أكيد
ترغب الفوز وتسعى اليه
وتعلم ان المباراة مهمة
وان الآسيوية لابد من تحقيقها لاسباب عدة
المهم
والاهم
بالعامية اقول
ادخل المباراة اول ربع ساعة ومهمتك انك تجيب هدف
بهجوم ضاغط ولا تأخذ في بالك ان المباراة آسيوية وخروج مغلوب وتحديد مصير وجس نبض ومن هالكلام. لا لا لا
خذ اول ربع ساعة هدفك الحصول على هدف

ليش أقولك كذا
لأني اعرف لاعبين الاتحاد اول ربع ساعة يدربون راسهم
مايدرون وش اللي صاير. ولايبدون يحمون الأبعد خمسطعش الاولى
انتم وقتها صمختوهم بهدف
وش اللي يصير وقتها
الاتحادين تجيهم حالة ام (....) مايحتاج أقولها
ولا. عاد يدرون وش يسون وينسون شي اسمه تكتيك او تكنيك
يجيب كل واحد منهم اللي في راسه.
وقتها
عليكم بالعودة لتقفيل المنطقة الخلفيية
واللعب بالهجمة المرتده
ويالله يا ولهامسون جتك المساحات الفارغة
انت والشلهوب والعابد
فتحو شوارع
ما هيب الاشوي وتجيك الكروت الحمر
تصافك على المنتشري وطيب الذكر تكر وهاذك الثاني اسامة المولد
واذا راح فيها واحد منهم بالأحمر

باي باي يالاتحاد
اما اذا كلهم عارفين السالفة
فالله الله بالتسحيب داخل منطقة الجزاء يالفريدي

وخلك منتبه لا يجزرك واحد منهم
والا البلنتي مضمون
لانهم اهم شي عندهم كرامتهم لاتنهان بتسحيبه
او كبري. والا المباراة معد هوب داري وين ها فيه


انتهينا الان بعدة طرق وانتهى الشوط الاول


الشوط الثاني
ترى لعيبة الاتحاد بيشتهم المدرب
والإداريين ليش ما طبقتو الخطه

عاد هم يبدون ينضغطون الشوط الثاني ومتاخرين بهدف
وووووو
الله بهجمة بدون فلسفة وهدف الثاني

اذا جبتو هدف الثاني
نقول انتهت المباراة تماماً ان شاء الله
لانهم خلاص بايعينها ماعندهم غير الهجوم
ومثل هالحالة. كل مرتده بهدف


اما في حالة ما قدرتو تجيبون هدف اول ربع ساعة

فخلو اللعب متوازن على طول بعد الربع ساعة الهجومية
واستخدمو تكتيك المدرب

والله يوفقكم

اذا جى فيكم هدف مثلا والله لايقوله
إياكم واخذركم من الاندفاع
لان. الاتحاد وقتها طربانين
العبو بتكتيك المدرب
والا ترى تتضاعف النتيجة


الان نقول
لو سجلتو هدف اخر ربع ساعة من المباراة
وش المطلوب
المطلوب ياطوال العمر
اللعب المتوازن وليس العودة للخلف
لان الاتحاد سبحان الله
من واقع متابعة
اخر عشر دقايق يعادل النتيجة شي معروف عنه
فكونكم متراجعين تسهلون له الوضع تماماً

بقي اقول
اذا حسيتو ان الاتحاد صعب
الله الله جروهم للاشواط الاضافية
تراهم شيبان. ما عندكم احد وقتها
وبتتقدمون عليهم ان شاء الله

لان كل واحد منهم منتهي قازه


تراني اقول هالكلام لأني
مدرب غير محترف اعرف وشلون
تجي الامور احيانا
وشلون نكسب احيانا

أعيد واكرر
اول ربع ساعة اذا تجيبون هدف
قولو على الاتحاد السلام
لان الاتحاد تحت الضغط اول المباراة. في الغالب يخسر

لكن لو جبتو هدف
اخر ربع ساعة انتبهو مره
تراه ينتشي ويمكن يعادل بالسهولة

بالتوفيق
أعجبتكم النصيحة والا ما كنكم شفتوها

وما توفيقي الا بالله