|
هل نتمكن من الفوز على الاتحاد أم يكون الثلاثاء يوم الخروج المرير ؟؟ الكتاب واضح من عنوانه وللمره الثانية اتحدى الهلال يفوز على الاتحاد .. من يقبل التحدي ؟؟ مشكلتنا عاطفيين لابعد مدى حتى لو كانت الدلائل والقرائن موجوده وواضحه للعيان لكن دائماً الرياضيين السعوديين غير صادقين مع الناس اللي حواليهم بس اكيد صادقين مع نفسهم لان ما راح يعرف احد الشي اللي بين الشخص ونفسه فتحصل الشخص مع نفسه يعرف ان نسبة الفوز بالمواجهات بين الهلال والاتحاد في الغالب للاتحاد مهما كان مستوى الهلال الفني بالموسم او قبل الكلاسيكو لكنه يوهم نفسه مع الاخرين ان الهلال افضل واقرب للفوز !!!الموسم الماضي قدم الهلال موسم رااااااائع لكن مباراة نهائي كاس الملك كان لاعبين الهلال سيئين وكانهم لاعبين درجة اولى ويلعبون قدام بطل دوري الممتاز مع ان الهلال هو بطل الدوري السنة الماضية وكان الاتحاد يلعب على باب واحد ( الهلال ) طوال 120دقيقة وربك ستر من خسارة مذلة وتاريخيه ولو قدر ان الاتحاد يجيب هدف من اول الشوط الثاني كان صارت ثقيلة بالهلال ... انا نفسي مستغرب ليه لاعبين الهلال قدام الاتحاد من اول عشر دقايق تحسهم مسلمين المباراة وكل تمريراتهم خطأ وكل لاعب تحسه يبغا يتخلص من الكوره وكل لاعب يعتمد على الثاني انه يقطع الكوره والمهاجمين ما توصلهم كوره واذا وصلت تحس الكوره حجر ما يقدر يعدي فيها او ما عنده استعداد انه يركض يضغط على حامل الكوره دفاع او حارس الاتحاد .. تعرفون ليه الاتحاد يعطي النصر بالخمسات او الستات ولا يقدر يعطيها الهلال مع ان الاتحاد في مباريات الهلال خاصة خروج المغلوب او المهمة يضيع هجمات اكثر من اهدافة بالنصر لان الله موفق الهلال بحراس ( الدعيع والعتيبي ) يخلصون كور صعبة وهجمات مؤكدة ولو حارس الهلال شريفي او راضي او العنزي كان الاتحاد معطينا كل سنه خمسة ..!!! مباراة الدوري اللي حسمها ياسر براسه , اسألكم بالله كم هجمة للهلال وكم كورة هدف انقذها الدعيع ؟ عندي ايمان كامل ان الهلال افضل من الاتحاد بالخمس سنوات الماضية وبمراحل وبجميع الخطوط لكن اذا تقابلو بمبارة حسم او خروج المغلوب تحصل 90دقيقة على باب واحد طبعاً اكيد باب الهلال حتى يوم فاز الهلال على الاتحاد 5\0 قسم بالله ان الاتحاد قاتل لنهاية المباراة واضاع كور اهداف عديدة ولو رجعت للمبارة كان حصلت ان الهلال له ثمان هجمات والاتحاد ست هجمات واستحالة احد يتخيل ان النتيجة 5\0 والدليل ان مباراة الدور الثاني كان الهلال يحتاج هدفين وتعادل عشان يحطم عدد الاهداف والنقاط للاتحاد كرقم قياسي ( 56 هدف و56نقطة) لكن الهلال كالعادة قدام الاتحاد خسر وسجل هدف غير كافي لتحطيم الارقام .. فنياً ابصم بالعشرة الهلال افضل وافضل وافضل بس بمباريات الاتحاد ابصم ان الهلال سيئ جداً جداًو قدام الاتحاد مرات ادعي ان الاتحاد يجيب هدف ويريحني من الضغط .. اكيد مستغربين وتقلون هلالي يدعي ان الاتحاد يفوز .. اقولكم كيف؟؟ في نهائي الدوري 2007 اللي فاز فيه الاتحاد على الهلال 2\1 جاب الغامدي هدف الهلال وبعدها المباراة ضغط رهيب على الدعيع وهجمات من كل جهة ( اكيد راح تقول طبيعي الفريق متقدم .. طيب ان اسأل معقوله ولا هجمة مرتدة للهلال حتى النص ما تعداه لاعبين الهلال وكأن الهلال نادي درجة اولى ) المهم كنت حاس اي هدف اتحادي راح تهل الاهداف الاتحادية والاعبين يتفرجون الا حارس الهلال سيقاتل لنهاية المباراة ( واخرتها راح نحط حرتنا بالحارس والاعبين المتفرجين ما احد جاب طاريهم ) على العموم بعد هدف المولد بأخر الدقايق دعيت الله يجي هدف ثاني ونخسر بشرف وفعلاً جاء هدف المنتشري وصدقوني لو لعبنا اشواط اضافية (30دقيقة ) كانت النتيجة كارثية للهلال والسب الاتحاد قدام لاعب وحيد هو الحارس !!! اتحداكم الهلال يفوز على الاتحاد والاعبين كالعادة متفرجين ومتثاقلين ويالله يتحركون ومعتمدين فقط على الحارس وكأن العتيبي راح يقدر يوقف قدام 11 لاعب كل مبارة ..؟ لازم يحس الاعبين بالمسئولية وخاصة لاعبين الوسط والهجوم مهو كل مبارة حاسمه مع الاتحاد الحارس يخلص كور خطرة وينتظر هدف او فرصة من الوسط والهجوم لكنهم نايمين واخرتها الهدف جاي جاي بالهلال مهما قدم الحارس من مستوى .. انا هلالي صميم ومتعصب للأخر لكن كل شي وله حد مبارة الثلاثاء ما راح احمل العتيبي اي مسئولية للخسارة وحتى لو سجل بالهلال بشكل متعمد راح اسامحه لكن الهجوم والوسط هم من يتحمل الخسارة لو صارت لان الغائب الاكبر في مباريات الكلاسيكو دائماً .. سامحوني على صراحتي |
أتعبت نفسك أخ تركي بإطالة الموضوع إختصاره في كلمتين ثلاث أما ردي على الموضوع فتاريخ لقاءات الفريقين يشهد لمن الغلبة عبر التاريخ وإن كنت تحدثت عن سنوات سابقة فأرك أغفلت لقائي الدوري لهذا العام فاللقائين كان الهلال متسيدا لهما وبخاصة لقاء الدور الثاني والذي كان اللعب فيه على باب واحد تقريبا _باب الإتحاد_ نعم يمتاز لاعبي الإتحاد بروح الحماس وبخاصة في لقاءات الهلال ولكن لا مستواهم الفني ولا اللياقي يسعفهم في لقاءات الهلال اللقاء الذي تتحدث عنه في نهائي الدوري قبل ثلاث سنوات كانت المباراة تسير في مصلحة الزعيم حتى قام خالد عزيز بحركته تلك فقلب الكفة وأنتشى لاعبي الإتحاد. ختاما .. لا تهول من الإتحاد وإن كان فريق يحترم ولكن الهلال لا يقل عنه بل يزيد فنيا ولياقيا وتكتيكيا وقفلة أخيرة .. لا تنسى أن المدرب أوليفير إستحدث طريقة جديدة في مواجهة الهلال لم يسبقه بها أحد وهي اللعب بظهيرين وكل ذلك إدراكا منه لمدى خطورة الزعيم وقوته الهجومية .. |
العنواان يرووع ..... !! شكيت اننا الفقر ,,,!! |
ياخي الهلال كبير و الكبير كبير لو ينزل دوري مناطق |
انا بصراحة ضد التفائل المفرط ولكن !! بنفس الوقت ماتوصل اننا نكون متشائمين لدرجة انو احنا نقول خلاص ما فيه امل .. انا معك ان الاتحاد فريق قوي , بس لاتنسى انو احنا كمان فريق مش سهل ابدآ الحمدلله فريقنا الكل يهابه بشكل كبير .. بأذن الله الاسيوية هالسنة راح تكون للهلآل وصدقني التشائم ماراح يفيدنا بأي شئ خلينا نكون يد وحده وبأذن الله اللاعبين راح يحسون بقيمة المباراة ولاتنسى ان فريقنا صار متمرس ماشاءالله على الانتصارات تفآئلو بالخير تجدوه اللهم يارب وفق الهلآل وفوزة في مباراتة امام الاتحاد اللهم آمين يارب العآلمين لآتنسون الزعيم من دعواتكم |
باختصاااااااااااار اذا كانت المباراة مفتووووحه من الفريقين راح يكون احلى كلاسيكو اسيوي واللي يسجل اول اتوقع يحسمها وتوقعاتي 2_1 للزعيم |
موضووووووع متعوووووب على الفاضي وماله داعي مع احترامي لك نرد عليك يوم الثلاثاء اشك انك فقرااااوي |
والله انك صادق بكل حرف قلته وانا معك ياخوي |
ياخوي وش ذا التشاااؤم ...........؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟ وبعدين وش ذا العنوان الي يشوفك يقول كل مبارياتنا معهم فوز لهم .............؟؟؟؟؟؟ تحيتي لششششخصك لكن نتيجة المباراة بين الفريقين فيفتي فيفتي ... |
انا ماخوفني الا التفائل الكبير اللي عند جماهير الهلال بس بالنسبه لموضوعك مادري وش الهدف إقتباس:
ياخي شككتني انك متابع للهلال نسيت وش سوا باكيتا مخلي اللاعبين يتمرنون ليلة المباراه حتى الحسيني كان معصب وبعدها فاحت ريحة باكيتا وانطرد حسستني من كلامك ان الهلال فريق توه صاعد!! |
أنآ وآثقه من فوز آلزعيم لآن الزعيم عودنـآ علىآ الفوز خصوصاً مبآرآة خروج المغلوب وبصراحه العتيبي والله آنه بطل وكآن لهم دور المنقذ في هالموسم |
يااااااااااارب وفق الزعيم ياااااااااارب ونتخطى الاتحاااااااد ياااااااااارب مشتاااااااااااااقين لاسيا حيل مشتاقين:cry: وانا ضد التفاؤل الازيد او التشاؤم الزايد احترم الخصم والعب بروح وتكتيك تفوز:wub: |
إقتباس:
لكن انا كنت اقصد مباراة 2007 مهو المباراة اللي انطرد فيها عزيز وللعلم حتى المباراة اللي تقصدها كان الاتحا افضل .. مره ثانية ان مؤمن ايمان كامل ان الهلال فنياً افضل قبل المباراة لكن بعد بداية المبارة يتغير كل شي للاتحاد وهذا اللي رافع ضغطي بلاعبين الهلال |
والله ان هذا اللي خااايف منه الهلال امام الإتحاد ماادري وش يصير له الإتحااد يضغط على لاعبين الهلال ولا يعطي مسااحة واذا مااعطى مسااحة خلاص تفوق على الهلال يعطيك العاافية |
يا شباب تفاؤلوا انا متأكد ان الهلال بيدعسهم على ارضهم ان شاء الله ويا صاحب الموضوع كن متفاؤل حنا افضل كمستوى طوال الموسم وكفريق و لاعبين يعني ليش التشاؤم انت تقول الهلال كان وكان ينهزم طيب ممكن يتغير الحال وهم افضل مننا كعامل الارض والجمهور فقط لاغير والجمهور بيغطي عليهم صدقني شكرا شكرا |
| الوقت المعتمد في المنتدى بتوقيت جرينتش +3.
الوقت الان » 03:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd