|
ذكريات الصيفيه ورمضان في الكويت.. السلام عليكم ورحمة الله وبركاته.. كيف الحال..وحياكم الله.. ذيس از اول موضوع لي في المجلس العام اللي مادريت عن فلته الا من قريب.. طبعا اخوكم راعي الموضوع..من الكويت وساكن وادرس في الرياض.. وبما ان الكويت وطني فلازم كل صيفيه هنانك نكحا اعيننا..:naughty::naughty: المهم السالفه..اني سافرت انا و والدي الله يشفيه واخي اللي يصغرني سنا..في العطله الصيفيه اللي راحت..(1430-1431) رحنا المطار بحكم ان الوالد ممنوع السواقه لفقده الرؤيه في عينه اليسرى.. رحنا قبل الرحله بـــساعتين ونص..واوم الدلع في المطار.. طبعا انا محترم وثقيل..ما عدى اذا جاء معي اخوي اللي يصغرني سنا..خبل ومحشش all the time.. المهم سافرنا وو صلنا لدرة الخليج..رحنا بيت عمي العزيز بحكم ان الغالية ما جت معنا.. الطقوس في بيت عمي: قبل لا يدخل رمضان واثناء تواجدنا في بيت عمي.. كان لا بد من ترتيب اوقاتنا كالتالي: من بعد الفجر الين العصر:نوم تايم.. من بعد العصر الين العشاء:في النادي.. من بعد النادي الى الساعه 11 ليلا:جالسين مؤدبين مع عمي وابوي نشوف العربيه :d ونتعشى معهم عشاء جامد وثقيل..بر وسمن وعسل<< وصلناها الكويت:d من بعد الساعه 11:ينامون الشيبان وتبدأ الطهبلة.. انواع الطهبلة: 1-ناخذ كرة اليد ونلعبها كرة قدم في الديوانيه[المجلس] 2-نطلب العشاء من كنتاكي ولا ناكل الا البطاطس وشوي من الهمبرجر<< اسراف ادري..:yes: قبيل الفجر بساعتين نلعب بلايستيشن..بطولات ومباريات كلاسيكو الخ.. طبعا هذا قبل رمضان.. ................................................ رمضان وازدياد مرض والدي..: رغم اني ملازم لوالدي منذ ان سافرنا معا..واهتمامي بما يريحه.. ورغم ان امي قد جاءت..الا ان ارادة الله فوق كل شي.. والدي كبير في السن..والصيام امر غير هين على من هم في عمره.. ولكن حبه للخير ينسيه ما يتعبه.. في ذلك اليوم اللي كنت مواصل ولا نمت الا الفجر.. قمت على صوت ابي المفزع وهو يناديني: سعد..سعد..قم وانا ابيك..قم ودني للمسشفى.. طبعا راسي كله نووم..رديت عليه: طيب موعدك الاسبوع الجاي.. قال ادري بس وانا ابوك تعبان.. قالي كلمة تعبان بصوت ثاني.. قمت وانا خايف:وشفيك.. قام الوالد ذاك اليوم..وهو ما يقدر يتحكم في بوله اكرمكم الله:cry::cry: فزيت ووديته المستشفى.. ومن الساعه 9 الصباح الى 2:30 الظهر وحن في المستشفى.. طلعنا في عز الحر..والكويت معروفه بذلك.. المهم قلت بونسه واخليه ينسى اللي جاه وبسولف.. ما امدانا ننزل من الكبري اللي بعد المستشفى الا والسيارة تمشي وتطفي وحنا في الخط.. طلع ما فيها بنزين .. انا انكبت..انا في نص الخط.. على اليمين شاحنات.. وانا اشوف ذاك الفراغ بين شاحنتين وقلت يله فرصتك.. يوم جيت بدخ الا ذيك المره اللي سقطت على اليمين تبغى تطوفني.. السيارة طافيه ولازم اصفط والدركسون ثقيل.. وانا اكمل وما علي منها.. المهم ان الله ستر ووقفت السيارة على خط الطوارئ.. الوالد حالته حاله..وانا احرقت السلف.. قالي:السيارة ما فيها بنزين.. قلنا الشكوى لله.. وانزل وقلته لو تشوفني اندعس من تريله لا تنزل.. قلت له ذا الكلام..لاني ادري انه لو يشطفني هوا سيارة بيروح فيها من حبه لي..:cry: المه مشيت ناصي محطه على بعد كيلو.. كنا على شارع الملك فهد رحمه الله..مثل الدايري.. المحطة اللي شفتها كانت من الطرف الثاني..يعني لازم اقطع.. وانا امشي وتشطفني ذيك التريله وطاااااااااط.. حسبي الله عليه..خوفني.. يوم وصلت وقدني بقطع..التفت يمين.. وش لقيت؟..لقيت محطه علي نفس مساري.. يعني ما يحتاج اقطع..لكنه على بعد نصف كيلو.. قلنا سلامتنا ابدى.. واروح للمحطه..وصلت وانا طاااافي :to: جيت عند اللي يعبي بنزين.. صديق في دبه حمضيات.. قال لا.. هنا تحطمت..:cry: واجلس اتلفت في المحطه..فجأة لقيت واحد يأشر لي.. جيته ويطلعلي دبة حمضيات..s13s الله يوفقه وييسر امره.. واعبيها وارجع.. يوم وصلت لقيت الدبه مشقوقه..وربعها انكب علي..بس الحمد لله جات على الربع.. وصلت لقيت ابوي ناوي ينزل..قلت له وش فيك.. قال ليش تأخرت علي..<< الله يجعلني فداه.:cry: المهم عبيت السيارة..ورحت اشغلها.. اول مرة عيت..هنا تحطمت مرة اخرى.. بس المره الثانيه..سميت بالله واشتغلت.. واروح للمحطه واعبيه..طبعا السيارة بدون مكيف..تخيلوا حجم المعاناة..خصوصا والدي.. وارجع للبيت وتدري امي..وتقوم تبكي.. المهم انا ما عاد اشوف ادور السرير.. واصكها نومة الى المغرب.. واقوم للفطور ويستقبلني عمي استقبال الابطال..:d والحمد لله..الوالد رجع له التحكم..ولكنه ما زال يصارع مرضه السابق الى الان.. ....................................... حبيت اشارككم هذا الموضوع..لاني حسيت ابغى افضفض..فأول من طرى لي انتم.. ...................................................................... اتمنى انها اعجبتك السالفه..وانتبهوا.. ترى قبل كنت مدلع ولا طرى لي انه بيصير لي كل ذا.. فلا احد يامن الزمان..انا الحين مكلف بأمي واخواني الاربعه وانا ما زلت في ثاني ثانوي.. الدنيا ما لها امان وانا اخوكم..اتمنى انكم استفدتم.. تحياتي لكم..:smilie47::rose: |
وعليكم السلام ورحمة الله وبركاته .. وحياك الله اخوي بين اخوانك واخواتك بالمجلس , , والحمد لله ع سلامة الوالد مايشوف شر ,, والله يخليه لكم ,, وثاني مره شيك ع السياره من كل النواحي ,, البنزين والتواير << مسوي كويتي :d وان شاء الله تتحفنا بموضوع مثل هذا واجمل .. ودمت بخير |
يَ هلآ و غلآ و مسهلآ في مجلسك >> مسوي أبو مقبل :D أول شئ : الله يشفي أبوك شفاءاً لا يغادر سقماً و أن يلبسه ثوب الصحة و العافية يارب العالمين .. و عليك يأخوي بماء زمزم خله يشرب منه ترى فيه فوائد كبيرة و ياحبذا لو تقرأ في الماء شوي من القرآن و أدعية الرقية الشرعية ! ثاني شئ : الله يعطيك العافية على موقفك مع أبوك و مخاطرتك بنفسك علشان سلامة الوالد و هذا ماهو بمستغرب منك دام يــامي :smilie47::smilie47: وفقك الله و أعانك |
هلا والله وغلا باليامي ,, :smilie47: أسال الله العظيم رب العرش العظيم أن يمن على والدك بالشفاء العاجل .. :) ويجعل ما اصابه تكفير وتمحيص للذنوب وزيادة بالاجر .. :ba1: والله يعينك اخوي ويقويك على المسؤولية اللي ع ظهرك .... :rose: يعافيك ربي يالغالي ,, :smilie47: |
" الله يشفي والدك ويمده بالصحة والعافية وطولة العمر " شي طيب وانت بها العمر تكون عندك مسؤولية :ba1: وانت فالنهاية تقول لاتامنون :d وانت بعد شلون ماتحطون بنزين احتياطي فالسيارة افرض هذاك النشمي ماعنده وافرض وقفت عليكم السيارة فالطريق السريع او في مكان مهجور >> :s2: زي الغابة :s5s: خذ الحيطة والحذر أأمن لك وانا اختك ... نورت مجلسنا وإن شاء الله ماتطلع منه الا وانت متعشي :ap: |
أسأل الله أن يشفي والدك شفاءا لا يغادر سقما . رب ضارة نافعة يمكن ما كتب لك هالقدر إلا إن يجعلك إنسان أفضل في المستقبل من التجربة . تقبل مروري |
هلا والله وغلا باليامي ,, أسال الله العظيم رب العرش العظيم أن يمن على والدك بالشفاء العاجل .. ويجعل ما اصابه تكفير وتمحيص للذنوب وزيادة بالاجر .. والله يعينك اخوي ويقويك على المسؤولية اللي ع ظهرك .... يعافيك ربي يالغالي ,, |
^^^^^^^^^^ الله يحييكم ويا مرحبا..شرفتوا الموضوع.. والله يقبل دعاكم.. والحمد لله تجربة تعلمت منها الكثير.. واظهرت لوالدي اللي كان يستصغرني من خوفه علي.. اظهرت له مدى تحملي للتعب والمسؤوليه..وانني لم اتعلم ذلك الا منه.. ..................................... لا هنتوا على المرور والله يبيض وجيه اللي سير على الموضوع..واللي ردوا لهم::smilie47::ba1::rose::ba: تحياتي للجميع.. |
عند محطة البنزين دخلت معك بالقصة وصرت افكر كيف اقطع الطريق او اطلع للمحطة الثانية :d بس الله يعوضك تعبك والله يشفي ابوك ويجعلك ذخر له تلعب كورة يد برجلك يالديواانية لغز :d |
هلا باليامي دبة حمضيات يعني ابو ريال ونص ولا ابو خمسه (تذكر واحد تكلم معك بالقروب عن اصلك هذاه يتكلم معك الحين ) |
حياك الله اخوي AL-yaaami ومنور المجلس يا صديقي .. وابد تعال تزلج عندنا دايم :d الله يحفظ لك الوالد ويخليه لكم .. وسالفة البنزين ذي مشكلة عويصه :to: قبل كم اسبوع قضى البنزين علي الظهرية وانا بطريق خريص :s5s: وانزل ابي اروح المحطة الى القى واحد موقف لي :s5s: ويطلع احد اعضاء المجلس العام القديمين :d:smilie47: طبعا ما قصر وصلني المحطة ورجعني :wub::wub: وبعد باشر لي ماء :razz: الله يجزاه خير دائماً .. بالتوفيق لك يالغالي دائماً . |
إقتباس:
كيف رايح برمضان ونيتك تكحل عيينك !!:s5s::d إقتباس:
على اساس ان الرياض ثلووج :s3s: :razz: عمووما اخووي الله يبارك فيك ويزيدك برَ بأبوك وامك واخوانك ماشاءالله عليك :rose: وحمستنا لاجواء رمضااان :wub: الله يعيده علينا وعليكم بصحه وعافيه يارب :smilie47: |
الله يشفي والدك ويرحم عمتك .. لا تتهاون في الصلاة لازم تؤدى في وقتها ..والله يوفقك ويثبتك على بر والديك وعنايتك بأخوتك الدعاء والرقية لها اثر عجيب في الشفاء .. |
نورت المجلس يآبطل .. والله يشفي أبوك يآرب ويخليه لكم يآرب .. ويطول بعمره لكم .. شكرا على طرحك عزيزي .. ولاتحرمنا منه .. |
| الوقت المعتمد في المنتدى بتوقيت جرينتش +3.
الوقت الان » 09:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd