|
حياك الله اخوي تركي بالرغم من اني متابع ومعجب بقلمك,, الا اني لا اتفق معك في اغلب ماقلته إقتباس:
سابهان ياعزيزي بطل وحقق دوري ايران وفريق كبير ولا يوجد من يختلف معك بهذه النقطة لكن موضوع فرض الاسلوب بالرياض يعود للمدرب الهلالي ((وان كنت اتحفظ على تسمية مدرب)) تناقض غريب وعجيب بين تشكيلة الرياض واصفهان بالرياض كان هناك الظهير الشاب والمبدع شافي الدوسري والحارس الاولمبي السديري,, اجبرتك ظروف الاصابات لاشراكهم بالخارطه الاساسية للفريق وهم يفتقدون للخبرة وكان من الاجدى تدعيم خط الوسط بمحور ثاني وعدم المغامرة على حساب خط الوسط الساتر عن الدفاع... النتيجة هدفين من اسهل اهداف البطولة ومن اخطاء تندرج تحت مسمى قلة الخبرة وايضا لعدم وجود محور آخر يساند الدور الدفاعي, وضغط ايراني فرضه علينا من يجلس على دكة الاحتياط بمسمى مدير فني ومدرب وليس الفريق الايراني الذي تفاجأ ووجد كل الطرق مفتوحه امامه ليصل لمنطقة الجزاء الهلاليه... باصفهان كل الصفوف (تقريباً) مكتملة والهلال بطريقته يجبر كل الفرق على احترامه واللعب على اقتناص الفرص من امامه.. فجأة نجد الصديق كالديرون يزرع سلمان الخالدي بين هوساوي والمرشدي ((وكلنا انكوينا من هذه الطريقه سواء على صعيد الهلال او المنتخب وبطولة آسيا والخليجية ليست ببعيدة)) الفريق ياعزيزي تركي كان يحتاج فقط لترتيب العناصر واللعب بمحورين وامتلاك الكرة وليس لاختراع من اختراعات كالديرون الغبية بعد نهاية الشوط الاول وضحت حاجة الفريق للتخلي عن المدافع الخامس اللي لانفع وجوده,, بالعكس كانت الهجمات تأتي تباعاً والمهاجمين لا رقابة عليهم ولا ضغط على حامل الكرة.. فأي تكتيك تتكلم عنه يا سامي انت وصديقك.. سجل الزوري هدف لا يحلم فيه اكثر المتابعين تفاؤلا نتيجة لمعطيات الشوط الاول.. تمضي الدقائق وكأن الهلال لم يسجل لأن الصديق كالديرون لم يتدخل ويصلح من حال الوسط الهلالي الذي حمله رادوي لوحده مع عدم وجود مسانده من السيئين الشلهوب والدوسري وبطل النرفزة والبرود وقتل الهجمات الفريدي ولم يتدخل المدرب الا بعد مضي نصف الشوط الثاني !! فأي تكتيك تتكلم عنه يا سامي!! هذه النقطه اللي حبيت اعلق عليها واتمنى اكون وضحت وجهة نظري التي هي الاخرى قابلة للصواب أو الخطأ هاردلك النقطة للي اوجعهم التعادل بفعل فاعل مبروك التعادل للي يقتنعون بالنقطه تحت مسمى لعبنا خارج ارضنا تحيتي للجميع |
افضل موضوع قرأته ليس بعد المباراة بل في الفتره الاخيره بشكل عام ارجع اردد نفس الكلام ياليت مايكتب الا من يملك الفكر امثالك حتى نستفيد من اطروحات المنتدى بشكل حقيقي بدل المواضيع التي لاتسمن ولاتغني من جوع يكفي تحمل الردود الغريبه ولكن المواضيع اتمنى ان تحدد لاصحاب الاقلام المميزه فقط |
اختلف معك كليا اخوي الغالي .. كالديرون امس جاب العيد والفريق الايراني امكانياته اقل من امكانيات الهلال .. ودفاع الهلال ام المصايب .. الخالدي والمرشدي بصراحة لا تعليق وانس تجيب اسيا وهذا دفاعك .. وبعدين عندك لاعب شاب نجم القرني ولا فيه الا رادوي محور نزله جنب رادوي وامسك الوسط بدال لعب امس الغريب .. وعلى فكرة ترى الفريق الايراني امس رايح فيها والا شفت المهزلة صح .. انا مستغرب من سامي شلون وافق كالديرون على هالخطه اللي مااتمنى اشوفها مره ثانيه .. شفنا كالديرون لعب شلهوب وفريدي محاور لعب جنبهم رادوي وخلهم ثلاثة وامسك الدفاع والوسط والمباراة .. |
إنت بطل بطل بطل والله أمـس رفعوا ضغطي بعض الجماهير الأعضاء في مواضيعهم وإنتقادهم لكالدريون وأنا ماغير أناقز بين المواضيع وأفول الفريق لعب بواقعيه وهذا الفريق الإيراني هو الوحيد اللي قدر يفوز علينا هذا الموسم كيف تبون كالدريون يلعب لكن من يفهم بعض الجماهير اللي ماتبي تفهم .؟ بيض الله وجهكـ .... |
كلام وآآقعي وجميـــــــــل جداً كل الشكر لك أخي ع الطرح المتميز |
قلم رائع وأشكرك على كلامك بواقعية |
ياخي موضوع قمة روعة فعلاً كلامك منطقي جداً بعض الجماهير همة سبهان والجزيرة ونسو الغرافة الي كان بيسبب جلطات لبعض المشجعين في قطر وترى جايين وهذيك الخسارة في قلوبهم الى الان الله يستر ما يندرى وش راح يسوون في الرياض عموما لا بد من التفاؤل |
الف شكر اخي الهاديو على ما كتبت اللي يشوف مهاجمة الاعضاء في المنتدى لكالديرون والاعبين يعتقد ان الهلال خسران وفقد فرصته في التاهل , اعتقدت لوهلة اني شايفه مباراة ثانيه للهلال |
الله يعطيك ألف عافية أخوي عـ الموضوع والحمد لله على التعادل الي كان يبية كآلدي وكالديرون ابدع في مباريات كثيرة فلا يستحق ان تقوم علية القيامة بسبب مباراة وان شاء الله حسم التأهل والصدارة يكون امام الغرافة |
))(( السلام عليكم ))(( اخي الكريم .. يعطيك الف عافيه على ما قدمته من كتابات رائعه .. وهذي هي واحده منها .. لا استطيع ان اختلف معاك وقد اجدت ما كنت اريد قوله .. ولي تعقيب بسيط .. وسوف ابدا من الاخير .. إقتباس:
هؤلاء يعتبرون مشكله في سماء الرياضه .. لانهم يؤثرون على شريحه كبيره .. ليس فقط المعلقين .. بس اضيف اليهم المحللين .. ! اذا فاز قالوا ابدع هذا المدرب في القراءه .. واذا انهزم قالوا فشل في قراءه المباراه ؟؟ وقد يكون السبب الحقيق في ذلك .. ضياع فرصه او ركله جزاء من قبل لاعب !! او خطأ مدافع ! والمفروض ان يتم التحليل من خلال المستوى والتكتيك دون التاثر بـ النتيجه .. اضافة بسيطه .. وقد قلتها ولم انتبه لها .. ان تكثيف من السيقان الدفاعيه لا تسمح لـ الايرانيين بـ استخدام اهم الاسلحه لنا عقده .. وهي التسديدات المباشره والقويه .. 3 مدافعين في صندوق .. مع تواجد الاظهره .. تشكل لهم ازمه نفسيه .. مدافعين اثنين بينهم عدة امتار والمرمى المكشوف .. هذا هو مبتغاهم .. اضافه الى امكانيتهم اللياقيه التي تسمح لهم بالهجوم والدفاع بـ اكبر عدد .. مرعبه .. ! اما الخطأ الوحيد والذي تصحح في الشوط الثاني كشف التسلل .. يكفي التقدم بضع خطوات لـ تطبيق مصيدة التسلل .. اعتمادهم على العرضيات الخلفيه .. في الشوط الاول كانت مرعبه خصوصا مع محترفهم الطويل توريه .. ولكن تم تصحيح .. واقفلناها في الشوط الثاني .. وجهة نظري قراءه ممتازه لكالديرون .. وقلتها قبل قليل في احد الردود .. ان المدرب الناجح هو الذي تتغير تكتيكه من خلال مفاتيح قوه وضعف الخصوم .. وليس المدرب المكشوف من خلال خطه ثابته .. وارى انه يجتهد ويسخر وقته في التفكير .. بدلا من ان يثبت الخطه المعتاده والمقروءه من الخصوم لـ سنوات!! اضم صوتي لـ صوتك .. واستمر في عطائك .. وبـ التوفيق ... |
يعطيك العافيه وبصرآحه من وجه نظري لحد آلآن مو مقتنع بكآلديرون وبالتوفيق للزعيم |
هذا الكلام اللي اقوله .. لازم يكون عندنا ثقه كبيره بالمدرب وسامي الجابر اللي اصر عليه :yes: اما سالفة احنا نادي القرن واحنا زعيم اسيا واحنا ابطالها .. للاسف ما ذبح كثير من الجمهور الا هالكلمه تجيه تقوله عمل المدرب كذا لكذا .. يقولك ياخي بس احنا نادي الهلال :s5s: عموما اعتقد ان ما فعله كالدي عين الصواب :yes: عوافي تركي العتيبي :rose: |
لاهنت يالغالي كلامك عين العقل بس للامانه نفسيات اللاعبين لازم تتعالج ياجماعه العيب مو فينا اذا قلنا الهلال بطل وزعيم و و و و .. العيب في اللاعبين قبلنا .. اللي يقولون اسيا عقده انت اللي سويتها عقده يالاعب مو الجمهور معروف الجمهور بيفرح بالفوز لو العتيبي قلب هجوم ... لكن اللاعب اذا حط في باله انه هالشي صعب عليه .. مستحيل يجيبه للأسف ... هذا االاعتراف بلسان افضل لاعبي الهلال مستوى ... اسامه هوساوي في مؤتمر الصحفي قبل مباراة الجزيره بدأ بسم الله ... الكل عارف انه اسيا اصبحت عقده على الهلال في العشر سنوات الماضيه !! وين تبون اسيا وهذا كلام وتفكير افضل لاعب في الهلال !! الله يوفق هلالنا يارب |
والله كلام سليم اللي بيعترف بقوة الخصم يقدر يتفوق عليه اما اللي بيشووف نفسه عليه الله يعينه , وكالديرون هو المناسب في احترام الخصووم , مو مثل جيريتس وهياطه , بسبته خسرنا من النصر في الدوري واللي ما صصارت من 7 سنوات في وقتها لكن كالديرون يلعب بالمنطق , وان شااء الله نحقق اسيا معه |
تركي العتيبي الله يعطيك العافيه على الطرح الراقي والمميز |
| الوقت المعتمد في المنتدى بتوقيت جرينتش +3.
الوقت الان » 04:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd