نادي الهلال السعودي - شبكة الزعيم - الموقع الرسمي

[c]السلام عليكم معشر الزعماء :D
هذه حتوته من التراث .. وان شاء الله تعجبكم
بس .. هاااا .. لاتقرونها وانتم بالليل
ترى بتجيكم انوااااع الكوابيس :uhoh:
_ _ _ _ _ _ _ _

كان ياما كان في قديم الزمان
كان فيه حريم مجتمعات في الضحى يسولفن ويحشن في خلق الله :D وكان من ضمن هالحريم وحده حامل ومتنسيه _ أي متوحمه_ براس خروف وقالت من يجيب لي راس خروف اعطيه الي في بطني ...
وبعدين راحت للبيتها ودخلت المطبخ ولقت في القدر راس خروف راحت الحرمه وكلت الراس ما صدقت يوم شافته ولا سألت من جابه (ترى الي حاطه جني :bluesky: سموا بسم الله عليكم الرحمن الرحيم)
ومرت الايام والايام والشهور والشهور وولدت الحرمه وجابت بنت تهبل المهم كبرت البنت هذي وصارت حرمه يعني يمكن عمرها يعني 17 او 16 سنه وكانت امها تروحها تجيب المويه من البير ومره وهي في الطريق
شافت رجال وقفها وقال لها
قولي لامك ترى الي عطاك الراس يبي الامانه الي عندك حطيها في الكهف المهجور وحدد مكانه
المهم البنت ماتدري وش السالفه راحت وقالت لامها الكلام الي قاله لها الرجال
الام طبعا عرفت ان الرجال :uhoh: _ بسم الله الرحمن الرحيم_ جني وانه يبي البنت وماعلمت بنتها انه جني _ بسم الله الرحمن الرحيم_ وقالت طيب
وجا من بكره وقالت الام لبنتها روحي للكهف الي قال لك عنه الرجال
وراحت البنت وماتدري عن مصيرها :uhoh: وبعد ما راحت لقته قدامها وخذها معه _ بسم الله الرحمن الرحيم_ وتزوجها ووداها لعالمهم
وكانت الام تجي تزورهم
من فتره لفتره في الكهف كانت تجي وتصفق بيدها وبعد ما تصفق تجي بنتها وتسلم عليها وتعطيها أخبارها
المهم جلست فتره على هذي الحال
الى ان جا يوم من الايام وجت الام للكهف وصفقت وصفقت وصفقت بس محد طلع عليها ورجعت للبيت وهي ماتدري عن بنتها
وصاروا ناقلين عن بيتهم الي في الكهف _ بسم الله والله اني بديت اخاف في هالليل مدري وش وهقني اقص عليكم عنهم_ المهم صاروا الجن ناقلين عن بيتهم وقال الجني للبنت شوفي هذي الشجره اسقيها كل يوم واذا ماتت معناته اني مت واذا مت خذي عيالك ( ايه نسيت ترى جا لها عيال ولد وبنتين) المهم قال لها اذا مت خذي عيالك وروحي لاهلك وترى وانتِ رايحه لهم بيلحقونك الجن _ بسم الله الرحمن الرحيم_ ويطبلون وراك ويغنون وانتِ لا تلتفتين لهم ترى كل التفاته منك بياخذون واحد من عيالك
ومرت الايام والبنت تسقي الشجره وجا يوم وماتت الشجره وعرفت انه مات وخذت عيالها الثلاثه وراحت تمشي لاهلها
وهي تمشي لحقوها الجن _ بسم الله _ مثل ما قال لها الجني لحقوها وهو يغنون ويطبلون وعاد هي من زود الشفاحه التفتت اول مره وخذو منها واحد من عيالها ومشوا وراها وهم يغنون بعد والتفتت بعد مره ثانيه وثالثه وخذوا كل عيالها :sad:
ووصلت لاهلها وما معها احد من عيالها
وقالت لامها القصه وجلست عند اهلها وهي تفكر بعيالها وتبيهم ( الله يحرم والدينا عن النار) المهم ومرت عشر سنوات على وصول البنت لاهلها وخلال هالعشر السنوات كانت البنت رافضه الزواج على أمل انها ترجع لعيالها :sad:
ولكن اهلها غصبوها وقالوا لها لازم تتزوجين ووافقت وهي ماتبي المهم جا يوم زواجها وكانت جالسه في الخيمه لحالها وتشوف فارس جاي على بعير (وشلون تجي فارس على بعير والله مدري بس القصه كذا ) المهم جاها هذا الرجال وراحت تسحب غطوتها تبي تتغطا عنه
وقال لها الرجال :bluesky:
يا بنت تبيني مدام البعير جالس (معناتها يعني يابنت لا تتغطين عني)
في الساق خلخال والزند معضد (معناتها ان في الساق خلخال يعني بنتها الجنيه وفي الزند الي هو الساعد معضد الي هي بنتها الثانيه الجنيه)
أنا الطوق تركي وبغوي دلالس (وتركي الي هو ولدها )
ومعنى كلامه يعني انا ولدك كانك تبين تجين معنا بدللك وبحطك في عيوني لانه صار رجال الحين وبينتبه لها
المهم الام ما صدقت شافت عيالها ركبت معهم على البعير وراحت معهم وخلت المعرس
وراحت للجن وعاشت مع عيالها في سعاده وهنا
_ _ _ _ _ _

وتوته توته خلصت الحتوته :D
وسموا بسم الله الرحمن الرحيم

[/c] :D :D