|
(لو) كنت مدرّب , راح أعدّل (هالأخطاء)! مساء الخير .. ما ودي أطيل .. بس بكتب النقاط اللي تجي منها الأهداف غالبًا في الهلال من فترة طويلة وهي في نفسي وأبغي أطلعها : * أخطاء بدائية في (التمرير) من الوسط يصاحبها ضعف ردة فِعل الدفاع الهلالي سواء من خلال المتابعة .. أو انطلاقة اللاعب الخصم وايجاد مساحة . * مشكلة ماجد المرشدي مُتابعة (اللاعب) اللي حيرفع الكورة لزميله داخل منطقة ال 18 وينسى اللاعب المعني باستلام الكرة , بمعنى يتابع اللي بعيد عنه وينسى اللي المفروض يقوم بتغطيته . * تخليص الكرات اللي بالرأس أو القدم من معظم لعيبة الدفاع تصل للخصم , بينما لو لاحظنا (الاتفاق) اللي هو أقل امكانات من الهلال مع الاحترام والتقدير لمّا يخلص الكرة تصل لزملائهم (أغلبها) وفريق الهلال أغلبها أخطاء .. شي ما قدرت افهمه!!! * الاستغلال (((المتواضع))) للهجمات اللي في حكم الأهداف (99,99%) وتضييعها بكل سهولة وتسليمها للحارس . * (الهدايا) الكرات اللي غالبًا نأخذها من الخصم .. نرجعها لهم في ظرف ثواني , كأن لسان لاعبينا يقول (( لا والله ذا واجب علينا احنا .. عيب لا والله تاخذها )) * في مباراة سيبهان اللعب من الأطراف كان شبه معدوم مع انه سلاح قوي جدًا.. وبصراحة افتقدنا ويلهامسون في هالشغلات , واتمنيت أحمد علي نازل من البداية بدل ياسر . * في الأوفرات اللي من الخصم تمركز لاعبينا يكون خاطئ باستثناء هوساوي وأحيانًا ماجد . * التأخر في التمرير .. ولو مرروا بسرعة تكون خاطئة . * التمريرات الطولية أغلبها خاطئة .. عكس العرضية تكون صحيحة . ** هذي بعض الأمور اللي أتذكرها , بصراحة تستفزني وتخليني أكسر كل شي بالغرفة كل مباراة للهلال وانا مغير ريموت للرسيفر من هالأخطاء اللي تقهرني بصراحة . وبس :to: |
شكرا لك يا اخي العزيز انا معك بصراحه لو قدر الله و خرج الزعيم .... انا مع النقد من اجل الاصلاح مادام فيه وقت و الا لا فائده في الكلام و المدرب كالديرون له اخطاء كثيره في مباراة الايراني مرتين و بعض المباريات اللي توفقنا بها نرجع لمباراة الامس اخطاء بالجملة من المدرب تغييرات و قرائه خاطئه و من الاعبين تمركز غير صحيح و تمريرات خاطئه و الاحتفاظ بالكره اكثر من الازم و اتمنى من المدرب و الاعبين الاستفاده من الاخطاء الكبيرة |
أوافقك في اغلب نقاطك .. مشكور حبيبي ... تحياتي وودي ... |
الله يعطيك العافيه وحاب انصحك خذلك جوال ابو كاشف بدل الريموت لا الجوال ما راح يصير له شي وعندي الضمان هههههههه |
اعتفد ولا اجزم ان الهلال هذا العام سوف بذهب بعيدا في اسبا بحول الله وقوته ( كالديرون افضل مدرب مر على المنتخب السعودي في العقد الاخير) |
ماشاء الله عليك والله ممدرب كبير بأفكارك |
انا اشوف اغلب الاخطاء الدفاعية من ماجد المرشدي واسامة هوساوي شال الدفاع لحاله |
بصراحع مشكله الهلال ماجد المرشدي وانا اخوك . عله على الهلال اذا فيه مدافع مو مثل هوساوي اقله بقليل لكن الهلال من الصعب ان تسجل فيه . |
مآجد المرشدي هو السبب في ضعف الدفاع .. |
شكرا لك على هالنقاط وفق الله الهلال لتحقيق جميع البطولات احترامي |
كلامك يعبر عن وجهه نظرررك اما انا اقول الهلال بحااجه .... 1 . مداافع محلي 2 . ظهير ايمن محلي 3. مهاجم اجنبي . من طراز ابراهيمو فيتش كبنيه جسديه 4 . جنااح ايمن " يعني ان وجد " وبعدها وخروا عن الهلال |
| الوقت المعتمد في المنتدى بتوقيت جرينتش +3.
الوقت الان » 04:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd