .. |
ياخي والله ماتنلام بس انا ما انصدمت بصراحه لأني كنت متوقع من اول ماشفت التشكلية حبيبي والله شي واضح مايبغاله لو لعبنا بنفس التشكلية بس احمد علي أو عيسى بدال ياسر والله نسوي شغل اكبرر المشكله عندنا ادارة تمارس المجامله بشكل رهيييب مع ياسرر تخيل لاعب مستواه هاابط وحتى وزنه زايد ولايعرف يركض وبدال ما تتفاهم معاه راحت وسحبت شارة القيادة من النجوم حسن وهوساوي ورادوي وقدموها له !!! ياناس هذا لاعب يستاهل انه يستلم شارة قيادة نادي الهلال ؟؟ والله عيب والله عيب والله عيب الاداره اذا ماشافت حل للاعب هذا تتسقيل وتفكنا عبدالرحمن بن مساعد أنت ماقصرت وبيض الله وجهك لكن ما اظن انك ماتملك مشاعر مثل مشاعر جمهورك حرااام حس فينا وفكنا منه تكفى |
| الوقت المعتمد في المنتدى بتوقيت جرينتش +3.
الوقت الان » 07:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd