|
قصتي من المدينه الى الملز والعريجاء..... انا وعدتك ياهشام اللحيدان ولزم اوفي بوعدي...... (من القلب شكرا هشام اللحيدان ) بسم الله الرحمن الرحيم والصلاة والسلام على اشرف الانبياء والمرسلين في الاسبوع الماضي جأت على بالي فكره وهي ان ااترك اشغالي في المدينه واطلع لرياض يوم التتويج وافرح معهم واليوم اللي بعد التتويج اروح النادي واصور مع الاعبين والاداريين وبعدين ارجع للمدينه المنوره وفعلا حجزت تذكره الذهاب من المدينه الى الرياض بواسطه قويه عن طريق احد اقاربي موظف حجز تذاكر في مطار المدينه المنوره اقول حجزت التذكره يوم الجمعه الصباح ( يوم التتويج) في الساعه السابعه والنصف ووصلت الى الرياض الساعه 8 والنصف صباحا . ومالكم با الطويله ذهبت للمعلب الساعه الخامسه عصرا وحضرت المباراه وفرحت با الكاس الجديده وثاني يوم توجهت الى النادي وحضرت لنادي متاخر ويوم جيت قابلة حارس الامن قلت انا جاي من المدينه وتارك اشغالي كله علشان النادي ( تكفى دخلني ) احزن صح ؟ قالي روح للبوابة الرئيسيه وقول الكلام هذا لمشرف الامن ورحت للبوابه وقلت لمشرف الامن وماقصر الرجال دخلني . ودخلت المدرجات والا التمرين خلص والاعبين راحو ومافيه الا فهد المديد وهشام اللحيدان واقفين وبيني وبينهم شبك قربت من الشبك وسلمت عليهم وقلت لهشام اني جاي من المدينه وقلت قصتي اللي قلتها لكم واني لزم اصور مع الاعبين اللي مازالوا موجودين في النادي رغم ان اكثر الاعبين راحوا لبيوتهم . قال ابشر بسعدك تعال من وراء ومالك الا اللي يطيب خاطرك وجيت والا فيه واحد من حراس الامن قالي تعال تعال وين وين ؟ قلت هشام اللحيدان قالي لف من وراء والا هشام واقف قال خله يجي خله يجي واسلم عليه واتصور معه ومع فهد المديد ومع خالد شراحيلي ومع فهد الشمري ومحمد نامي وماجد المرشدي وسعد الذياب وعلي الكعبي كنت اتوقع انه بس هذولا هم الموجودين وثواني والا سيدي صاحب السمو الملكي الامير عبد الرحمن بن مساعد طالع من النادي ومعه الخلوق عبد الكريم الجاسر واسلم عليهم واطلب من الامير صاحب الخلق الرفيع اني اتصور معه وقالي (حاضر ) بصراحه اخلاقه جدا عاليه وتعامله مع المشجع البسيط تعامل راقي ما اقول الا ( الله يحفظ لك ويشفي والدك اللي على الطيب رباك ) وبعدها قلت لهشام اللحيدان لو انك ما قلت لي تعال من وراء كان ماقدرت اوصل للمنطقه هذي واتصور مع الامير ومعاك شخصيا ومع الاعبين ولكن والله لكتب القصه وا شكرك في المنتدى لكي يعرف الجمهور معدنك الاصيل وقال الله يعطيك العافيه ما سوينا شي . الحقيقه فرحتي وانا طالع من النادي كانت لاتوصف ونستني كل التعب اللي صار لي من المطار الى ان وصلت لرياض وخلال تنقلي بسيارات الليموزين والمصاريف اللي صرفتها . لكن لاجل الهلال يهون كل شي . اعذورني اذا كنت طولت عليكم ومن القلب شكرا لكل من يعشق هذا الكيان الجميل تحياتي وتقديري وودي هتلر الزعامه |
الله يدوم الفراح على الزعيم وكل الشكر لك اخووي وبااتوفيق لزعيم |
نزلنا صورتك مع سمو الامير خلنا نشوفكم يابن المدينة |
كفووو والله انك ونعم المشجع ورجالات الزعيم معروفين مايقصرون من اولهم شبيه الريح الى اخر واحد فيهم والله الفريق يستاهل مين يضرب المشاوير هاذا كله لي عيونه |
الله يوفقك يارب ..وان شاء الله كانت رحلة موفقة |
زين انك استفدت من جيتكـ انا من ابن الرياض ورحت مره وحده للنادي بس مافيه مباره بالرياض ماخليها الا اذا كان عندي ضرف |
اخوي هتلر والله أني أقرا موضوعك وانا مستمتع جداً وقراته اكثر من مرة والحمد لله انه ماراح تعبك على الفاضي اما شبه الريح يعلم الله أنه ملك قلبي وأكيد قلوب كل الهلاليين خاتمة. ليت جمهور الهلال في الرياض حريصين مثلك ويحضرون اقل شي المباريات |
كل الشكر لك اخووي وبااتوفيق لزعيم |
الله يوفقك يارب ..وان شاء الله كانت رحلة موفقة |
الحمد لله إن تعبكـ ماراح على الفـاضي :) وتشرفت بالتصوير مع أميرنا المحبوب بالتوفيق ....... |
ماشاء الله تبارك الله زين بس كيف لو تدخل المعسكر والله شكله خوقاقي المعسكر ومكاتب الاداريين انا بالاسبوع اروح 4 ايام احظر التمارين |
هههههههههههههه حلوه القصه |
قصة حلوه والحمدلله تعبك ماراح هباءمنثور ولاكن أكيدتمنيت مقابلةالشلهوب وياسر ورادوي وولهامسون لاكن الحمدلله شي أحسن من لاشي. وتمنينى أنك نزلت صورك مع اللاعبين وشبيه الريح. |
الله يوفقك يارب ..وان شاء الله كانت رحلة موفقة |
شكرا لك وكثر لله من أمثالك----------- والهلال حق واجب علينا------------------ تصل بالسلامه ورحله موفقه يارب--- |
| الوقت المعتمد في المنتدى بتوقيت جرينتش +3.
الوقت الان » 11:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd