والله من جد عيسى مظلوم والله احسن من احمد علي وياسر

لاكن العاطفة والحب اعمت قلوب المشجع الهلالي ..

شكرآ ع اظهار الحقيقة التي لايردها البعض قبل يومين تكلمت نفس الكلام ع احمد علي

فكان الجزاء هو التعديل من قبل احد المشرفين

موضوعك رائغ وكل اللي في قلبي قلته انت
وانا صراحة مستغرب من ياسر اتمنى ينتبه لنفسه شوي ووزنه زايد بالحيل
وياريت ياريت يجيبون مهاجم فذ قدام المرمى غير احمد علي الاناني
انا اول مرة اشوف مهاجم ما يعرف يشوت ياجماعه وش يحس فيه ذا
انا بالبداية كنت ماخذ عنه فكرة حلوة وامتدحته كثيررر لكن للاسف مع التفكير اكتشفت انه كل اهدافه كانت سهله
حنا نبي مهاجم يجيب هدف من اصعب الفرص زي فيكتور لاعب الاهلي لاعب ممتاز بكل المقاييس
واتمنى تبديل مهاجمين الاحتياط تطيير وليد وجلب احمد الصويلح
كان يسحم لنا مباريات كثيرة وربي له وحشه

مع في كل شي يالغلا


كلام مرتب و نقاط رائعه

اعجبني فكرك بصراحه .. اهنيك ياكوتش ..

لكن فيه كلمه شوهت الموضوع بصراحه لو ما بدلتها و الكلمات كثيره افضل

اللي هو وزنه مقزز جدا .. مقزز مو حلوه وماتناسب الجمله ابدا ومعناها مختلف ..

بس هذا اللي حبيت اقوله

لا هنت

مااقول الا كثر الله من امثلك بهالمنتدى ..!
وبخصوص احمد علي ..~
لاعب ماعنده لا مهارة ولا موهبه وتسديدات فاااااشلة ..!
فاقد الشئ لايعطية ..!



]

صادق والله..
كالدي مفلس وفاشل جدا..يلعب مع الفرق المتوسطة بطريقة دفاعية ولايثق بلاعبي فريقة ولايفوز الا عللى الفرق المفلسة والضعيفة اما غيرها محااال الا بالحظ ومساعدة حسووونا (حسن العتيبي)
الله يعين عليه اما الاتحاد في ابطال اسيـــــــــآ ..ولو خرجنا اتمنى شوتته شوتت كلب..

الله يعين بس

الموسم القادم لابد من تطيير وليد الجيزاني واحضار مهاجم يفوقه بشكل كبير

وابعاد احمد على واحضار مهاجم هداااااااف

اتمنى مع بدايه الموسم القادم تكون تغييرات مفيده للزعيم

وبالبتوفيق للزعيم

معك يابطل

خاصه في نقطة المحياني

فعلا لاعب ما اخذ حقه وممتاز في نفس الوقت

وياسر يتكي في الدكه لين يحسن مستواه

اما احمد علي فأقول انه كويس واتوقع الفتره الجايه بيكون افضل

ويعطيك العافيه

مهاجمين الزعيم اكثر من الهم على القلب...من كثرهم ما تعرف مين تلعب...بس اتوقع انه ياسر واحمد علي يوم يلعبو جنب بعض و يكون واحد فيهم راس حربة صريح والثاني يساند الدفاع يكون الوضع تماااااااااام

اما اذا بتجيبو الجهني فيا ليت يكون محل الجيزاني !!

قبل أن أرد على الإخوة أريد التأكيد على النقاط العامة في الردود

1- بالنسبة لكلمة ( مقزز )... شككتوني في معناتها :d و رحت ابحث في المعجم
.... قَزَّتْ نفسي عن الشيء قَزًّا وقَزَّتْهُ، بحرف وغير حرف: أَبَتْه وعافَتْه، وأَكثر ما يستعمل بمعنى عافَتْه.....

إن كنتوا ترون في هذه الكلمة إهانة لياسر أو كلمة غير مناسبة فأنا اعتذر لياسر القحطاني ( لاعبنا الكبير و الخلوق :ba1::ba:) و اعتذر لكم

2- نحن كجماهير هلالية أصبح لدينا خبرة في انخفاض مستويات اللاعبين و إمكانية رجعوهم لمستوياتهم .. وقت انخفاض مستوى نواف التمياط كنت أجزم بأنه لن يعود لمستواه المعهود و أن الاعتزال أو الإعارة لنادي آخر هو الحل الأنسب و لذلك ليس كرهاً في نواف و إنما لطبيعة سبب انخفاض مستواه ( الرباط الصليب ) و هي الاصابة التي قضت على أساطير كرة قدم

و في المقابل في وقت انخفاض مستوى محمد الشلهوب كنت أجزم بأنه سيعود لمستواه لأن سبب انخفاض مستواه هي الظروف المحيطة باللاعب في تلك الفترة فحسب

و أنا هنا أراهن على قدرة و إمكانية عودة القناص لمستواه المعروف لأنه يملك عزيمة و إصرار و المطلوب فقط هو محاولة تخفيف الوزن لأني لا أؤمن بأن مشكلة ياسر ( نفسية ) بل أكاد أجزم أن ياسر إنسان واثق في نفسه و في امكاناته .. ينقصه فقط الجسم المثالي ليسهل عليه الحركة.. ياسر سيعود كما عهدتموه إن شاء الله شريطة أن ينزل وزنه ..

3- تجد من يمتدحون كالديرون دائماً يقولون إن ظروف كالديرون سيئة و ظروف قريتس ممتازة .. أوكي خلونا نرجع لبعض المبارايات اللي تعثر فيها قريتس

أ- خسارته أمام الاتحاد في مباراة الإياب 2-1 ( في تلك المباراة كان الهلال الباديء بالتسجيل و من ثم أصيب ويلهامسون في مرفقه و أخذ رادوي كرت أحمر ) ( لاحظوا خسارة ويلهامسون و رادوي و طرد قريتس نفسه من المباراة !! )

ب- مباارة الهلال مع الغرافة ( مباارة الاياب ) ( غياب رادوي عن المباراة بسبب توافق المباراة مع يوم الفيفا و لعب رادوي مع المنتخب الروماني )

جـ- نهائي كأس الملك ( ايقاف رادوي + وفاة قريب عبد اللطيف الغنام + انتقال عمر الغامدي للشباب + إصابة البرقان ) ( غياب أربعة محاور مره واحده و مع ذلك المباارة تنتهي بضربات الجزاء !!! )

قريتس خسر ثلاث مباريات متتالية في بطولة اسيا .. يتحمل فيها مسؤولية مباراة الغرافة الثانية في وجهة نظري كونه لم يشرك خالد عزيز .. أما في مباراة ذوبهان في ايران فالهلال كان أفضل من ذوبهان بمراحل بشهادة جميع المحليين و أضاع الهلال ضربة جزاء ( تسبب فيها ياسر و أضاعها ولي ) و حتى هدف ذوبهان جاء من خط في حائط الصد ( يعني وش تبي المدرب يسوي !! )

في مباراة ذوبهان الثانية .. سبب الخسارة هبوط عام في مستوى الفريق و إلا التشكيلة في وجهة نظري منطقية جداً








يا أخوي أنا ماني ضد ياسر و لا ضد أي لاعب هلالي عشان أخاف من أحد
و أشد على يدك في اقتراحك بخصوص عيسى .. من جد محتاج ياخذ هذي الفرصة
عوافي أخوي على المرور الجميل




احنا ما نبي نضغط عليه .. بس ياخي مو معقولة نجلس نجامله و نكذب عليه و على أنفسنا و نقول إننا مقتنعين فيه و احنا مو مقتنعين .. و في كل الأحوال ياسر متى ما رجع لمستواه احنا أول من يمدحه و يشيد فيه

شكراً على إضافتك للموضوع




مع بداية الموسم القادم الادارة راح تسوي تقييم أكيد .. بس الغرض و التركيز الآن إننا كيف راح نمشي فيما تبقى من هذا الموسم

عوافي على المرور



بأبدأ من حيث انتهيت ..

و أنا أحط رابط هدف الجهني .. و الله تذكرت هدف ياسر في تونس الفرق أن هدف ياسر جات الكورة من اليمين و هدف الجهني من اليسار و كلا اللاعبين يشوتون بالمين فطريقة التعامل كانت مختلفة و أسفرت عن أهداف

.. بصراحة أخوي أنا أحييك على روحك و أنت تكتب الرد .. وواضح حيل أننا نتفق في حب الشعار بغض النظر عن الأسماء و كلانا يرى في ياسر اللاعب الكبير الذي يحتاج الهلال رجوعه بقووة

شكراً جزيلاً على مرورك




ربما اتفق معك نوعاً ما في النقطة الأولى و لكني حتماً اختلف معك في النقطة الثانية
قبل مجيء قرتيس ( في فترة كوزمين ) كان الشلهوب احتياطياً و أعاد قريتس الشلهوب للقائمة الأساسية و أعطاه فرصة كاملة جعلته يصبح هداف الدوري و لم يجعل قريتس الشلهوب احتياطياً إلا في نهاية الدوري و في بطولة ولي العهد أما في الآسيوية و الدوري كان الشلهوب أساسياً و هذه السياسة هي سياسة المدربين الأوربين حيث يحاولون إيجاد مجموعة لاعبين لكل بطولة و يجعلون اللاعبين الأهم للبطولات الأهم

يعطيك العافية


إن كانت الادارة الهلالية اعتمدت على الصحافة المصرية في قضية إعارة أحمد علي فهذي مصيبة .. بس ما اتوقع الادارة الهلالية سوت الشيء هذا لأنها إدارة محترفة و أكيد درست الموضوع كويس .. و ربما فضلت الادارة إنها تجيب أحمد علي لأنه نوعاً ما رخيص ( بس هذا السبب ما كان مقنع حقيقة )

لأن عماد الحوسني لاعب الأهلي مثلاً لاعب رخيص و أفضل من أحمد علي بكثير .. يايا توريه لاعب سبهان لا اعتقد أنه لاعب غالي .. و كثير من اللاعبين الافارقة يكونون أسرع من أحمد علي و أكثر قوة جسمانية و أكثر خبرة و رخيصين .

ذكرتي الكثير من النقاط الجيدة .. يعطيك العافية على الإضافة للموضوع




يا أخي مشكلة أحمد علي أن عكس ياسر تماماً

بعض الكرات تحتاج من ياسر فقط ( التسديد ) و ينتهي الموضوع و لكنه يفضل المراوغة
و أحمد علي .. كرات تحتاج للمراوغة أو التمرير و يقوم بالتسديد بدل عن ذلك.

مشكور على المرور

شكرا لك أخوي

آرائك تحترم وأنت كذلك , اتفقنا او اختلفنا

سبق وقلت ياسر حركته ثقيله :s2:
وكان البعض يضحك من ردي:ranting:
اعتماد ياسر على جمهوره في الدفاع عنه ماينفعه بشي اذا قرر المدرب ابعاده:s3s:


احمد على مجتهد ويحتاج لمزيد من الوقت :yes:
المحياني لم يعطى الفرصه الكامله بسبب مجامله الاداره لياسر:ap:

مع تقديري لك اذا كان تسبب في خمس بطولات فكم بطوله فقدت بوجوده ؟ ومتى اخر بطولة خارجيه للهلال ؟

يكفى كاس الدورى في الرياض وامام 50 الف هلالي يسجل في الهلال مدافعين هدفين ( المولد ومنتشري)لاتدخل في حارس مبتدئ
كرهنا الحضور للملعب بسبب تلك المباراة
كورتين ترفع تنتظر خروج للحارس ويجلس في المرمي اين الخبره ؟ هدف هارون النصر من نص الملعب وثلاتة الشباب في النهائي قبل اربع مواسم و اربعة الاتحاد في كاس الابطال هدف كيتا الغريب وغيرها الكثير اما قولك عميد اللاعبين وافضل حارس مرمى فانا معك انه تميز مع الهلال طور مستواه واستفاد من الزخم الاعلامي الذى ارعب المهاجمين قبل الدخول الى 18 الهلال ووصل الى عمادة حراس المرمى بجهده ووفنه واخلاصه وموهبته ولا يختلف عليه اثنان
لكن انا اتكلم عن اخر ايامه الرياضيه فقط
وعن المجامله التى طالبته بالاستمرار رغم اته اعلن الاعتزال لمعرفته انه حان وقت الرحيل
هو لم يكن متسبب في الاخفاقات التى اتعبت الهلال لانه نجم عرف متى يعتزل
ولكن المحبين له هم من تسبب في تاخير قراره


المجاملات التى تحدثت عنها

الدعيع من افضل حراس المرمى في العالم ( ايام عزه)

كان يجب ان يعتزل قبل اربع سنوات من قرار الاعتزال
سيضل محمد وعبد الله من الرموز التى خلدت ذكراها في الهلال

ولا يحجب تاخر الاعتزال ماقدموه من جهد يشكرون عليه