|
قراءة : برشلونة (ومورينهو والتحكيم) ومدريد الجريح !!! بعيداً عن لغة التصاريح المشادات الكلامية بين أطراف القضية، وخاصة السبيشل ون وتصريحة المدوي، على الاتحاد الاوروبي ، ورئيس الاتحاد الاسباني فيار، ومحاباة برشلونة ,,, ليعلم الجميع قبل الدخول للموضوع، أن برشلونه كان الأفضل في مجمل المباراتين، كـ لعب جماعي واستحواذ على الكرة والتمريرات في الخطوط الخلفية، لبناء الهجمة ومباغتة الخصم بلدغة،،، ولكن لم يكن هذا التكتيك المعروف عن النادي الكتلوني ليؤهله للمباراة النهائية، لانه لم يستطع الوصول للمرمى المدريدي، في ظل التكتل المدريدي الا في مرات نادرة ومعدودة . . مقدمة اليكم بعض النقاط التي اثرت في نتيجة المباراتين . . 1- مدريد 0-2 برشلونة (طرد بيبي) قد يكون هذا اللاعب خشن وعنيف في تدخلاته، ولكن حقيقة اول مرة اشوف لقطة بالشكل هذا تستحق الاحمر مباشرة ،،،واما الفيس جالس يتقلب يمين ويسار، واللي يشوفه يقول بس هذا عالمستشفى علطول، وشوي الا الرجال جاي يطامر في الملعب مافيه الا العافية. وطبعاً بعد الطرد لقى المساحات الشاطر ميسي والشوارع مفتوحة، بمساعدة الحكم ولسان حال البرشلونيين يقول: شكرا ياحكم على هيك هدية . يتبع . . . برشلونة 1-1 مدريد االمباراة الثانية ولم تنتهي المهازل التحكيمية بعد . . اخطاء بالجملة على اي احتكاك، وكل شوي الحكم موقف المباراة ، اما الهدف الملغي لاتعليق بجد لاتعليق . . . بيكيه يدفع رونالدو والمفروض هنا فاول . . . طاح الدون وتعرقل ماسكيرانو نتيجة لدفع بيكيه لرونالدو ، ، ويسجل الهدف هيقواين ، ، لكن ياعزيزي القارئ ، الخطأ هنا احتسب على رونالدو، نتيجة لأنه سقط ، وكان من الأجدى أنه يطمر ماسكيرانو ، أو انه يطيح سباحي ويدخّل راسه بين رجول ماسكيرانو حتى لايعرقله، أو أنه ولا اقول ماراح اكمل، لو يسوي رونالدو وش مايسوي مهوب مخليكم الحكم تتاهلون يالمدريدية تحلمون . . . اخيراً : تكتيكياً لم يستطع جوارديولا مجابهة تكتيك مورينهو في التكتل الدفاعي والضغط على حامل الكرة الا بأمر لاعبيه بالتمثيل في إشارة للحكم بأن الاصابة بالغة وهذه الطريقة آتت أكلها في طرد بيبي عن طريق تمثيلية البرازيلي الفيس افرحوا ياجمهور برشلونه لكم كامل الحق في الفرح والسعادة لأنكم الأفضل تحكيمياً ولاغير , , , خاطرة: يا اخوان بعد المباراتين وتصاريح مورينهو عن مبارياته مع برشلونه إبّان تدريبه لتشيلسي والانتر والريال هذي السنة . . . تذكرت سالفة افضل لاعب في العالم مطلع العام الحالي (ميسي) بعد ما استحوذ لاعبي برشلونة على الثلاث مقاعد الأولى رغم تحقيقهم للكاس والدوري فقط ، وتم (طرد) شنايدر الفائز بكل الالقاب ووصوله للمباراة النهائية لكاس العالم من الدخول على الاقل من بين افضل ثلاثة ، راح نتقبل لو خذها تشافي يعني فيه عذر بس ميسي !!! ألا يمكن أن نقول أن برشلونة يلقى معاملة خاصة ؟!!! ربما ... لاتاخذون في بالكم سالفة وتذكرتها ... نتفرق في ميولنا ونتجمع في حب الهلال تحياتي للجميع .... |
انت من جدك ؟ يعني جايب بس الاخطاء اللي صارت لمدريد !!! طيب وبرشلونه ماصارت له اخطاء مافيه بلنتي وطرد لمرسيلهو في مباراة الاياب للتشامبيونز , مافيه قول ملغى في مباراة الكاس ,, بلنتي التعادل حق الدوري ١-١ مو بلنتي , كرووت بالجمله واكثر من لاعب يستحق الطرد في مبارا ةالكاس . يعني اذا نبي نجلس وناخذ اللي لك واللي عليك ماراح نخلص , اتمنى ماتشوف بس من عين وحده هذا وانت انتراوي بعد ! اجل وش خليت للمدريديين |
، الريال انظلم بالمباراة لكن البرشا كان افضل ويستاهل الفوز مافي فريق حالياً يقدر يجاري البرشا ما اشجع لا الريال ولا البرشا لكن واضح جداً الفرق بين البرشا والريال عوافي ، |
برشلونه يستاهل الفوز بس اللي قاهرني ليه ما يعترفون ان فيه اخطاء تحكيميه في المباراتين على العموم هاذي اخر سنه لابدعات برشلونه وتذكرو كلامي زين ابيدال بويول اكزافي فيا ميليتو ماكسويل كلهم فوق ال30 وبتدت الاصابات والارهاق باينه عليهم عكس الريال اللي اغلب لاعبينه تحت ال25 سنه |
إقتباس:
بس اتوقع انكم لو لعبتوا في مباراة مع مدريد وكان التحكيم مميز ولم تتحصلوا على طرد او هدف ملغي او اي شي من شانه يحول المباراة لمصلحتكم بتقولون غش لانكم بكل بساطة اعتدتم على مثل ذلك وعلى هكذا مساعدات . . . |
إقتباس:
طيب انا في المقابل ابي مدريدي يعترف بأنهم ايضا استفادو من التحكيم في جميع المباريات الاربع : المباراة الاولى في الدوري بلنتي واضح لفيا لم يحسب وبلنتي مارسيلو غير صحيح بشهادة مارسيلو صرح بعد المباراة وقال انه تعمد القفز نهائي الكأس: طرد لاربيلوا بعد تعمده الدعس على ساق فيا وايضا طرد بيبي الذي تهور في اكثر مرة ودخل على مفصل ميسي رغم انه يمتلك كرت اصفر لكن لم يطرد ذهاب دوري الأبطال: طرد لمارسيلو واديبايور وضربة جزاء للبرشا بشهادة جمال الشريف اياب دوري الأبطال : طرد كارفالهو من منتصف الشوط الاول حتى ان صحيفة الماركا المدريدية قالت ان كارفالهو فلت من الطرد بإعجوبة يعني الفريفين تضررو من التحكيم ولاوجود للمؤمؤات وكفاكم تباكي واعترفو بافضلية البرسا وانه استحق التاهل بجدارة ومورينهو اعتمد على الضغط على الحكام قبل المباريات وانه لايريد ان يلعب ب10 لاعبين وفي الملعب يأمر اللاعبين بارتكاب مجازر ضد الخصم اتمنى اشوف مدريدي ينتقد مدربهم ان هو السبب في الهزيمة بسبب تكتلاته الدفاعية ولعبه الخشن الذي كلفه الكثير:yes: |
إقتباس:
|
برشلونة كالهلال متهم بكل شيء لسبب واحد فقط ( لنجاحه ) وهذا اللي يقهر الكثير للأسف ... لكن شيء طبيعي جدا فالناجح محارب ... |
وللتذكير فقط اقرب مثال تشلسي وبرشلونة السنة اللي فاتت طلع بأخطاء تحكيمية فاضحة تسببت بفوز الانتر ... ومحد تكلم , هههههههه شر البلية ما يضحك ... |
إقتباس:
بس يمكن عشان مافزتوا جاي تقول هالكلام . . . في تلك المباراة التحكيم ساعدكم كالعادة وادى ماعليه من واجب تجاهكم لكن مع ذلك ماقدرتوا تفوزون على الجرينتا الايطالية . . . يا اخوان افرحوا من حقكم بس لاتنسون المساعدات الخارجية ... وياللي تقول ان برشلونة زي الهلال لا والله ماصدقت ... وفرق شاسع بينهم. رجاء لاتخدش انجازات الهلال ... فهو ارقى من ان يعتاش على القاذورات .... |
نصيحة لك اذا تبي تصير كاتب ناجح او يكون موضوعك واقعين ويكوون موضوع يعجب الجميع , شوف اللي لك واللي عليك يعني لاتهضم حق طرف عن طرف اخر , بمعنى اقرب لاتظلم حق البرشا , إقتباس:
يدل على ان كاتبه لايفقه شي في كرة القدم , وصغير السن و مدته لمتابعه الكرة بسيطة جداً |
ياحوووووووووول طييييب((نبي نعيد المباراهـ بس علشانكـ) حبيبي في نهائي الكآس هدف بيدرو واضح بس يالله التحكيم مع الريال |
إقتباس:
آجل هدف بيدور اللي بنهائي الكأس صحيح ... :s2: ترا والله عندنا عيون ونشوف ..:razz: http://s4.as.com/prom/201104/pro_photo1303338001.jpg آكثر من كذا ايش تبي ... :ap: خآآآف ربك يـ رجل ..:s2: |
إقتباس:
احنا الافضل .. احنا فريق تحكيم .. بس ماقدرنا على تكتيك مورينهو .. بس تاهلنا .. :to::to: نحن الافضل تحكيمياً ولا غير .. !! بس ترا احنا الافضل في المباراتين .. ! شوي شوي على ترا ما اتحمل .. ! :s5s: |
هي بصراحة فيه اخطاء من الحكام وغالبية الاخطاء لمصلحة برشلونة << شئ واضح للعيان ..! لكن ورغم الاخطاء .. مورينهو لايتخلى عن حركاته والنرفزة ..؟ انت مظلوم حسسني انك تلعب حسسني انك تستحق الفوز ..؟ اخطاء الحكام تكررت كثيراً لصالح برشلونة مع تشلسي زمان والآن مع مدريد .. ماذا نقول ..؟؟ هنيئا لك يا بلاتيني .. :) تحية طيبة |
| الوقت المعتمد في المنتدى بتوقيت جرينتش +3.
الوقت الان » 01:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd