|
عاجل : إقالة كالديرون و تعيين فلاسفة شبكة الزعيم بدلاً عنه .. ! بسم الله الرحمن الرحيم . و الصلاة و السلام على أشرف الأنبياء و المرسلين . السلام عليكم و رحمة الله و بركاته .. صباح / مساء الخير .. جمهور الهلال الكبير , المدرج الهلالي العاشق .. نبارك لكم تعيين بعض فلاسفة الشبكة الموقرة لادارة الجهاز الفني لنادي الهلال السعودي , طبعاً سبب التخلي عن كالديرون هو إنه أقل مستوى من الهلال , نادي القرن , صاحب كل الألقاب الي بس نتغنى فيها .. !! ** جمهور الهلال الكبير , المدرج الهلالي العاشق .. هلاّ تثقفنا قليلاً , و أخرجنا بعض الألقاب التي نتغنى بها في مكانها فقط , و ليس أينما ما كنّا قلنا , فريق القرن و نادي العقد , يخسر ؟ يلعب بـ 5 مدافعين ؟ يدافع ؟ مدربه مهب مشهور ؟!؟ ! ؟! , ما تحس إن هالخرابيط هي أشياء نفسية أخي الزعيم ؟ , لكن ثقافة جماهيرية منعدمة ربما لدى الجماهير العربية تقريباً .. !! ** جمهور الهلال الكبير , المدرج الهلالي العاشق .. المدرب وضع ليكون من يدبر شؤون فنية لفريق كرة قدم الأول , فلم يتدخل في شأن الأولمبي ؟ , بينما أنت أخي فيلسوف الزعماء , تتكلم بكلام لا تفقه , أم تقنعني بأن شخصك المحترم يملك نظرة أفضل من كالديرون .. !! ** جمهور الهلال الكبير , المدرج الهلالي العاشق .. فلنجعل لكلٍ منا مهمته , فما رأيك بأن تشجع و تؤازر , و المدرب يجهز الفريق فنياً و الرئيس يدعمه ادارياً , أليس أفضل ؟ .. !! ** جمهور الهلال الكبير , المدرج الهلالي العاشق .. كالديرون لعب بتشكيلة دفاعية و كانت فكرة طبيعية , و جميع فلاسفة الشبكة كانوا يريدون من المباراة الصدارة ؟ , بينما كالدي كان يريد الأهم و الأهم و هو التأهل :) , فهل تريد اللعب هجومي أمام فريق يهزمك على أرضك و يفرض أسلوبه عليك ؟ فالخسارة كانت ستجعل الوضع محرج أكثر يا فلاسفتنا الهجوميين .. !! ** جمهور الهلال الكبير , المدرج الهلالي العاشق .. أنا لم أستقصد السب أو شتماً او تهزيء فلاسفة المنتدى , فجميعكم على عيني و ابادلكم احتراماً جميعاً , لكن يجب أن نعي و نعي , فهل هناك جمهور يفكر في الصدارة حتى بعد نهاية المباراة و ينسى أنه لم يتأهل بعد ؟ .. !! ** جمهور الهلال الكبير , المدرج الهلالي العاشق .. أتمنى إني كنت خفيفاً لست ثقيلاً عليكم , و أن أكون قد أوصلت رسالتي دون خدش لأحد .. !! ** أستوعدكم الله الذي لا تضيع ودائعه , في أمان الله أخوككم : نواف |
يالغالي كلا له وجهه نظر ويجب ان تحترم .... ولهذا المنتديات طريقه لتوصيل فكره معلومه نقد من تجريح شي طبيعي تدخل الجماهير في كل شي يخص الهلال حتى التشكيله طببببببيعي |
شاكر لك نواف على الطرح.. لكن ياعزيزي جمهور الهلال عآطفي جداً لايرحم المدرب والإدارة في التعادل والخسآرة لأنهم متعودين على الفوز حتى في المباريات الودية،ولذلك فلا تلوم الجمآهير... |
انا من حقي كـ عآشق للهلال آقول وججهة نظري , وبخصوص كالديرون , الله يسسرع بـ نهاية الموسم بس , :rose: |
اخووي الجمهور الهلالي يختلف معلك الجمهوور الهلالي متعطش لا يرضى بالخسااره ولا التعادل بشكل طبيعي او لابد من تدخل فلافسه الشبكه (كما تسميها !!!!) بتشكيل لكي تووصل المعلوومه للفريق هل تعلم ان يووجد من الجهااز الفتي يتصفح المووقع هذا شي طبيعي كوون الشبكه الموقع الرسمي للنادي فلابد انتقادات هادفه وليست سب او شتم كل احترااامي لك اخووك معشووق نيفيز |
#### آلله يعدي مرحة آلمجموعآت على خير :D |
المنتدى وضع للنقد واخذ اراء الجمهور الهلالي مو بس تبينا نمدح ونمدح لأ |
اخي الكريم مع كامل احترامي وودي لك ... لو لم يكن هناك جمهور لأي نادي في العالم ..ما راح تشوفه يلعب .... الهلال جمهوره عظيم ....ولو ما له هالجمهور الي تنعتهم بالفلاسفه كان ما صار نادي القرن ونادي العقد ... الهلال في اركان .........الجمهور الاعبين الأداره الأعلام لو تلاحظ ان الجمهور قبل الاعبين الي بالملعب .... يا اخي الكريم ..الكيان لا يقتصر على الاعبين فقط ... وانما يتصدرهم الجمهور الي تنعتهم بالفلاسفه .... .... يكون بعلمك ..ان اصغر مشجع هلالي يراود الموقع هنا ... لو اجيبه محل كالديرون ...والله والله والله ...انه راح يقود الزعامه الى بطولتين او ثلاث كما هو الحال مع الأنديه الكبيره .... الأنديه الكبيره ...مثال....برصا ....لو نقول ان جوارديولا مكانه اخوي الصغير والله ان تشوف برصا ما يطلع من الموسم الا ببطولتين او ثلاث ...بعدين ؟ بعدين ما راح يكون للفريق نفس طويل ...وراح يبلش في نهاية الموسم .. الفرق الكبيره ....تحتاج الى عقل قبل الخبره .. الفرق الكبيره ...تحتاج الى تخطيط مسبق .. الفرق الكبيره تحتاج جمهور واعي ...يتفلسف في كل مباراة يا اخوي وش الي يفرقك عن جمهور الفقر ؟؟؟جاوب وش الفرق بيننا وبينهم ... انت شف من اخوانك كان فيه احد نصراوي او عيال العم ...او الربع بالأستراحه شف لما تنتهي المباراة النصراوي وش يقول وانت وش تقول .. النصراوي او ما تنتهي مباراتهم ....على طول يقول التحكيم حرمنا من البلنتي كذا والبلنتي كذا وحنا ...يا جمهور الزعيم (الفلاسفه ) تلقاه يحلل لك وش صار بالملعب ... وش كان الأخطاء حتى لو فزنا ....يعطيك مكامن القوه ومكامن الضعف ... التشجيع فكر ترى ...قبل يكون رفع علم ...ومعاهم معاهم وعليهم عليهم ... .... وافـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــي |
عجباً من بعض الردود !! فأرى بعضها يقول أن لكل منّا وجهة نظر .. طيب ياعزيزي .. إذا كانت وجهة نظرك سليمة فـ أطرحها دون تجريح ..!! لأن أغلب الردود التي لا تؤيد كالدي هي ردود تجريحيه أو ردود تُبيّن أن المدرب كاتب الرد ولا كالدي ..!! هلي يعقل ذلك ؟ إذا كتبت ردودك فـ أكتبها بحكمة أو قبل أن تكتبها فكّر في كلامك خمس مئة ألف مرة ..!! فـ من ينتقد طريقة لعب كادي لا يفقه فيما يقول ..!! لأن كالدي لعب وفق الظروف التي تمر بالنادي .. فـ المحاور لا يوجد منهم إلا سلطان البرقان وللأسف سلطان راجع من إصابة ..!! صحيح أن هناك أخطاء من كالدي في التغييرات لكن هذا لا يعني أننا ننسف جميع مافعله بالمباراة من تكتيك مناسب .. فـ لو لعب الهلال بـ 4 مدافعين لن يستطيع أن يلعب بمحورين .. ولو لعب بـ 4 مدافيعن وأشرك نوّاف العابد لـ أصبح الدفاع مفتوح للفريق الإيراني الخطير ..!! ومن يقول أن الفريق الإيراني ضعيف بالنسبة للهلال فـ هذا أكبر جاهل مع إحترامي الشديد ..!! فريق يتصدّر المجموعة + يتصدر الدوري الإيراني ولديهم ميزات أكثر من نادينا للأسف ..!! كالدي لعب بخمس مدافيعن ليوهم الفريق الإيراني أنه هناك خمس مدافعين حقيقيّين ولو رأينا عبدالله الزوري أين يلعب لوجدناه غالباً كـ جناح ..!! ومن يقول أن الهلال لم يعتد على لعب الدفاع فـ الريال لم يعتد على لعب الدفاع ولكن لضّرورة أحكام .. أخوي معشوق نيفيز .. هو لو الأعضاء ينتقدون بطريقة سليمة كان ماقلنا كل هالكلام إتجاههم .. لكن أغلب عاشقين الخمسات [ يسبّون ] الأسم والجنسية والمبلغ ..!! يبغون واحد يفوز خمسة على النصر علشان يقولون أنه فاز على المنافس الأول للهلال << من متى صار النصر منافس للهلال ؟ ولا علشان يقولون الهلال فاز على الإتحاد خمسة وهو ناقص أهم عناصر الفريق !! << واللي توّه مهزم بنهائي آسيا ..!! ويبغون مدرّب يخم الشلهوب أو أي واحد يجيب هذف علشان يقولون شوفوا كيف المدرب الأوروبي يعيش الجو مع اللاعبين !! مايعون كيف أن جيريتس سحب على الهلال بأحنك الضروف وراح مع مرته ..!! وجاء كالدي وأنقذنا .. ولو لا الله ثم هو ولا كان حنّا بخبر كان ..!! ومازال في فمي ماء :D مشكور على أحلى طرحه شفته من أسابيع .. |
:: والله انك صادق كالديرون مدرب كبير وبعض الجمهور الهلالي مدري لية كارهين كالديرون شي غريب فعـــلا رغم البطولات اللي جابها والنتايج اللي حققها يرى هذا النقد الحاد اجل لو انة مهزوم بخمس مباريات ولا اربع وش سويتوا فية لو ان الهلال جاب اي مدرب اخر من بعد الظروف اللي مر بها الهلال من خروج من الاسيوية والاصابات وغيررها اتحدى انا لو يجيب بطولة وحدة كالديرون رغم الاصابات والظروف وضغط المباريات حقق مع الهلال ثلاث بطولات رسمية وودية والرابعه بالطريق ان شاء الله والتاهل لدور الـ8 بأذن الله كالديرون مدرب كبير وعارف كل صغيرة وكبيرة بقارة اسيا مو بس بالسع ـودية واتمنى التجديد معه لسنوات مو سنة واسيا هذي محد راح يجيبها غير كالديرون |
اخي الحبيب كلامك قد يكون صائبا ولكن مع احترامي لك ولكالدي اعتقد الكل البوم يعرف كورة. لعب الهلال بخمسة مدافعين ولو لعب بتسعة يبقى دفاع الهلال ضعيف .ابي منك انت وكالديرون تشوفون القول بس. هذا غير الفرص التي ضاعت هل اكسبت اللعب بخمسة لاعبين المدرب ام لا ؟ طريقة المدرب الغت رادوي تماما . |
إقتباس:
:: استغفر الله اللي يسمعك يقول كل المدربين اللي مروا ع الهلال نجحوا ! ياعزيزي كالديرون تاريخة يتحدث عنة انت كذا طمست شي اسمة كالديرون بالفريق انت تدري ان الهلال تعادل مع الاهلي بالرياض 3-3 بسبب ان الهلال كان بدون مدرب رسمي اجل الاهلي يلحق الهلال بعد ماتقدمنا بهدفين |
إقتباس:
:: والله ان كالديرون مجرم وذكي وثعلب وبطل ضحك ع الايرانين واوهمهم بالتشكيلة اللي يقال انها (دفاعية) كالديرون لعب بثلاث دفاع بالقلب وقدم الاظهرة والدليل ع ذلك هدف الهلال جاء من لاعب ظهير ونلاحظ ان لي يونق والزوري دايما يتقدمون بالهجمات وكانت هناك فرصة للزوري خلال الشوط الاول وتصدا لها الحارس الايراني يالبى قلبك ياكالديرون صدقوني هذا المدرب ظالة الهلال وراح يسوي عجايب وراح يحقق اللي ماحققة غيرة من سنين |
والله استغرب من ردود البعض والله المدرب مستواه جيد ويطمن والله يوفق الزعيم |
إقتباس:
آها .. يعني برأيك أنه مادام خطة 5 مدافعين مانجحت وجابوا علينا قول ... نلعب بأربع مدافعين ويجيبون علينا عشرة لأن الأولى ما نجحت ... صح ؟ :yes: يعني بالله .. تبغى كالديرون ينزل للملعب ويدافع مع الخالدي وهوساوي والمرشدي ؟ |
| الوقت المعتمد في المنتدى بتوقيت جرينتش +3.
الوقت الان » 12:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd