|
أول شئ أحب أشيد بقدراتكـ الكتابية كأول مشاركة ...! ثانياً تعقيباً على ماأسبغته لكالديرون من إشادة جعلته كـ عمرو بن عاص بذكائه الحادق ..! وإسباغاً لسباكين كوزمين وجيرتس من تقليل منهما حتى جعلتهما كـ مدربا ركبي لايجيدان شئ ..! تقول أن الداهية العبقري كالدي خذلوهـ الاعبين في مبارة سبهان والجزيرة ذهاب وإياب ..وايضا كان يريد التعادل في مبارة الإتحاد ذهاب واياب ...وتردف قائلا بأنه لم يتلقى خسارة طوال مسيرته مع الهلال لتقارنه بجيرتس الذي خسر 5 مباريات وخسر مبارة الغرافة وذوب آهان...! تناقض عجيب حتى الثمالة..! اذا خسر كالدي تقول من تخاذل الاعبين ..وان خسر جيرتس تقول ان المصيبة منه ! لما لاتبرر بأن خسارة الغرافة كانت من تخاذل الاعبين ..وايضا خسارتهم من ذوب اهان كانت أيضاَ من تخاذلهم عندما فرطوا بفوز كاد ان يحسم كل شئ في الذهاب !!! من وجهة نظري الخاصة كالدي يصلح كمدرب مرحلة وهو نجح بها مع المنتخب والهلال وبدرجة امتياز .... عند انتهاء الموسم التعاقد مع مدرب قدير (ولايعرف للإختراعات بشئ) لبداية موسم جديد ..... آسف على الإطالة وشكرا :) |
لااتفق معك بكالديرون هو جيد لكن يستمر لالالالالا . الوصول للنهائي سهل ياكالديرن لكن تحقيقه صعب . |
إقتباس:
على اساس انه قيريتس ماانكشف مع ذوبهان في الذهاب والاياب ؟ s13s ع الاقل مع كالديرون ... تعادلت وانهزمت من بطل ايران السنه هذي بينما مع قيريتس ... بطل ايران السنه الماضيه اذاقك الهزيمه مرتين باللهي عن اي منطق تتكلم وانت كلامك يخالف الارقام اللي نشوفها ؟ بالنسبه للكلام اللي بالازرق معليش يعني ماودي اقول كلام ماله داعي لكن انت ماكل مقلب في الهلال ... وعلى اساس انه مافيه احد ينافس الهلال !! قد مره تابعت مباراه لجونبك هونداي الكوري السنه هذي ؟؟ رح شف وتعرف وقتها انه الهلال الله يستر عليه قدام الانديه اللي من هالنوع !! ياحبيبي برشلونا افضل نادي في العالم ... قدر يوقفه نادي توه صاعد من الدرجه الثانيه اللي هو ايركوليس يعني كل فريق لازم يمر بنزول مستوى ومع نزول مستوانا ... فزنا وقلبنا نتائج ومنها النتيجه اللي متذمر منها مع الجزيره الاماراتي الحين فايزين ومو عاجبك بعد ... والله فعلا انسان غريب !! ياخي بالارقام نشوف بين قيريتس داهيتك وكالديرون : قيريتس لعب الموسم هذا مع النصر .. .وتعادلنا بشق الانفس بينما كالديرون لعب مع النصر الموسم هذا .... وفاز عليه 2-0 طيب السنه الماضيه ... قيريتس ماقدر يفوز على الشباب :) السنه هذي فزت على الشباب رايح جاي لاتقول لي نازل مستوى الشباب لاني بقول لك الاتحاد يوم ياخذ 5 كان نازل مستواه ولاتسير الامور بالطريقه اللي تبيها ! كالديرون جاب الدوري وكاس ولي العهد قيريتس جاب الدوري وكاس ولي العهد قيريتس انهزم الموسم الماضي 3 او 4 هزائم مااذكر بالضبط بس اللي اذكر ... قدام الاتحاد في نهائي كاس الملك ومع الاتحاد في الدوري ومع النصر في الدوري كالديرون للحين ماانهزم الا مره وحده ومشاركه دوليه وليست محليه قيريتس الموسم الماضي ماقدر يفوز على النصر في الدوري .... معلومه مؤلمه صح ؟؟! ودامك مسكت انه فوز الهلال على الجزيره بشق الانفس يعتبر عيب في كالديرون شوف العيب اللي في قيريتس ... انك تفوز بنهائي كاس ولي العهد قدام الاهلي في الاشواط الاضافيه بشق الانفس واعرف انه فوزنا على النصر في كاس ولي العهد برضو كان بالاشوط الاضافيه بعد :) وبشق الانفس ... ان كان الفوز بشق الانفس عيب طبعا !! تكلم بواقعيه وحاول تقنعنا بالارقام انه قيريتس افضل من كالديرون او قل من اخرها ... انا عاجبني قيريتس ... بكيفي اما تقنعنا بمطنق غلط ... معليش يالغالي ... كل الناس تشوف وتفكر ترى واسف لو اسلوبي قوي شوي لكن احب الارقام في الاثبات دايم :smilie47: |
أهلاً عاشق الثنيان كالديرون مدرب كبير لا يختلف عليهِ أثنان لكن ، لماذا يضع الشلهوب محور !! و لماذا يقتل الفريدي أحمد بوضعه كمحور ثانِ بجوار رادوي .... لو أتى المدرب الرائع اونيل فـ ماذا تتوقع منه أن يفعل مع الهلال !! وجه نظر قابلة للصواب و الخطأ تحياتي .. |
إقتباس:
في البداية انا لم اتعرض للمدرب القدير جريتس فمن يشكك في قدرات جريتس لا يعلم في عالم كرة القدم شي ولكن كالديرون لا يقل بأي حال من الأحوال عن القدير جريتس وتمنيت انك لم تشبة الصحابي الجليل عمر بن العاص رضي الله عنة بالكالديرون وفي حياتي لم اطلق لقب السباك الا على ذالك المدعو كوزمين اما جريتس وكالديرون فهما مدربين من فئة فايف ستار .. لم اقل ان جريتس لم يتخاذلون اللاعبين معاه في مبارة الغرافة ولكن هو بسبب تصاريحة القوية احسسهم بأن كل شي انتهى للهلال وهذا ماكان يعيب القدير جريتس فاحسو اللاعبين ان التأهل حسم لهم و ذوب اهان كان الكل سيئ بداية من اللاعبين انفسهم .. ونترك للأيام تبين لنا الحقائق والاختلاف لا يفسد للود قضية:yes: |
الله يعطيك العاافيه والله ماتدري تفوّق مين على مين كل وااحد أحسن من الثااني لكن دايماً احناا نكون داعمين لمن تهمه مصلحة الكياان |
شكرا لك يا غالي فعلا كلامك في محله كالدي لم يعرفونه حتى الان .... وارفع القبعه لابو عبدالله ... |
انا متفآئل .. وكالدي حاسب لها الف حسآب . اهم ششي ( الثقه ) واعتقد ادارة الامير : عبدالرحمن بن مساعد تعرف كيف تتعامل مع الامور الصعبه . |
اخوي كلامك جميل بس كنت اتمنى انك تشيد بالاخرين دون ان تستنقص من اي شخص واقصد هنا كوزمين نعم هو دفاعي ولكن بالنهايه يكسب وصعب ان يسجل فيه واجمل ماعمل هو احضار رادوي وتقديم الفريدي والزوري والشي الغير جيد كاد ان ينهي مسيرة الشلهوب ولكن كان مدرب جيد طالما حقق لنا بطولات |
كالديرون مدرب تكتيكي مميز بس فيه تناكة بصراحه مايعرف يقرا الخصم ولا يعرف يستخدم التبديلات بشكل منطقي |
مشكووووووووووووووووور اخووووووووي |
وجهة نظر قابلة للصواب ام للخطأ اما بمايخص وجهة نظري انا كنت من اول المؤيدين لأن يكون كالدي هو البديل وبحكم انه يعرف جميع اللاعبين وعارف بمستوي الأنديه السعودية وكان هذا ماينقص الهلال (((مدرب يعرف اللاعبين)))فقط وهذا ما مشا عليه كالدي ومشت معه :((والرفلا يسايرها حضها)) اما مايخص التكتيك والفريق المرعب فل اراء في الهلال شئ من ذالك مع كالدي ولكني ارغب باستمراره لأنني متفأل به ولست مؤمن به ونعم لاستمراره لكي لايتأثر البيت الهلالي ،،ونعم لاستمرار حظه الذي ربما يقودنا الى نهائي البطولة الاسيوية فنعمن بالحظ في خريطة كالدي شكرا غنام |
مشكووووووووووووووووووووووووووووووووووور |
بالفعل كالديرون حتى الان ممتاز وتفاهم كبير مع الاعبين ،، اتمنى له التوفيق |
اشكر كل من رد على الموضوع وبين وجهة نظره تحياتي لكم |
| الوقت المعتمد في المنتدى بتوقيت جرينتش +3.
الوقت الان » 11:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd