بالخير

يازعماء



الحمدالله على كل حال ..

زعيمنا ياجماعة الخير يقدم مستويات مقنعه .. وهناك جماهير وتريد الهلال بمستوى واحد لاينزل ابد

وكلنا نطمح لهذا الشي

لكـن ودي اسئل هاللي مايعجبه اللي يقدمه مدربنا الكبير والهلال من نتائج .. ماشاف جدول مباريات الهلال خلال هالشهرين ...!؟

والله شي يحير !

الحمدالله اكثر جماهير الهلال عقلانيه وفاهمه لانها تربت وترعرت والهلال في المنصات وتعرف كيفة طريق الفوز

كاعكس باقي جماهير الانديه ... والحمدالله



ضغط المباريات .. ومباريات مفصليه ... ثلاث مباريات خروج مغلوب
الاهلي ~ النصر ~ الوحده { كلها في كاس ولي العهد ... يعني ياتفوز ياتطلع

نلاحظ قوه

مباريات من العيار الثقيل بالدوري
الاتفاق ~ الشباب ~ الاتحاد ~ النصر ~ الرائد

مباريات في الاسويه خارج الارض
الغرفه في قطر ~ الجزيره في الامارات وقبلها كان في الرياض
اسباهان في ايران

لتحسبها اخي المعارض على المستويات ؟

تلعب الدوري وتريد تخلص امورك وترتاح لتفرغ الاسيويه وكاس الملك

مباريات قويه بالدوري متداخله بالمباريات الاسيويه .. ولا اقول الهلال فقط لوحده يلعب كل الانديه المنافسه من اتحاد وشباب ونصر .. لكن الهلال يحارب في كل الاتجاهات
ضغط المباريات اضعف الفريق وشكل ضغط عليه رهيب ونلاحظ الاصابات ؟

من تعاقد الهلال مع الاشقر ويلي .. لم يصاب هالاصابه ..الشد العضلي .. لان ماشاءالله عليه يتمتع في لياقة ممتازه

اي ان الضغط على الفريق رهيب جدآ

وكل مباراه لازم تطلع بالفوز ولا يصعب امرك فانلاحظ ماخسرنا الا اربع نقاط من مجموعه هالمباريات ؟

وهي نقاط الاتحاد بالدوري .. واسباهان بالاسيويه ..

انا اشوف ان النتائج بشكل ممتاز تعكس مستوى جميل ومقعنع ...

فاتمنى منكم عدم التجريح والضغط والنقد اللي مايقدم اي شي ..

نعم انقدو لكـن انتقاد محب

اذا كنت لاتستطيع التعبير وكتابة الموضوع تحاول ان تنتقد لاعب بشكل جيد ومحاولة تصحيح

فاتمنى ان تلتزم بالقراءه وشكرآ لك

...

لان كثير من لاعبين الهلال ونلاحظ بعض صورهم وهو يجلسون بين الاستراحات يتصفحون هالمنتديات الهلال ويشوفون العشاق مايكتبون .. اتمنى ان نكون حافز لهم وقوة مسانده لهم

رفع الروح فيهم .. تخيل انت نفسك لاعب وتدخل المنتدى وتجد انواع التجريح فا باي روح ستلعب المباراه ؟

نعم لي قناعه في بعض مستويات بعض الاعبين الهلال غير مقنعه وفي نزول لكـن .. بالانتقاد الصحيح

لا العربجه والعرفجه والصوت العالي ياتي بنفع ..


العقلانيه هي سبب زعامة الهلال .. فلا تكونو كاجماهير الجار .. فاز فريقهم جلسو الى المباريات القادمه تتغنى شوي وتنهبل

.. واذا خسر .. تقل محلوفن عليهم دخول منتدهم وسب فلان وعلان وتجريح .. كان مالهم صاحب بالفوز معك بالخساره حسابك عندي




اتمنى منكم النقد الجميل والتعامل مع جميع الحسابات .. لماذا لم يقدم الهلال مستوى ؟

مانجي ونكتب ونعصب ولانحسبها .. فيه عوامل كثيره


...


كتبت موضوعي هذا لاني شفت حمله على مدربنا ليه يلعب بخمسه مدافعين

ياجماعه الخير .. بعض الجماهير تجلس على الاستديو التحليل ومع الخيل ياشقراء .
قال المحلل الشي الفلاني معه

.. ياعزيزي لك وجه وحسبها وحللها على كيف كيفك .. ماهو كل من ظهر باسم محلل يصبح ْ{{ محلل }}

من سجل هدف الهلال على الايراني .. اليس الزوري ؟

من كان يلعب بالجهه اليمنى ولاول مره نشوف ليو يشارك بالفعاليه الهجومي هكذا
وين الخماسي الدفاعي .. اللي يسمع الجمله يقول الزوري ماوصل اكثر من مره الى مرمى الفريق الخصم
ولا الكوري اللذي كان لاتقدم كثير الى الامام لكنه مع الخطه الجديده شفناه يهاجم كثير
هاوساوي كان مدفع ايمن والمرشدي ايسر والخالدي { قشاش}
وشفنا فريق بالشوط الثاني يهاجم ويدافع بشكل جيد
لكن هفوه دفاعيه اضاعة الفوز

الا ان هناك حسبه دقيقه ولا يعرفها الا من مارس كرة قدم فعليآ

الفريق الايراني فريق قوة بالكور العرضيه .. هذي نقطة ضعف الهلال

ومدربنا حاول قدر الامكان من تقويتها ...

واضيف .. ان ماجد المرشدي ليس بالجاهزيه المطلقه

والفريق قدم كوره جميله الشوط الثاني .. لانهم شربو الطريقة الجديده ..


والحمدالله على كل حال كنا نستحق الفوز على معطيات الشوط الثاني لكن التعادل ليس بالسئي جدآ

والجماهير التي تتغنى بجيرتس .. وتتباكى على ايامه

انا من عشاق هذا المدرب واحبه بشكل خيالي ... لكنه ذهب .!

ماذا يعني نقف عند هذا الحد لا

جيرتس كان الهلال يقدم كوره جميله ونتائج رهيبه .. لكنه ماحقق طموح كل هلالي { كاس اسيا}

الهلال اخذ الدوري وكوؤس كثيره مع مدربين .. لم ياتي بجديد

لكنه مختلف في كل شي .. فافي نظري افضل مدربي العالم ..

ولانسى هناك عوامل تساعد اي مدرب ياتي للهلال .. فعناصر الهلال والعقليه المحترفه الاداريه تساعد اي من كان

..

فاحقق الهلال انجازات مع مدربين عادين والزمن يشهد يحققون مع زعيمنا بطولات ومع غيره يتم استبعادهم ..

من يذكر قبل موسمين الاتحاد لعب على نهائي الاسيوي .. رغم ان كان مستوى الاتحاد في تلك الفتره ليس في افضل مستويات كان عادي الى جيد نوعآ ما

لكـنه مع كالديرون الذي يلعب على المضمون ويحقق مايريد

كنا افضل من الاتحاد قبل موسمين ولعب على النهائي ..لانه كان يدربه مدربنا الان

فانلاحظ النتائج في بعض المباريات دون المستوى .. كاحال مباراه النصر .. لاننا خرجنا بالمطلوب فقط

الفوز فقط .. لان الفريق متعب متعب متعب

.. انا مع فلسفه كالديرون .. فانه يحقق الانتصارات المتتاليه رغم صعوبة الفتره والمباريات


انا متفائل جدآ في هلالنا هذا الموسم .. لانه يلعب بالمضمون



{ الاربعاء نكون ام لانكون ؟ بتحضر هز الملعب ~ بتجلس تتكتف وتفصفص ... مركتك وتلفزيونك وشاهيك بالبيت ابرك لك }


عندي عتب لجماهير الرياض .. بودي ان يكون مقر نادي الهلال في مدينه اخرى

لتذوق طعم الشوق ولهفه جماهير المدن الاخرى

..

شكرآ جمهور الشرقيه .. شكرآ جمهور الغربيه { فانتم من يستحق ان يكون التكريم على ارضكم .. جماهير الوسط شبعت انتصارات وفوز }

اسف على الاطاله