بسم الله الرحمن الرحيم

الزعيم هو سيد الساحة

اليوم دوري زين يطلع لسانه على بعض ناس (ن) تمهزا بالابطال

وش بيدهم غير الفشل والمهانه يسترفدون وموقف الشـك مـآ زآل

هذي هي العادة وكل (ن) وشانه والفاشل اللي بالفشل يصلح الحــآل

هذا زعيم القرن هذآ مكــانه هذا زعيم العــقـد خــلــوه يـخـتـال

مـاله منـافس صـدقوها أمانـــه واقع ولا غــيره يطوله بالاعمــال

من مبتدأ الموسم يسيـر ابرزانه الرأي واحـد والصعـوبات تنجـال

لو كل حاقد راح يطلق عنانه بالشك والتزييف والردع ما طــآل

في منــطق العـالم تعلا كيانه والمنطق العلمي جماهيره ارتــال

في منطق الواقع عيــانه بيانه قدام عينك شاهد ان صال وان جال

حقيقته (ن) تلزم بليا حصانه خل الحصانــه تنفع اللي على البال

هو كامل الاوصاف والفن زانه كله رموز(ن) بالثقافه والاموال

ان فات ريس جاه ريس زمانه تحتار في من هو تسيد للامـثـال

وان جيت للملعب تجيك الميانه تمنح من التقدير من كل الاشكال

ميزانهم كل(ن) لسانه حصانه الحق فيهم كل الاوقات ما مال

هذا ولي العهد كأسه ضمانه مضمون في رابع سنه كنز الاجيال

عاشر وبالدوري كسبا رهانه ثاني سنه قبل الاسبوعين ذا فال

ثالث عشر دوري بجهد او متانه يكفيك بالملعب من الفن شــلال

اخلاص مع رمز الكرم مع ديانه كل التميز فيه ما جاه الاهمال

هو سيد الساحه وسبه خيانه المجد مقياسه على القد تفصال

اتمنى ان تحوز على رضاكم ؟ ؟

لا تبخلو بردوكم . . .

تحياتي عمر2020