|
عدّت على خير يَا كالديرونْ ! السسَلامُ عليكمُ وَرحمةُ آلله وَبركُاته . . ـآولآ آحب ـآبآـآرك للشعب الهلالي بنهاية الدوري ولا خسسًآرة وهذـآ يحسب للنادي وانه انجاز عظيم في الطايرة والقدم ي عيني :d ثـآنيـآ احب اطرح لك ملاحظاتي مدري انا بس اللي اشوف التخبطات هذي ولا الجميع اولا كالديرون مدرب كبير وبالرغم من التعاقد معه بنص الموسم الا انهه اثبت كفائته لكن فـلـ يسمح لي انه اللي ساعده اللاعبين . . اول تخبطات كالدي اصراره على الشلهوب محور وهذـآ الشئ تحاورنا كلنا انه اكبر خطأ وجميع المحللين انتقدوا كالدي على ه النقطة ثاني شئ ي ليت انه محور بس الا يلعبه محور يمين ورادوي يسار !!!!!! قمة الفلسفة انا ما علي من مباراة اليوم حتى لو خسرنا بس خوفي من المباراة القادمة . . واللي هي مع الاتحاد مباراة ما تتحمل كل هالتخبطات اجل يبدل هوساوي ويرجع رادوي دفاع !! خييييييييير وش يبي هالمدرب بالله !!!؟ اذا يبي يريحه فهو مدافع وما حيتعب واعتقد ماجد اجدر بالراحة لانه لعب المباراة اللي رـآحت بعدين ابي اعرف شافي الدوسري ليه ما نشوفه والله لاعب يعجبك عنده من الروح لا يملكه من الاساسيين بعد لكن ربنا ستر رغم التخبطات هذي الا انه حققنا الدوري بدون خسارة ننتظر الموسم هذـآ يعدي على خير وان شاء الله نستقطب مدرب مميز ** اعتذر ع الهمجية اللي في الموضوع بس والله من حبي للهلال وحرصي على المباراة القادمة اما الاتحاد ودمتم . . . . . . |
مشكورين عَ الرفع يا انتتكك مشرفين . |
اقدر حبك للهلال ، بس يا حبيبي انت تتهجمت بتهجم ماله سنع والله .. :s5s: إقتباس:
واما رادوي // يلعب بمحوروبقلب الدفاع ارجع لايام منتخبة تلاقية يلعب بقلب الدفاااع .. !! :s5s: |
ياخي حسيت من كلامك انك فاهم الكره غلط الله يصلحك اول شي الشلهوب مهوووووووب محور ياجماعه ... فيه مركز اسمه لاعب وسط حر ... زي انيستا زي قاتوزو زي فيرون زي قيقز زي لامبارد كلهم لاعبين وسط حر ... CMF Center Midfielder يعني في حالة الهجوم تلقاه يساند صانعي اللعب ان لم يساند المهاجمين نفسهم ... وفي حالة الدفاع .. تلقاه يساند رادوي هذي السالفه بس !! لاتكبرونا ومحور ومامحور .. ياخي اذا انت ماسمعت هالكلمه من كالديرون والا الشلهوب نفسه لاتفترضها من عندك انا بثبت لك انه كلامك غلط بشي بسيط وانه الشلهوب مهوب محور عمرك شفت محور يتسلل ؟ الشلهوب امس صار عليه تسلل ... واقف على خط الـ 18 .. متقدم على المهاجمين .. يعني مهوب محور ياادمي لامبارد مع انقلترا ... في الهجوم تلقاه على قوس الـ 18 .. وفي الدفاع تلقاه بين قلوب الدفاع !! وتبديل هوساوي برادوي ... يبي يريح هوساوي .. ومايبي يخسر تغيير بلاعب ماراح يفيده في مباراة الاتحاد بحكم انه لو نزل حسن خيرات " مثلا " وهو ماراح يلعبه .. بيخسر تبديل على الفاضي رجع رادوي دفاع .. ونزل عزيز لانه يحتاج رادوي وعزيز بكامل جاهزيتهم انا اشوف انه كالديرون ذكي جدا وممتاز وجالس يعد اعداد اكثر من ممتاز إقتباس:
السالفه مهيب عواطف ونبي نشوف فلان والا فلان له مستقبل... يابوي ورانا مباراه بعد ثلاث ايام ... تبيه يعطي فرصه لواحد ماراح يلعب اساسي ؟؟ اسمح لي يالغالي إقتباس:
قمة الفلسفه في كلامك مع احترامي الشديد لك ... لكن فعلا هذا اللي لمسته من كلامك وانت بنفسك قلتها إقتباس:
لكن شفت شي ... وماعرفت ليه هالشي يصير ... اسأل عادي .. لاتهاجم اي احد بدون ماتكون فاهم وش يصير !! غسلت كالديرون من فوق لتحت وهو شغله صح ! |
يالغالي بالنسبه للشلهوب تلقاه يجيب اهداف .. ما يجيبها عزيز ولا القرني ليه لانه يلعبه قدام .. يمشي كوره ويتقدم .. يعني مو محور وبالنسبه لرادوي .. اصلا رادووي مكانه قلب دفاع ثم محور .. واذا تبي تتاكد شفه مع المنتخب .. تحياتي .. وحاول ما تكتب موضوع الا وانت متاكد من كلامك .. |
الهلال يفوز بضل نجومه وليس كالديرون مع كالمل احترامي له ... |
والله هالكآلدي مو مرتآحه منه من شفت الشلهوب محور .! :s5s: متى ينتهي الموسم ونفتك منه ( مع إني أتوقع مصيره مرتبط بالآسيويه ) :ranting: |
شكرا على الرفع اجل المدرب ابخص منك هو جاب كاس العالم وانت لابس حفاظة او ما انولدت بعد بلا فلسلفه اها بس الخلاااااا |
صراحة كنت مع من ينتقد كالديورن في وضع خانة الشلهوب ... لكن من مبارة أمس تغيرت نظرتي فعلاً وتغيرت نظرتي كلياً لكالديرون إنسان يشتغل بمخ ( يعرف يغير تكتكيه على حسب الظروف ) موب مثل بقية المدربين يجرب في التشكيلات إلى أن تنجح وحده ثم يبتل عليها ثم إذا واجه ظرف أو مأزق ما عرف يتصرف كالديرون ما كنت مقتنع فيه كثير ، لكن الآن بدأت أحس أنه داهية تدريب ويعرف يوظف اللاعبين بناء على مهاراتهم ويتعامل مع جميع الظروف من خلال متابعتي للهلال في هذا الموسم مع كالديرون رأيت أنه يعتمد على لاعبين اثنين ( الشلهوب - الفريدي ) الشلهوب في تكتيك كالديورن دينمو الهلال .. ومصدر الكور .. وصناعتها حنا كان عندنا صورة مسبقة عن المدرب قبل لا يجي فحكمنا عليه من بدري .. ولا في أرض الواقع الرجل يقدم شيء كبير بالنسبة لرادوي فهو أبتدأ كحارس مرمى - ثم قلب دفاع - ويلعب في خط الوسط الرجل ذا بتاع كله ما شاء الله .. لو في يوم لا قدر الله انطرد حارسنا واستنفدنا جميع التغييرات ينفع يكون حارس ! وسبب إخراجه لهوساي لكي لا يتسبب له بإصابة تحرمه من المشاركة أمام الاتحاد خصوصا أنه يعاني بعض الآلام الخفيفة في العضلة الضامة وهو ما صرح به شبيه الريح في الجولة أمس عندما سأله الفراج وش قلت لهوساي قبل الدخول الملعب .. ! أتمنى ما نآخذ الأمور بعاطفية والفريق جالس يقدم مستويات جيدة وكالديرون إلى الآن ناجح .. فهل نعترف بنجاحه ونحفظ له المعروف ؟! ونقول له شكراً على بطولة الدوري بدون هزيمة ، وعلى كأس ولي العهد .. وعلى التأهل لدور الـ 16 حتى الآن في بطولة آسيا ؟ تحياتي |
اتفق معك بكل اللي قلته باستثناء كلمة عندي تحفظ عليها اللي هي " تخبطات " فأنا اعتقد أنها قناعات و فلسفة غريبة لا يمكن تشيلها من مخ كالديرون .. وليست تخبطات ! عموما موضوعك جميل و ما فيه أي همجية .. و الهمجية جت في هالكلمة فقط و يا ليتك تحذفها من الموضوع ! و ما دام الموضوع يخص نادي الهلال بدون التعدي على الخطوط الحمراء .. فاطرحه و لا يهمك أحد ! شكرا لك |
لالا حرام عليك كالدي عرف كيف يتعامل مع المباراة و ظروفها و لا تنسى انه ريح هوساوي عشان مباراة الاتحاد اللهم وفق هلالنا ,, و اتمنى استمرار كادي موسم آخر |
شكرا لك لم اتعود مهاجمة احد ودائما احترم وجهات النظر حتى لو كانت تخبطات وفلسفة غريبة لا ادري متى سيقتنع جمهور الهلال , هذا اذا كانوا من الهلال , بالمدرب كالديرون؟ مقالات تحطيمية , عدم قراءة للخطة وتهجم شخصي واضح , وعدم المام بظروف المباريات واللاعبين الواحد جالس على كمبيوتره وهاتك يا حش وتنقيص وانتقاد , وهو يمكن ما لعب كورة ابدا ياشباب الهلال يحتاج وقفتكم في هذه الايام الحرجة والخطيرة , ولا يحتاج فلسفاتكم, يعني بهالكلام بتغيرون كالديرون, ولا بتملون عليه خطتكم, فكونا واللي يرحم والديكم نحتاج نفرح , نحتاج نسعد مع الفريق بعد كل مباراة جايني بعضكم وحش في المدرب وانتقاد للخطة , هذا والهلال فائز , اجل لو مهزوم بتقلبونها مناحة كالديرون رائع وتكتيكاته رائعة وخططه رائعة, بس خلوه يشتغل وريحوا بالكم وريحونا تقبل مروري وقسوة نقدي وعتبي, فهذا عتب المحب |
شافي الدوسري لن يلعب مادام سلمان الفرج موجود الي نكبنا بداية الدوري وهو ظهير والعام الماضي امام الأتحاد وذوب اهان |
متى تتغير هالعقده الازليه اللي في ( بعض ) الجمهور ان كالدي سئ ويتخبط والفوز بمجهود الاعبيين صدقووووني كالــــدي مدرب داهيه واكثر شئ يثبت انه يفكر ويشتغل انه يقرا المباراه ويغير في المراكز احنا نحتاج مدرب يقرأ المباراه مو يحط تشكيله وثابته وع الله حلو التغير فالتشكيله عشان الخصم مايعرف وش تفكر فيه او بمين تلعب. اتمنى التجديـــــــــــد معه اقل شئ 3 سنوااات |
حرام تنزلو موضوع زي هذا ؟ |
| الوقت المعتمد في المنتدى بتوقيت جرينتش +3.
الوقت الان » 03:14 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd