|
كالديرون مباراة الموسم مثل ماقال سامي اكون او اكون ( احذروا من هذا الرجل قد يجردنا من هذا اللقب ) اول شيء اتمنى من اعضاء جماهير الهلال تكون عندهم معرفه ودرايه في بعض المواضيع بعضها تكون هادفه لتصحيح الأخطاء والآخرى زعزعه للفريق .. هذي نقطه احب اوضحها قبل مباراتنا المهمه مع الأتحاد ودي اتكلم عن كالديرون : انا من الناس اللي انتقد كالديرون في كثير من المباريات بس ودي اوضح لكم شيء لم ننتقد كالديرون مو معناها نطالب بأقالته لا والله عندي ثقه في هالمدرب وعندي ثقه في كابتنا سامي الجابر وهو اعرف مننا بمصلحه الزعيم لاكن من حقنا كاجماهير ننتقد المدرب اذا اخطا .. مباراتنا يوم الثلاثاء اعتبرها ( زبدهـ الموسم ) مايهمني كأس خادم الحرمين الشرفين بقدر ماتهمني بطولة آسيا صح كل البطولات مطلب لجماهير الزعيم كالعاده لاكن في بطولة اهم من بطولة كم اشتقنا لبطولة آسيا مباراتنا مع الأتحاد لازم نفوز فيها ليش ؟؟ فريقنا الأفضل في كل شيء لاعبين محليين واجانب واستقرار بالجهاز الفني والأداري وبكل شيء حتى الموسم هذا فرق شاسع بيننا وبين الاتحاد ولو فازوا على الفقر او غيروا المدرب لايعني انهم الأفضل . لاكن مو شرط تكون الأفضل على شان تفوز واحب اذكركم بشيء الموسم الماضي الهلال الأفضل بكل شيء ولعبنا المباراة النهائية بكأس خادم الحرمين الشريفين امام الأتحاد وكان الفريق شبع بطولات وفاز الأتحاد صح بركلات الحظ لاكن كان يستاهل ليش لان نجوم الزعيم هم من ارادوا الخسارة لاكن مباراة الثلاثاء تختلف هذي بطولة آسيا . انا ما اخشى على الزعيم الا من كالديرون ؟؟ هذا المدرب اللي ماتعرف وش يدور براسه مثل مباراة سبهان الأيراني الخسارة والفوز كلاهما نتيجه واحدة لاتغير بجدول الترتيب وكان الفوز مطلب هلالي للبحث عن الصداراة حتى نلعب على ارضنا مع بونيدكور الضعيف هذا الموسم مع انه كان الموسم الماضي اقوى وفزنا علية بالثلاثة وكان من المتفرض نلعب بطريقة هجوميه كعاده كالديرون اكتشفنا من اول دقيقة الى اخر دقيقة مدافع ؟؟ مباراة الغرافة يكفيه التعادل او الخسارة بهدف وتوقعنا يعلب بطريقة متوازنه هجوميا ودفاعية لعب بطريقة هجومية قلت لكم مدرب غريب لاكن احترمه ما اعيب على كالديرون تغييرات يخلص تغييراته بشكل سريع في كثير من المبارايات الدقيقة 70 مخلص جميع التغييرات وهذا اكبر غلط في مشكلة كبيرة / الهلال له اكثر من موسم يلعب مع الأتحاد بالرياض او بجده لو الهلال افضل تلقاه متخوف من الاتحاد وكأن الاتحاد الفريق اللذي لا يقهر ابي ارجع بكم للموسم الماضي لم فاز الهلال بـ 5 مع المدرب غريتس الداهية يا ناس احب هالمدرب لو تلاحظون السبب الرئيسي في فوز الهلال من اول دقيقة مهاجم على مرمى الأتحاد انا ابي الفرق تخاف مني لا العكس وهذا ماحدث في مباراة سابهان تخوفنا والنتيجة خساراة للصداراة .. صدقوني فريقي افضل بكثير من الاتحاد وبمراحل لاكن خايف والسبب ؟؟ ذهاب واياب ماقدرنا نفوز على الاتحاد مع اننا الأفضل لاكن بأذن الله ختامها مسك يآآآآآآآآرب في نقطة اخيرة / ودي اتكلم عنها في خلل كبيرة في دفاع الاتحاد وبالتحديد بين قلبين الدفاع والدليل هدف بونيدكور واهداف كثيرة اتمنى من كالديرون يلعب على هذا الخلل وعلى الطرف الآخرى الاتحاد يعتمد على الكرات الطويلة والمرشدي يعاني من هذي المشكلة اتمنى تكون في عين الأعتبار عند نجوم الزعيم . اللي يخوف طالبنا بـ عيسى المحياني لاكن كالديرون عكس ماكنا نطالب فيه ؟؟ اتمنى عيسى يبقى في الصندوق وياسر خارج الصندوق لمهارة ياسر لاكن المصيبه صار العكس في المباراة الماضية . تبون تعرفون من هو اللي يبي يهزم الهلال ؟؟ قبل شوي قريت تصريح شبية الريح وارتحت كثير لان من امس بعد ما قريت اسم الحكم رحت ابحث عنه يوم دريت انه كوري لاكن للآسف طلع اللي حكم مباراتنا مع الغرافة والله اقولكم في مباراة الغرافة حاول يسوي شيء والدليل كروت صفراء بالجملة لاكن الحمدلله نجوم الزعيم كانوا قداها . بس ودي اسأل الياباني والاوزبكستاني افضل حكمين بآسيا ماشفتهم يحكمون للهلال مع انها اهم مباراة بدور الـ 16 مع الأتحاد ياخوفي قاصدين يطلعوننا من آسيا لاكن الحمدلله شبية الريح والجهاز الفني والاعبين يعرفون هذا الحكم ويكونون حذرين في الختام / اسأل الله العظيم ان يوفق الهلال امام الأتحاد ويكون موسم رائع للزعيم يآآآآآآرب ياكريم وفق الزعيم |
ليش كل هذا التأخير اتمنى الرفع يامشرفين .. اكون شاكر لكم |
الله اكبر يطلعونا من اسيا من هم اللي يستقصدونك وشهو الشيء اللي بينا وبين الاتحاد الاسيوي اللي يسبب كرههم لنا اكيد لايوجد واللي موجود هو هوس لدى الجمهور ههههههههه (ذكرتني بجمهور النصر (الاتحاد السعودي مستقصدنا تهي تهي تهي تهي تهي )) الا متى هذا التفكير موجود عند البعض |
إقتباس:
يالغالي ارجع للمباراة الغرافة تلقى جواب لسؤالك ؟؟ بعدين الحكم الكوري اسواء حكم وتسند له اهم مباراة بدور ال 16 بعدين قصدك جمهور الفقر ؟؟ بعد المباراة اذكرك بهذا الحكم اذا الله احيانا |
إقتباس:
ياجماعه وش ذا التفكير .؟؟ كل شي ضدنا .. متعمدين ... علينا .. ناوينها علينا ... ياخي احسنوا النيه الاتحاد الاسيوي فيه اكثر من الف موظف ...همهم الهلال ؟ الله لو انه برشلونا بعزه حاليا ماطقوا له خبر بعدين كالديرون اكثر من ممتاز ... وبالارقام افضل من فيريتس ومافيها نقاش هذي ترى كالديرون لعب بتشكيله قدام الوحده وفاز 5 ولعب بنفس التشكيله ونفس الخطه قدام سبهان وانهزمنا معناته انه خطته اوكي لكن الفرق في تركيز اللاعبين وادائهم .... وفي قوة الخصم علشان كذا كل خصم له طريقة لعب حبيبك قيريتس مو مستوعب هالشي ... وخلانا نطلع من ذوبهان بهزيمتين !! والادهى والامر .. انه داخل مهاجم قدام الغرافه في قطر واكلت منهم اربعه !! وين الازين ... اضمن وضعي وافوز بواحد ع الاقل ... والا اتلزخ من الفريق الخصم لاني لاعب مهاجم في ارضه ؟ هذا اللي سواه كالديرون قدام سبهان .. لعب مدافع علشان يضمن .. وجاب قول .. لكن دفاعنا خرب الدنيا بغلطاته اللي هو ماجد !! وين قييريتس اللي يفرض قوته على الفريق الخصم في نهائي كاس الملك .. انت بنفسك قلتها انه اللاعبين هم اللي كانوا يبون الخساره معناته كالديرون مو ذنبه انه الهلال يسجل في ايران ... ويتعادلون بخطأ ماجد المرشدي !! تكلم بواقعيه وبدون مجاملات او ميول لقيريتس |
ياعزيزي يوم فزنا عالاتحاد مع قريتس ب5 ترى محمد نور مالعب وغير ان حارسهم مبروك زايد وهالحارس من اسوا الحراس في السعوديه والى الحين مستغرب الاتحاد يخليه اساسي وفي ذيك المباراة نكبهم في 3اهداف لكن شف يوم رجع محمد نور !! فازو في جده وكانو يلعبون على مرمى وفازو بكاس الملك ونفس الكلاام |
في كل مباراة لها ظروفها .. ولا تحكم على الحكم من مباراة أضاعها اللاعبين والمدرب (اقصد مع الغرافه) وإذا بننظر للحكم في كل شاردة وواردة الفريق لن يفوز أبداً .. أما مسألة الاستقصاد فالهلال يرثى له مع بطولات آسيا يعني من وين يجي الاستقصاد .. على هالكلام وكأن الهلال بطل آسيا اربع مرات متتالية .. المطلوب فقط دعم الفريق وشحث هممهم والبعد عن التأويلات والكلام اللي ما منه فايده .. وبالتوفيق للزعيم.. |
إقتباس:
انا زعيم آسيا كان ماعرفت من انا ولا اذكرك بالتاريخ إقتباس:
كلام واحد جاهل ومو فاهم بالكورة ؟؟ الوحدة تقارنه بسابهان الايراني ؟؟ بعدين كل فريق وله تشكيله بحكم قوة الفريق المقابل إقتباس:
ايه برشلونة بقارة آسيا إقتباس:
نفس كلامي اللي قبل انت جاهل ومو فاهم بالكورة مو على شان اختلفت معي بالعكس تقول مو ذنب كالديرون المرشدي اخطا وتبرر له ؟؟ طيب انا اقول مو ذنب غريتس اسامه هوساوي تسبب في هدف ساذج امام ذوب آهن انت شخص متناقض بعدين قريتس لا يتحمل خروج الهلال الفريق كله مصابين ورادوي مالعب على شان منتخب رومانيا مع احترامي لك كلامك متناقض |
الله يستر من روح الاتحاد .. وخصوصا بعد عودة مدربهم .. واعطيك الزبده .. اللي بيضغط اول ربع ساعه ( 15 دقيقه ) رآح يكسب .. تحياتي |
الهلال محتاج خالد عزيز ورادوي محاور وبس |
إقتباس:
واضح من ردك انك مو هلالي لاكن بتناقش معك ؟؟ فريق كامل يعتمد على محمد نور ؟؟ بعدين لو لعب بالمباراة ماراح يقدم شيء ويامل هزمناكم ومعكم محمد نور واذا تبين اذكرك ماعندي مشكلة . مبروك زايد من اسواء ولا افضل لاعبكم هذا مو ذنب الهلال انه فاز عليكم بـ 5 مباراة الاياب اللي بجده مباراة لا تقدم ولا تأخر والهلال تقدم بهدف وكأن الافضل اي يلعبون على مرمى تبين اذكرك بالمباراة الطرد اثر على الهلال في هذي المباراة بالعكس الاتحاد كان سيء وكأس الملك محمد نور هو اللي ضيع الاتحاد وفزتوا بضربات الحظ ؟؟ بس بقولك كثر المناديل عندك وقت المباراة :d مع احترامك لكم كلامكم كله متناقض ولا يمت للحقيقة بصله عادي لو تختلفون معي لاكن ما ارضى تققلون من الزعيم كذب وبهتان تمنيت اتناقش معكم لاكن رحتوا لمستوى الاتحاد والهلال وهذا ماهو محور حديثي |
إقتباس:
احس كلمه يرثى له حافظها بس ماتدري وش معناها ؟؟ مباراة ذوب آهن الذهاب ؟؟ طرد للاعب الأيراني واضح وصريح لم يحتسب لو احتسب لتغير مجرى المباراة . هدف غير شرعي احتسب وتقول مافي استقصاد بعدين اذا نسيت بطولات الزعيم اذكرك |
إقتباس:
رايك كذا طال عمرك .. !! يعني نصدق كلماتك المسمومه ، ونتجاوز حديث رئيس نادينا ..!! الظاهر انك ما شفت مباراة الغرافة بقطر علشان تقول ( هوس ) ..!! وانا أقول اهل العقول براحه يابو هوس ..! |
إقتباس:
اولا اسمحلي مب انت اللي تقوي هلالي ولا مب هلاي ثانيا ايه نور بصراحه يمثل فريق كامل ثالثا مباراتنا في جده كيف تقو ماتهمنا وحنا جايبين درع الدوري ونبي نحتفل في جده .. وصحيح نور ضيع ركلة جزاء بس عوضها في اخر ركله جزاء بجراته الكبيره وغير كذا كان طوول ال90دقيقه حارث الملعب وهو من سبب البلنتي الي ضيعه! وانت تقول ياما هزمنا الاتحاد وفيه محمد نور ياعزيزي انت اللي تناقض نفسك انا اتكلم عن اننا هزمناهم بنتيجه كبيره وهو موجود ! واكيد قد هزمناهم وهو موجود وش دعوه لو انه سوبرمان! |
طيب انت ارجع للمباراه وشو كيف كانت قراراته ممكن خطاه هو كرت الشلهوب لايغرك كثره الكروت اول كرت على خالد عزيز لسبب الوقوف امام اللاعب اللي يبي يلعب الفاول وكرت مستحق 100% ثانيا كرت على عبدالله الزوري بسبب تطيل اللعب ورج وشوف كيف ماسك الكوره وماشيبها والحكم حاسب عليه فاول كرت مستحق ثالثا كرت الشلهوب هو على حسب قول الحكم هو تضيع الوقت وشوف ان الحكم ستعجل بالكرت رابعا كرت رادوي خشه قويه على قدم اللاعب كرت مستحق 100% خامسا ياسر تلفظ على الحكم وكرت مستحق 100% خامسا حسن العتيبي تضيع وقت كرت مستحق 100% بيني وبينك الحكم كان ممتاز ومساعدينه بالمثل (وش عنده فوده ههههههههههه) وارجو منك الرجوع للمباراه والتاكد من كلامي شاكرلك |
| الوقت المعتمد في المنتدى بتوقيت جرينتش +3.
الوقت الان » 06:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd