لكل فعل ردة فعل يا ابو فيصل يا غالي + مفاجأه من قناة فنون الكويتيه للزعماء
 

بسم الله الرحمن الرحيم

اول شيء اللهم لك الحمد والشكر على الفوز ..

ثاني شيء بدخل بالموضوع على طول .. ابو فيصل :smilie47: خلال تصريحه الاخير وضح عليه عتب المحب

لجمهور الهلال من خلال مطالبته بالاحتفال بمباراة القادسيه بكأس الدوري ... وحنا نقول سامحنا يالغالي لكن لكل

فعل ردة فعل ... فعزوف بعض الجماهير عن المبارايات ما جاء كذا ولا يدل على قلة الجمهور الهلالي بالعكس

جمهور الهلال في زيادة مستمرة ولله الحمد وقد يجتمع المئات في مكان واحد وبالرياض لمشاهدة الزعيم

طيب وش السبب ؟ السبب ياابو فيصل الرابطه ( العقيمه ) مع كامل احترامي وتقديري لهم ..

والله تكره الواحد بالحضور بأهازيج قديمه او مجدده بشكل مضحك .. رابطه ما يعرفون ولا 1% من اساليب الجذب

والتفاعل .. يا اخي جمهور الهلال الذين يحضرون الآن اغلبهم من الشباب .. يعني تستطيع تنفذ استعراضات غير طبيعيه

يتكلم عنها الجميع وهم فالحين بـ ( ياهلال عزك عزنا ) .. قد يقول بعضكم اني ادافع عن جمهور الرياض لكن

اذا علمت اني من القصيم بطل الشك .. احضر مبارايات الهلال غالبا ولا اجد غير وجع الرأس وآخرها الغرافه

فأنا من هنا اقولكم لاتلمون جمهور الهلال بعدم الحضور للصراخ ووجع الراس وحنا نلعب على انفسنا ونقول بالعكس

الرابطه اليوم مبدعه ..

ارجوكم لنا اكثر من 3 سنوات ونحن نطالب بتغير الرابطه .. اذا كان فييه احد قادر على الغناء بأهازيج جميله ويكون

صوته حلو ولا استبدال الرابطه بفريق عمل سعودي محترف بعمل الاستعراضات بالجماهير وغيرها ..

ارجوكم كل من يستطيع ايصالها لا يبخل علينا .. ارجوك وليد الفراج .. ارجوك محمد نجيب ( بما انك تدور اي سلبيه

بالهلال .. ناقش الرابطه لعلهم يفهمون ) .. لعلمي ان جميع الاعلاميين يزورون شبكة الزعيم .. ناقشوا هذا

الموضوع خلو الجماعه يعرفون سر جمهور الهلال ..

ـــــــــــــــــــــــــــــــــــــــــــــــــــــــــــــــــــــــــــــ

النقطه الثانيه

من ضمن الحلقات التي يتم تصويرها ببرنامج عيني عينك الجزء الرابع ـ البرنامج المختص بالسخريه ـ حلقة خط

السته بإسم قريب قد يكون خط الخمسه وبيؤخذ بعين الاعتبار محاربتهم لنادي واحد فقط .. وقد يسبب هذا

مشكله بين قناة فنون وبرنامج خط السته ان شاء الله نضحك عليهم هالمهابيل .. " اذا صدق ما وصلني "


طبعا هذا للترفيه فقط


والسلام عليكم ورحمة الله وبركاته

طيب ماشاء الله جمهور الهلال اغلبهم شباب ليش مايجتمعون ويكونون قروب ويغنون ومن هالحركات( صدقني بيصير حمااس) لين

تنحل سالفة هالرابطه لانها بجد مامنها فائده حضووور كثير من الجماهير لكن بلا فعاليه وهذا كله من الرابطه.

o5ama
الله يعطيك العافيه


أتفق معك في موضوعك ,., لاكن بصراحة رابطة الوقت هذا ولا رابطة الحقوي وشلته

الحين في شي افضل ,., صحيح مو قد تطلعات الجمهور

لاكن افضل بكثير

وانا معك في تشكيل لوحات فنيه واستعراض جماهيري كبير في المدرجات

وننتظر التنفيذ

تحياتي

الله يعين ويارب وفق الهلال

كلامك كله صحيح
وانا قبل يومين نزلت موضوع وكلهم مؤيدين لتغيير الرابطة

يعطيك العااااااااااااااااااااافية

والله تعبنآ من هآلرآبطه

أتمنى التعآقد مع رآبطة المحرق البحريني هم الأفضل

ولآ نحضر بدون رآبطه أفضل لنآ

شي غريب نادي جماهيره بالملايين ورابطته مفلسه!!
الزعيم بحاجه ماسه لقائد للرابطه اهم مواصفاته الشخصيه القويه والمؤثره

يعطيك العااااااااااااااااااااافية

الرابطه مجتهده لكن ملينا نبي تجديد و اهازيج وحركات تجذب الجماهير
خاصه جمهور الرياض تلقاه ينجذب ويتحمس مع الاغاني (لاتقولوا مقدر اجيبه) و ( انا احبك ياهلال) :s

المايك مزعج جدا تلقى المباراة هاديه والجمهور هادي وقائد الرابطه يغني اغنيه تجيب الهم والنوم
يا اما شي يحرك الجمهور كله او بعضه والا ماله داعي الاغاني بالمايك كنك في حفله غنائيه !


** قناة فنـون اتمــنى ذلــك فأنتم للفن عنــوان :D

كلام سليم رابطه عقيمه ولاتمت للتشجيع الاحترافي بصله
تسلم على هالموضوع

آللـــه يع ــطيك آلع ـآفيه


××

والله العظيم حضرت مبارة الرائد اقسم بالله شى محزن الرابطه فى جهه و حماده فى جهه عيب هذاء الزعيم نبى ابداع مو مشاكل مجلس الجمهور الهلالى يعرفو ن المشكله الى فى الرابطه رابطه تعبانه