يوم الأربعاء ترى ممكن نطلع من كاس اسيا + جن الملاعب نصف الفريق + الروح الهلاليه + انتوا ياجمهور
 

اولا راح أبدا بالاحتمالات الي ممكن تصير يوم الأربعاء لانه في احتمال لو خسرنا من الغرافة ممكن نطلع من البطوله كامله خاصةً ان الغرافة جاي للمنافسه على احدى البطاقات
يعني مباراة الأربعاء بالنسبة للهلال نقطة تحول في البطوله يعني مباراة مفصلية علشان كذا أنا اطالب بل وأناشد جميع الجماهير الهلاليه بالوقوف بجانب فريقها يعني أنتو سوا الي عليكم بعدها الهلال لو ماقدم مباراة جيدة يحق لكم العتب والأنتقاد

ثانيا من خلال متابعتي لكذا مباراة في هذا الموسم بل أغلب المباريات يكون الاعب ولي هامسون غالباً مايكون السبب في تغير نتائج المباريات وأعتقد أنكم توافقوني الرأي وبصراحه غيابه فرق امس مع الفريق أتمنى محد يكابر ويقول لا
بصراحه لاعب ذكي نشيط يتحرك طوال الوقت وبصراحه إذا دعس محد يجيبه أعتقد لقب الجني الأزرق انسب لقب لولي أتمنى يكون في عز مستواه وتألقه ولو لاحظتوا مباراة ايران السابقه كان هو اكثر لاعب ادى واجتهد وسجل

اخيراً وأأسف للأطاله انتوا الي الاعتماد على ثم عليكم يوم الأربعاء وصدقوني وجودكم ودعمكم رح يعطي الاعبين دافع قوي للأداء وما أعتقد ان في لاعب يدخل الأستاد ويشوف خمسين او ستين الف مشجع ولايلعب ولا يقدم مستوى ويحترق عشان الفريق

بأذن الله 70 الف هلالي يملئ مدرجات الدرة
الهلال يمر بمرحلة حرجة جدا في البطولة الآسيوية ومباراة حياة او موت

جمهور الهلال سيكون في الموعد كعادته بأذن الله

اولا مشكووور اخوي على هالموووضوع الجميل ويا ليتني قريب من الرياااض كان جيت لاكن ياااجمهور الزعيم


الي من الرياض او قريب او حتى يقدر يجي اتمنى منكم الحضووور لسببين هما
1_شكر للاعبينا وجهازهم الفني على ما قدموووه لنا

2_الهلال ممكن راح تكون اخر مباااراه هالموووسم على ارضه في ابطال اسيا وبنسبه 99% لانه ممكن مستحيل الجزيره يفعلها

امام سبهان لاننا كلنا شفنا الجزيره يوم تحمس انرقع 5 من الغراافه اتمنى انكم تحضروون المباااراه وانا نشوووف الجمهووور

يهز الارض هز ترى والله لو تهزه ان الغرافه غير يرتبكووون ارتباك مو طبيعي ولاحد يقووول منهم لعيبت منتخب اقولكم والله

الجمهور القطري حتى بمباريات قطر انها ما يجي غير الواجهه ووجودهم مثل عدمه وكلنا شفنا كاس اسيا يعني مثل جمهووور الرياااض

تكفووون احضرو من اجل المساانده لا من اجل المتابعه


تشكراتي

باذن الله حاضرين والفوز باذن الله ازرق

بأذن الله 70 الف هلالي يملئ مدرجات الدرة

ماعليه ياشباب الجمهور الهلالي تراه وربي غير غير وصدقون الجمهور بكل الاوقات مايتأخر وراح تشفو يوم الاربعاء كيف المدرجات زرقا زرقا زرقا وبالتوفيق يازعيم

ياارب وفق الهلال يوم الاربعا واجعل الفوز من نصيبه =(

اتمنى من الجمهور ماحد يحضر للمباراة حتى لانضغط على اللاعبين وتكون صدمة نفسية من جديد ل 70 ألف متفرج

الله يوفق الهلال وين ماكااااااااااااااااااااااااااان

=========================

:upsetw:
يَ شيين ـآالمندسسين بسس

--

بآذن الله الحضوور بيكون كبييير ونزف الهلال للمرحلة ـآألقادمة :smilie47:


يَ رب يَ كرييم وفق الزعيم :smilie47:

أعتقد ان اللاعب اللي راح يتاثر بالجمهور مهو كفو يلبس شعار الهلال

سوى كان هذا الجمهور ناديك او نادي منافس


وبعديين صدقوني نحن نبالغ بتأثير الجمهور على اللاعبين


اخيرا حضور الجمهور شي مهم لانة يعكس مدى عشق النادي وكثرة محبيية

وهذا هو ما يتفاخر به كل من ينتمي لهذا النادي

ويلي لاعب مؤثر لاكن الزعيم مايتاثر بنقص لاعب واحد

مع ذلك اتمنى من الجمهور الهلالي بالحضور والمسانده لجمهور الزعيم امام الغرافة والخروج ان شالله بالفوز والحصول ع البطاقة الاولى

اللي يقول 70 الف متفرج
نسيت ان المباراه بالرياض ؟؟
نسيت المباراه الاخيره بالدوري , وكيف كان الحضور على الرغم من المباراه كانت تتويج الهلال بالدوري؟؟

الى كل الهلاليين
موعدنا
الاربعاء 11/5/2011 م

انشاءالله 70 الف متفرج في الملعب نبي اهزيج هلاليه من كل الملعب