يا ياسر والله يا صعفقتهم على بعض ما تبي شيء ... !!!! - نادي الهلال السعودي - شبكة الزعيم

هلالي من الرس · #1 22/05/2011, 12:50 PM

مساء الخير لجميع الزعماء وألف مبروك بطولة الدوري الـ 13 في تاريخ الزعيم ،

بداية أحب أن أشرح معنى ( الصعفقة ) التي في العنوان ...

لو قلنا فلان صعفق الفناجيل مع بعض المعنى ( حاسهم أو سدحهم أوكسرهم ) ثم تعالو لنتذكر سوياً جملة من أهداف الكابتن ياسر التي سجلها إما بمراوغة مدافع أو مدافعين معاً أو حتى ثلاثة !! وهي كثيرة لا تعد ولا تحصى ، ثم من شاهد منكم لقطة الهدف الأول للنصر في مرمى الاتحاد ! سعود حمود وبذكاء ( سدح ) أبو منتشري وخلاه يزلق ( بوش ) ومرر الكرة بكل سهولة وجاء منها الهدف !
تعالو معي وعلموني كم أعمار قلبي دفاع الاتحاد ( المنتشري وتكر ) أتوقع إن إجمالي عمرهم سبعين سنة وأراهن على الشيء هذا !
ولو افترضنا غياب تكر ومشاركة المولد أو سالم فهما بالتأكيد أصغر سنا لكنهما أثقل وزنا وحركتا ...
ياسر صدقني مراواغة هذان العجوزان أسهل من مراوغة ولدك(( عزوز )) بس يبي لك قلب شوي .. وشلون !!
أقولك وشلون بالتأكيد أن هناك لاعب سيتفرغ لمراقبتك رقابة ( باتكس ) وعندها ستكون متواجد على رأس قوس الجزاء وستأتيك الكرة وظهرك للمرمى ... عندها يالبى قلبك موه يمين أو شمال وخذ الكرة بالعكس وأدخل ما والله تلقى قدامك إلا مبروك زايد وصدقني سهلين مررررررررررررررررررة مررررررررررررررة !!
أتذكر مباراة ناقويا في نهائي أبطال آسيا المعلق ناصر الأحمد يخاطب سامي ( وكأن سامي يسمعة ) أثناء أحد الأهدف وكان يترجاه صدقني يا سامي سهل راح تعدي منه صدقني سهل وبالفعل عدى سامي وعكسها للمندفع يوسف وسجل الهلال الهدف الأول ..

صدقني يا أبو عبد العزيز إن دفاع الاتحاد من أضعف دفاعات الفرق بس خلك واثق من نفسك وخذ لك جرعة ثقة شوي من الفريدو وشف وبأذن الله ستحسم اللقاء بقدمك وبهدف لا أحلى ولا أغلا ولا أروع ...

هديل الزعامه · #2 22/05/2011, 02:50 PM

نصيحتي ليآسر لا تسحب ولا تتفلسف شوت أي كورة توصلك اذا قريبة من المرمىآ

ولا مرر لآحد زملائك ... إذا توهقت خخخـ

وترىآ مثل ما دفآع الآتهآد ضعيف وحركتهم بطيئه حتىآ يآسر حركته بطيئة وثقيل

شــجــاع · #3 22/05/2011, 02:55 PM

إقتباس


	تعالو معي وعلموني كم أعمار قلبي دفاع الاتحاد ( المنتشري وتكر ) أتوقع إن إجمالي عمرهم سبعين سنة وأراهن على الشيء هذا !

الله يقطع ابليسك

إن شاء الله اللاعبين كلهم ما يقصرون .. و الاتحاد كله سهل بس يبي له تركيز
بالتوفيق للزعيم ..

مشكور

casper alhilal · #4 22/05/2011, 03:20 PM

المولد .. عطه تهويزه ( تمويهه ) يطيح

وبالنسبه لتكر يزلق يجيه شد

ها الشايب

بس حتى ولو يجب الحذر .. والرعونه

miss L · #5 22/05/2011, 03:28 PM

الله يوفق ياسر ويعطيهم هاااتريك يحوسهم..<باحلام اليقضة

اما دفاعهم وكلامكم انهم عواجيز ..!
بالله ماتشوفون هجومكم العقيم ؟؟
هجوم كسسسرة ضعيف كحيان بارد العوير والزوير والمنكسر ..
ياحظ دفاع الاتحاد يبي يرتاح مع هالهجوم الي يرفع الضغط النايم ..عجزو يسجلون على نجران تبون يسجلون على الاتي..
مااقول الا الله يستر من هالمباراة ويعديها على خير ونفوز لو بهدف من ويلي ولا الفريدي ولا الشلهوب..ولاهجومكك سلم لي عليه وخله يكبر المخده باللمباراة ذي والله يخلف علينا بس

ادوماتو · #6 22/05/2011, 03:32 PM

بإذن الله القناص سيضع بصمة التأهل يآآآآآآآآآآآرب
وبالتوووفيق للزعيم ولنجووووومه ...

مشكوووووور ياخوي

رعد صميم عشق الزعيم · #7 22/05/2011, 03:34 PM

إقتباس

الرسالة الأصلية كتبت بواسطة miss L


	الله يوفق ياسر ويعطيهم هاااتريك يحوسهم..<باحلام اليقضة اما دفاعهم وكلامكم انهم عواجيز ..! بالله ماتشوفون هجومكم العقيم ؟؟ هجوم كسسسرة ضعيف كحيان بارد العوير والزوير والمنكسر .. ياحظ دفاع الاتحاد يبي يرتاح مع هالهجوم الي يرفع الضغط النايم ..عجزو يسجلون على نجران تبون يسجلون على الاتي.. مااقول الا الله يستر من هالمباراة ويعديها على خير ونفوز لو بهدف من ويلي ولا الفريدي ولا الشلهوب..ولاهجومكك سلم لي عليه وخله يكبر المخده باللمباراة ذي والله يخلف علينا بس

وش هالتحطيم ,, هجوم الهلآل قدّهــآ وقدود .. هم رجـآل المواقف الصعبة ..
الله يوفقهم بالمبآرآة القادمة وكلّ المبآريآت ,,

هلالي ومطنوخ · #8 22/05/2011, 04:07 PM

بعض الناس هنا مدري خبول مدري دلوخ ؟ اللي يقول بنفوز بالخمسة واللي يقول ياسر بيجيب هاترك

مهاجمنا العجوز عجز يسوي شيء قدام نجران فما بالك قدام الاتحاد المنتشي بالفوز على النثر ... هجومنا

بارد ميت ما ينشد فيه الظهر هذي الحقيقة ما يحتاج اكذب على نفسي او اكذب عليك .. الدوري اللي حققناه

ما كان بقوة الهلال بل بضعف الاندية هذا الموسم لحد يجي يقول لأن الهلال هو اقوى فريق !! خلونا نتكلم

بالواقع الآسيوية بعيدة عن الهلال بعد السماء عن الارض في ظل وجود اشباه مهاجمين .. بالله احمد علي

القرنبع هذا يسمى مهاجم ؟؟

تياقو نيفيز506 · #9 22/05/2011, 04:07 PM

نداء لكل الزعماءءء في الغربيه .... تذاكر مبارة الهلال والاتحاد الاسيويه والهامه جدا .... تباع أبتداء من عصر اليوم الساعه اربعه في مقر نادي الاتحاد واستاد جده .... نتمنى من الزعماء في الغربيه محاوله الحصول على اكبر قدر ممكن من التذاكر قبل نفاذها .... التذاكر المطبوعه 18 الف يعني العدد محدود .... الهلال بحاجة وقفتكم في اهم مبارة هذا الموسم

ياحبيلك ياشلهوبنا · #10 22/05/2011, 04:12 PM

ان شاء الله ياسر ياصفقهم الاتحاد في اسياء

الملتاع97 · #11 22/05/2011, 04:16 PM

ياسر تنقصه الثقه بنفسه

ياليت يا ابو عزوز تبدع وتغربلهم وتفرحنا

باذن الله الفوز حليفنا

1ابو ابراهيم · #12 22/05/2011, 04:20 PM

شكرا لك يا غالي

ما شاء الله على ياسر جمهوره هو الداعم الكبير له

مهما كان مستواه الاغلبية تمدحه و مستواه في الفترة الاخيرة اقل من المطلوب

و مع ذلك اساسي

اتمنى يراجع نفسه و بالتوفيق له و للزعيم

عواجي من الرس · #13 22/05/2011, 04:22 PM

هــو شــي وآحــد بيخلــي الهــلآل يفــوز بعــد توفيـق الله سبحـآنه وتعـآلـى:

إحـــتــــــــــــــــرآم الخــصــــــم وإعطــآؤه حقــه

شـكـرآ ولـد الديــرة

قلت أحبه حيل · #14 22/05/2011, 04:25 PM

هلالي وأفتخر حدث العاقل بما يعقل
ناخذ بطوله دوري بدون ولا هزيمه
تقول لأن الفرق ضعيفه ؟؟
فرق ضعيفه الاتحاد يفوز على النصر 5 ؟؟؟؟
فرق ضعيفه كلهم يلعبون بأسيا وكلهم تأهلو ؟؟؟؟؟
وش تحس فيه وانت تجي وتنظر وتلغي مجهود رجاااال همهم كسب البطولات
من قال هجومك ميت او عجوز ؟؟؟
ياسر يغيب ويحظر ولايكن لايعني هذا انك تنعته بالعجوز ولو قارنا بالاعمار كم عمر نور وكم عمر ياسر ؟؟؟
عندك ويلي ورادوي حتى ولو لم يقدمو شيء بالمباره الفائته ترى مباره نجران تحصيل حاصل
موب مباره خروج مغلوب عشان تقيم مستواهم فيها
على فكره احمد علي خطر في كذا مباره لاكن الحظ ماساعده بالتهديف
بعدين محد ترك لك ولي العهد والدوري لسواد عيونك
تركوه لانهم ماقدرو يجارون الزعيم
بطلووو تهميش لجهود النادي والاعبين اللي قاعدين يتعبون
بطلووو جلد للذات حتى لو لم تكن ذاتكم تستاهل هذا الجلد
ممكن سؤال هلالي ؟؟؟
متأكد انك تتكلم عن الهلال ؟؟؟؟؟؟؟؟

وقف تعلم ياسر تكلم · #15 22/05/2011, 04:30 PM

يآسر لاعب كبير ومايحتاج اننا نقولهـ وش يسوي بالملعب

وبالتوفيق للزعييييييييييييييييييييييييييييييييييييييييييييييييييييييم