|
سؤال : هل كالديرون وفق في مباراة سبهان في التشكيل والتكتيك . مساء الخير عشاق وعاشقات الزعيم ... هارد لنا التعادل والذي ارى ان الهلال كان احق بالفوز عطفاً على مستوى نجومنا في اخر اربع مباريات .. لكن نقول الحمدلله على كل حال وقدر الله وماشاء فعل .. وفكرتي من الموضوع ان نجمع جميع الاراء والتحليلات حول مدربنا القدير كالدي وتشكيلته وتكتيكه في مباراة سبهان مساء البارحة .. وهل انت مؤيد لخطته وماهي وجهة نظرك ؟ واسمحوا لي بداية ان اعبر عن رآيي في ذلك .. كالدي لم يحب ان يغامر كثيراً وتوقع ضغطاً من الفريق الايراني من البداية فقرر اللعب بـ 5-4-1 واللعب على المضمون وفعلاً هذا ماحصل ووفق حسن العتيبي كثيراً في الرد بكل قوة على هجوم الفريق الايراني والذي لو تواجد احد غير توريه الذي ساعدنا كثيراَ في إضاعة الفرص . وهذه الخطة من وجهة نظري ليست للهلال والزعيم لم يتعود عليها ولم يسبق ان لعب فيها فالهلال على الاقل السنتين الاخيرة لايجيد الدفاع ابداً وهو صاحب المبادرة والهجوم الضاغط .. واعتقد من وجهة نظري هي ان كالدي لو لعب بـ 4-4-2 من البداية أو 4-5-1 لكانت النتيجة بإذن الله لنا لكن كان لدى كالدي قراءة غير ولم يوفق من وجهة نظري في ذلك .. فكان بالإمكان مشاركة البرقان من البداية بجانب رادوي وسحب الخالدي والذي اعتقد انه كان من الاسباب في الخلل الذي حصل في الدفاع الهلالي فهو لم يعتد اللعب بجانب قلبي الدفاع وكان الدفاع معدوماً ولاحظنا ذلك جلياً في هدف الفريق الايراني . فالهلال ياكالدي ليس بالفريق الضعيف الذي يخشى الفرق وتعود هو من يخيف ويهاجم الفرق في ملعبها .. لكن قدر الله وماشاء فعل .. واتمنى انك استفدت من تجربتك في هذه المبارة من مايفيد زعيمنا في المقبل من المباريات .. ولو زج بالمحياني وياسر من البداية لخف الضغط عن الدفاع والوسط وعدم اندافع لاعبي الفريق الايراني وربما خرجنا متقدمين في الشوط الاول .. لكن قدر الله وماشاء فعل .. هذا من وجهة نظري مارايك انت ياقارئ الموضوع وماهي اجابتك على استفسارتي اعلاه ؟ .. والله يوفق زعيمنا في مباراة الاربعاء ونتاهل الاول ونرتاح نقول يارب .. وعلى دروب الزعيم نلتقي أحبتي ... |
شكرا للرفع مشرفيي الافاضل ... |
هلابك اخوي زي ماقلت كالديرون لعب على المضمون واضح من التشكيلة ومن البداية كان حريص بان لايلج مرمانا اي هدف ينهي المباراة ولكن بعد صافرت البداية وبعد مرور عشر دقائق اتضحت كل الامور بالنسبة للمشاهد وللمدرب والاعبين مباراة كانت قريبة من الهلال ولكن استمر كالديرون على تحفظاته وهو الاقرب والاعلم بكل شيء ملاحظة الجزيرة الاماراتي قتل متعة المجموعة وقتل الحماس والتنافس بين الفرق فكر في المحلي وترك الاسيوية وكان مرشح قوي بين الاربعه ولكن 000! صار استراحة مشكور اخوي بالتوفيق للهلال دمت بود |
اهلا بك ياا عزيزي .. من ناحية سؤالك ، انا اقول كآلديرون نجح في إبتكآر آلخطه ، ولكن الاعبين فشلو في التنفيذ وتحديدا سلمان الخألدي .. كآلديرون لعب على المضمون ، مو بس كذا كان راح يفوز لولآ سذآجة وإلآخطاء البدآئيه لـ سلمآن آلخآلدي وآلمرشدي .. إي وآحد فينآ يحط نفسه في موقف كآلديرون ، بـ اللعب امام سابهان ، وفي ايران وبين آرضه وبين جمهوره وبـ الترسبات الحاصله والأوضاع السياسيه ، مآ رآح يكون الاعب في تركيز 100% لآزم يقل بـ سبب الظغط ! فـ آعتقد آن كآلديرون يستحق العلآمه 8 من 10 من نأحية آلتكتيك وآلخطه .. كل التوفيق لـ الهلال في قابل الآستحقآقآت .. |
لاوالله ماوفق ابدآآآآآآ دهوانا وخلانا ننتظر المباراة الجاية وكان بامكانه احسن من الي كآن.. وزيادة على كذا مانبي الاتي..نبي الفريق الثاني بمجموعتهم الي هو بيروني باعتقادي افضل.. لكن فلسفة الاصلع غير..حضرته يبي لاعبيننا كلهم على اقرب اسعاف بعد مباراة الاتي.. وليتنا نفوز..مستغني عنهم يابعد عيني.. اذا هو مضحي فيهم حنا ماراح نضحي..والاتحاد بكل امانة مستحيل ينهزم على ارضه.. ماادري كيف يفهم هالمدرب..احسه غبي مرررررررررررررررررررره |
اخوي بدائع يعطيك العافيه واعتقد انه مو عيب الخطأ لكن العيب الاستمرار فيه فكان بإمكان كالدي تغيير التكتييك في مطلع الشوط الثاني او اول نصف ساعة بعد .. فسبهان ليس الفريق المخيف .. لكن قدر الله وماشاء فعل ... ويالف شكر لمداخلتك .. وبإنتضار اخونا ناقد ومحلل .. وشكرا لمروركم .. |
ولو ولو ولو اكثر شي يقوله الجمهور طيب افرض سوى الي تقول وخسر الهلال وكان اداءه سي انت شخصيا سيخرج مخك افكار اخرى وتقول كالدي سي واخطا لانه لم يلعب بالتكتيك الاخر,اخي الكريم الفريق الي لعبنا معه امس اقوى فرق قابلناه حتى اقوى من ذوب اهن لذلك دع الخبز لخبازه,وبعدين كالدي كثر ما يغير الهلال يستفيد وايضا ما احد يقدر يعرف الهلال بيلعب كيف ومع ذلك الهلال يتميز بكل خطة,انا لي وجهة نظر او راي اتمنى مهاجم بقيمة رادوي وويلي وبقدرتهم الفنية اعتقد بنكسر الدنيا,,,,,,,,,,,,, |
إقتباس:
نقول الله يوفق الزعيم في المبارة القادمة ونتأهل .. وكالدي ذكي بالعكس ومباريات كثيرة تشهد بذلك واعتقد فقط لم يوفق في قراءة الفريق الايراني .. لكن نقول الحمدلله ولاعبينا متعودين على الابواب الصعبه وقدها وقدود ... ومشكور لمرورك ياغالي ... |
إقتباس:
ماننتقد يعني اذا شفنا الخلل اخوي الله يوفقن .. هذه وجهة نظري المتواضعة واعتقد غيري الكثير واعتقد ان كالدي لو وضع التشكيل اللي متعودين عليه ماكانا بنقول شيء ولو انهزمنا .. وانا معك في احضار مهاجم في مستوى ولي ورادوي وراح نكوش على كل شيء ... واشكرك على مرورك وتعليقك ياغالي .. |
إقتباس:
ياخي كلامك عين العقل الي يحلل بعد المباراة ويسوي لي فيها انه هو الصح وزعلان .. اول شي الي يده بالماي مو مثل الي يده بالنار .. وثاني شي الي بيحلل وبيقول افكاارة اذا كان عبقري وعنده فكر كروي يقولها قبل المباراة ونشوف شعندة .. المدرب ما معه عصى سحريه الي يخطط له يتنفذ بحذافيييرة بعض الاعبين يخيبون الاأمل فيهم وتتغير التكتيك اهم شي الهلال طلع بنقطة وانا عن نفسي راضي عن الاداء والمدرب والاعبين وبالذات عن سلمان الخالدي .. اكثرهم ينقدونه اول مره يلعب هالمكان ولا انسسجم مع الفريق للحين وقدم مباراة جيدة وبالتوفيق !! |
اقسم بالله مدرب يرفع الضغط لاعب ب 3 قلوب دفاع <<والله لو انك تلب قدام برشلونة 2-العابد وينه من بداية الشوط الثاني 3-محمد القرني او سلطان البرقان او عبداللطيف الغنام وينهم من بعد الهدف ولا لازم يجي فيك هدف وبعدين تسكر تخاف من الهزيمة الله يصبرنا عليك |
إقتباس:
اشكرك استاذي على تحليلك الجميل بس ياستاذي كان بالمكان افضل مما كان ويمكن راح نعطيه 10 من 10 بس لو لعب باللي متعود عليه اللاعبين وهو فعلا احرج سلمان الخالدي كثيرا ويمكن لاحظتوا اسامه هوساوي كيف تشتت وضاع والله ستر .. هذه الخطة لاتفيد الزعيم اطلاقاً ولو لعب 4-5-1 لكن افضل .. وكالدي من اروع المدربين لكن يعاب عليه احيانا المغامرة واللعب بتشكيل جديد وهذا يصلح في مراحل الاعداد جرب وجرب وجرب .. لكن هذا معترك ينكون أو نكون ... ودي لك سيدي واحترم وجهة نظرك كثيراً .. |
اتوقع انه وفق كثيرااا لاكن تأخر نزوول العااابد ونقطة خارج الداار حليـوة |
يعطيييييييييييييييك العاااااااااااااااافيه انا من رايي التشكيله لابأس فيها كالديرون كان حريص جدا بس انا استغرب إن كالديرون مادخل نواف العابد !!! يمكن المدرب كانت له وجهة نظر خاصه فيه وانا احترمها طبعا بس استغربت انه لعب بخمس مدافعين بس يمكن كان يبي إن مايدخل عليه هدف في أول المبااره باختصار كنا نستحق الفوز بس الله ماكتب |
إقتباس:
|
إقتباس:
اخوي عاشق الله يعطيك العافيه والهلال من انتصار الى انتصار مع كالدي من فترة ليست بالقريبه ولايعني اخفاقه واخفاق بعض نجومنا في بعض المباريات انهم سيئين بالعكس ربما هذا صحي لمعرفة الاخطاء وتلافيها في المقبل من المباريات ... وهيء بالك وانا اخوك والمقبل افضل ان شاء الله ... واتفق معك في النقطتين الثانيه والثالثة سيدي ... |
إقتباس:
وجهة نظر جميلة واحترمها ... وكما قلت نقطة حلوة خارج الديار .. ويعطيك العافيه على المرور اخوي ... |
إقتباس:
شكر لك اختي على مرورك ونحترم بكل تاكيد وجهة نظرنا ونتمنى من الله الا يكرررها .. وكان بالامكان افضل من ماكان والحمدلله على كل حال وان شاء الله نفوز على الغرافة بجدارة .. ودي لك سيدتي ... |
اولا : النتيجه مرضيه بحكم الظروف اللي صارت فالحمدلله ع كل حال ثانيآ : بالنسبه للتشكيله هي غريبه علينا وأول مره يبطقها مدرب بس الشوط الاول الهلال مستواه بااهت بس الشوط الثاني تغير صار هو اللي يضغط وكان قريب للفوز بس قدّر الله وما شاء فعل والحمدلله ع كل حال اتمنى من الداهيه كالدي انه مايطبق التشكيله مره ثانيه لإنها غير مناسبه لا للجمهور ولا للاعبين يعطيك العافيه ع الموضوع |
يعطيك العافيه اختي اسيرة الهلال على المرور والمشاركة واتمنى ان كالدي يسمع كلامي وكلامك ... ولابد ان يعرف ان الفرق البطلة لاتدافع وخير وسيله للدفاع عندها هي الهجوم ... |
مساك الله بالخير اخي كاتب الموضوع انا برأيي المتواضع ان كالدي لعب بخطه مجنونه لاول مره صراحه اراها تطبق من بداية متابعتي للفريق كالدي لعب بخطة 3_6_1 بحالة الهجوم لانكم لو ترجعون للمباراه بتلاحضون المسانده الدائمه من الزوري ولي يونج عن طريق الاجنحه والدليل هدف الزوري اللي جاء من مسانده موفقه للزوري للهجمه وبحالة الدفاع تتغير الخطه 4_5_1 بتراجع احد ضهيري الجنب للدفاع من نفس جهة هجوم اصفهان الايراني من اسباب اخقاق الخطه الجهنميه لكالدي : 1- دخول سلمان الخالدي كلاعب ليبرو (قشاش) لعدم انسجامه مع المرشدي وهوساوي وهذا ادا الى ارتباك للخط الخلفي وهو من اسباب دخول هدف اصفهان الوحيد (( برأيي المتواضع لو لعب برادوي كلاعب قشاش وانزل البرقان من بداية المباراه كان شفنا كلام ثاني)) 2- خطه لاول مره تطبق ولم يتعود عليها اللاعبين وخصوصا انها مباراة تعتبر مفصليه 3- ياسر لم يكن في يومه امام المرمى 4- اذا كنت بتلعب عن طريق الاطراف والدليل اعتماده الكبير على العرضيات الا من بعض المحاولات الفرديه للفريدي المفروض يكون العابد اساسي بدل من زيزو لكونه اسرع لاعبي الزعيم بعد ويلي ويكون زيزو بديل بمنتصف الشوط الثاني والحمد لله على كل حال المهم اننا للحين ماخسرنا التنافس على الصداره والحمد لله على رجعتهم لنا سالمين هذه مجرد رؤيه فنيه متواضعه من شخصي المتواضع شاكر لك اخوي صاحب الموضوع تحياتي لكم alrssam 472 |
إلا مدرب يرفع الضغط ويجيب السكر عنيد وراعي فلسفة وإختراعات المباراة الأوله سلمهم الملعب بالرياض كابر وعاند كل العالم بعدم اللعب بمحور ثاني وأمس من العناد اللي فيه مايبي بلعب بمحور ثاني راح يلعب بلبرو والغريب لبرو قصير القامة سجلنا هدف بالحظ والدليل اللي مسجله الزوري بعد البربسة شف كيف المدافعين يشتتون الكورة واللي يستلمها الفريق الخصم جبلي هجمة وحدة لنا كانت مرسومة أو مرتبة أو حتى جبلي كورة وحدة مشينا فيها من الوسط للهجوم بطريقة سليمة إدع بسلامة اللاعبين اللي موجودين وإجتهدوا للحفاظ على النتيجة ولا لو على المدرب أحسب الأهداف اللي أنقذها العتيبي وتدري وش العلة . ما أقول إلا الله يفكنا منه بسرعه قبل تجي الطامة . خاص: سلامي لراعي البدائع شوقتنا للديرة |
لالالالالالالالالالالالالالالالالالالالالالالالالالا لم يوفق نهاااائين.. يعطيييييييييييييييك العاااااااااااااااافيه |
كالديروووووووووووووووون اخطأ وبقوه بعد |
اشكرك واطروحات في غاية الروعه وماشاء الله عليكم والله لايخيب رجاءكم من زعيمنا ... ولكن لانقسوا مانريده هو التفكير الايجابي بصوت مسموع لعل وعسى ان تجد إطروحاتنا مايفيد زعيمنا وم لايدري ربما تصل السيد كالدي مايطرح ونستفيد جميعاً بتفوق الزعيم دائماً في كل محفل ... ودي لارواحكم الطاهرة أحبتي .... |
تسلم يالغالي تسلم أخوي . بالنسبه لسؤالك المدرب قتل الفريق وقلل من قوته أولاً:كان الواجب عليه العب بمهاجمين ياسروأحمد في الهجوم الوسط كويس أما الدفاع أكبرخطأ وقع فيه هوأدخاله الخالدي مع المرشدوهوساوي كان فيه أخطاءكبيره لكن سترربنا والله الحمد بالتوفيق لزعيم في الجوله الأخيره تقبل مروري |
والله من وجهت نظري انه لم يوافق في التشكيله وخاصه بدخول الخالدي كان يقدر يلعب البرقان بجانب رادوي او القرني على انه رايح معهم بس مو موجود في الاحتياط ورغم الاخطاء الي في الشوط الاول من الخالدي واكثر من كوره خطره يوجه بها مهجمي سبهان العتيبي تكون من عند الخالدي وعبد العزيز الدوسري لم يقدم شي المفروض يطلعه اول ربع ساعه من الشوط الثاني او انه يقدر يلعب بالفريدي مع رادوي ويطلع الخالدي وينزل العابد والفريدي كم مره لعب مع رادوي في المحور والف شكرررررررررررررررررررررررررررررررررر لك اخوي |
االتشكيله كانت غريبه الاولى ان يلعب ب4_5_1 بمحورين موبثلاث مدفعين وتصير 3_6_1 انشاء الله يتعدل الوضع في الرياض |
نقول يارب يتغير الوضع ويتحسن ونرى زعيمنا كما عهدناه ... والله يوفق كالدي في اختيار التكتيك المناسب والتشكيل ونحقق الفوز والتاهل والصدارة نقول يارب ... ويعطيكم العافيه .. |
| الوقت المعتمد في المنتدى بتوقيت جرينتش +3.
الوقت الان » 05:06 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd