|
لماذا كالديرون لعب بخمسة مدافعين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ من وجهة نظري أن المدرب لعب بخمسة مدافعين لكي يتفادى الكرات العرضية التي يتميز بها الفريق الإيراني وأيضاً بدلاً من أن يغلق وسط الملعب بإرتكاز مدافع كخالد عزيز ويكون هناك صعوبة في صنع الهجمات المرتدة أقفل منطقة الجزاء بإحكام وهذا بالفعل ماجعل الفريق الإيراني يتقدم بجميع لاعبينه إلى ملعب الهلال ونجحة بالفعل صناعة الهجمات المرتدة لكن لم يوفق الهلال في تسجيل الأهداف الكافية للفوز بالمباراة. أفضل لاعب في المباراة من وجهة نظري هو الاعب أحمد الفريدي. أسوء لاعب من لاعبين الهلال هو الاعب الخالدي لأنه لم يأدي أدواره بشكل ممتاز وكذالك عنده بطء في قطع الكرات والسرعة كذالك. |
خطة رائعه من كالديرون ولكن الخالدي لاعب ضعيف سهل المرور منه عشان كذا لم تكتمل الخطة بفوز الهلال |
خطة رائعة من الداهيه كالدي |
شكرا لك يا اخي العزيز للاسف الخوف الشديد سبب لنا ضياع فرصة كبيرة حزنت كثيرا على النتيجة للاسباب كثيره اهمها ان الفوز يضمن لنا التاهل و يخف الضغط على الاعبين و المنافس مضغوط رد الاعتبار للفريق الوحيد الذي هزمنا لحد الان اتمنى من الله التوفيق و ان لا تكون نتيجتنا امس سبب خروجنا سبهان هو الوحيد الذي تاهل و باقي الهلال او الغرافه و هنا الصعوبة نرجع لمباراة الامس اخطاء بالجملة من المدرب تغييرات و قرائه خاطئه و من الاعبين تمركز غير صحيح و تمريرات خاطئه و الاحتفاظ بالكره اكثر من الازم و اتمنى من المدرب و الاعبين الاستفاده من الاخطاء الكبيرة |
كثير الحديث عن هذا الموضوع والسبب مثل ماذكرت بموضوعكـ .... |
صراحة دفاع الهلال بدون اسامة ولا شي لاحظنا هجمة الهدف هجمة مرتدة كان اسامة هوساوي طالع الى نص الملعب الخالدي خارج التغطية رادوي مايصلح محور دفاعي ياسر كفاية مجاملات يجب حبسه على الدكة الدوسري ؟؟؟؟؟؟؟؟؟؟؟؟؟؟ الفريدي لاعب يتطور مستواه بقوة الزوري اكثر من رائع واخيرا صراحة كالديرون افضل مدرب مر على الهلال في اخر 3 سنوات كوزمين الهدف يجي بعد طلوع الروح جيرتس الشوط الاول نسجل اهداف بكثرة الشوط الثاني؟؟؟؟؟؟؟؟؟؟؟ كالديرون متوازن دفاعيا وهجوميا بالتوفيق للزعيم في مباراة الغرافة تكفون يالمحيط الازرق نبي الملعب 70 الف متفرج |
التشكيلة جيدة بس بدل الخالدي يكون رادوي ومحور الأرتكاز خالد عزيز ... |
اعتقد بانها خطة محكمة وجيدة |
خوووفي نندم يوم الاربعاء > فالغرافه قوي |
آهـ بس وش اقول مانب قادرة اعبر عن الي جواااتي.. والله انك كتبت وماقلت غير الحقيقة الي يرفض تقبلها المطبلين.. هنا عندك ناااس تبي تطبل..الظاهر لو منهزمين واقوله بالفعل نستح الهزيمة امام ايران كان لقيتهم يطبلووون .. حسبي الله ونعم الوكيل على من ضيع الهلال امس امام سابهاااان.. هلالنا ضايع مشتت دفاعنا شوارع لاعبيننا يركضون مايدرون وش ادوارهم.. اسامه تعب من كثر مايغطي هفوات الدفاع وحسسن لولا الله ثم هو كان 5شويه علينا.. والله ان كالدي بوادي والكورة بوادي ىخر عقب امس.. قسسم اني يوم شفت التشكيلة واللعب قلت بس لايكون الفريق هذا بطل كأس العالم؟ آهـ ويحق لي اقول آهـ اولمره اشوف زعيمنا متخبط بهذا الشكل..لاهو هجوم ولاهو دفااع حتى الوسط محتاس وضايع.. خمس خمس مدافعين ياااظالم وقدام فريق عادي..الهلال احسن منه بكثيـــــــــــــــــــــــــر.. ليش نلعب بهالطريقة؟لماذا احتقار الهلال بهذا الشكل؟؟؟؟؟؟؟؟؟؟؟ والله اني حاطة ايدي على قلبي من هالطريقة الي ماادري وش تبي ولولا الزوري وهدفه الصدفة كان اعلوووم.. كالدي انت دمرت الهلال بهالطريقة وخليت ايدينا على قلوبنا..يكفي تخبط يكفي عشوائية يكفي والله يكفي.. طريقتنا المعتادة حلووة ..والهلال ماحد يوقف بوجهه ليش الجبن والخوووووف.. مايستبعد يلعب مع الغارافة بنية التعآدل.. ثم عاد قابلو الاتحــــــــــــــاد واقعدو فيهااااا..واستحالة تفوزون عليهم وهم بارضهم ..وخصوصا مع كالدي ككككككككككككك..والله ان يلعب بخمس مدافعين واكثر ..عاد تضيع اعلومه قدامهم <CENTER> </CENTER> |
ما عجبتني الخطة لانها تفتقد الى الثقة في لاعبيك يعني انا اشوف هوساوي والمرشدي ثقة في العاب الهوا والالتحامات المباشرة مان تو مان الافضل لو لعب بمحورين هم رادوي والقرني القرني لاعب كبير وذكي ومتوازن دفاعيا وهجوميا عموما المبارة راحت بخيرها وشرها وجل من لايخطي ولكل مدرب حساباته وهو الادري باوضاع الفريق خصوصا مع عدم كامل جاهزية المرشدي ورادوي الخالدي اجتهد بس كان فاقد الثقة بنفسه ويبدوا ان امكانياته متواضعة اسامة ملك الدفاع واسطورة الله يحميه تمركز فدائية والتحمات ما شا الله عليه الله يحفظه من جد افضل لاعب في الموسم |
لو كان الخالدي بقمة تركيزه وياسر والدوسري بمستواهم لاخذنا الثلاث نقاط يعني الخطه معقوله حصلت لنا هجمات لكن؟! |
ليش ما يكون في الهجون المحياني بدل أحمد علي ليش سامي بداء يصر على حساب الفريق و يراهن على أحمد علي عشان أنه هو اللي جابه أحمد علي أفهموا يا عالم ماينفع في الهلال |
خطة كويسة لكن جديدة على المدافعين ..يوم كان الدفاع ماجد واسامة كانوا كلهم حافظين اماكنهم وعارفيهم شغلهم لكن كالديرون ادخل الخالدي وبكذا تلخبطوا الدفاع ..وانتم شفتوا الهدف جاي من العمق وبخطا من الخالدي وماجد .. وكالديرون لا عمرك تمخمخ بمباريات مهمة ..اذا تبي تلعب بخطة جديدة العب قدام فرق ضعيفة ومباريات مب مهمة علشان كل لاعب يعرف مهمته ولا يتكل على خويه |
خمسة مدافعيين ... عشان ما عنده محور ثاني ... هفوات الخالدي هي اللي سببت الارتباك ... والا لو تلاحظ كل ما بداء الفريق يمسك لعب .. ابراهيم توريه يسحب الخالدي سحبة اليمة ... |
| الوقت المعتمد في المنتدى بتوقيت جرينتش +3.
الوقت الان » 04:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd