|
هاري ريدناب:" فيلم سينيمائي من طرف ممثلين بارعين أتوقع سوف ينافسون أشهر الممثلين http://estaticos01.marca.com/imagene...04095599_0.jpg هاجم مدرب توتنهام هاري ريدناب في مقالته الأسبوعية مع صحيفة الصن ما شاهده من أمور ضد كرة القدم أثناء ذهاب نصف نهائي دوري الأبطال.وكتب ريدناب :الإنجليزي منحوا العالم كرة القدم .. لكن الأخرين لا يلعبونها كما هي وأعتقد جازماً أنه من المستحيل رؤية ما جرى في ملاعب انجلترا . وأضاف كنت أنتظر نصف النهائي بين ريال مدريد وبرشلونة بشوق ؛ لكن فجأة ضاعت الكرة الجميلة وترك اللاعبون في أفواهنا طعماً مراً ، تمثيل وأخطاء ومحاولة الضغط على الحكم وغش ومن الواضح أن اللاعبين خسروا كل شيء . ليست مسرحية وإنما فيلم سينيمائي من طرف ممثلين بارعين أتوقع سوف ينافسون أشهر الممثلين لو يدخلون عالم السينيما وأكد ريدناب أن كثيرين من أصدقائه أغلقوا التلفاز أو شاهدوا قنوات أخرى بدلاً من المباراة.يذكر أن كثيرين انتقدوا ما شاهدوه على أرض الملعب بين ريال مدريد وبرشلونة ، وهي المباراة التي انتهت بفوز الأخير 2-0 واضاف:" ما شهدت يوم الاربعاء بقي فيه طعم سيئ في فمي". Harry Redknapp insists you would never see a game like the Real Madrid-Barcelona disgrace in England | The Sun |Sport|Football |
كـلام سليـم خصوصاً لاعبين البرشا في اي احتكاك تحصل اللاعب حاط يده على وجهه كأن واحد معطيه كف .؟ عـوافي |
يا لبى ديربي ميلانو وكلآسيكوهات إيطاليا يا شيخ .. جمهور ولعب وأداء وأهداف خيآل .. والأهم هو ( الروح الرياضية السائدة ) ... كل أمنياتنا لكلآسيكو قآدم أكثر نزاهة وأجمل أداء من الكلآسيكو المآضي :) |
هههههههههههههه :d الوضع في العالم مزري جداً ، بـ إنتظار الكلاسيكو القادم .. عبدالعزيز :rose: .. |
نرجع لريدناب , اذا ما صار بأحد الكلاسيكوات بأي دوري بالعالم مشاكل وهواش فأعتقد ما يسمى كلاسيكو , معروف ان الديربيات فيها حزازيات ومشاكل ولا ليه يسمونها ديربي ؟ عشان كذا يا ريدناب اسكت ولا بعلم عليك اديبايور خخخخ |
إقتباس:
لكن بشرط أن تكون دآخل إطار الروح الرياضية والتنافس الشريف لكن اللي شفناه من كلاسيكو الإسبان هو أنواع الضرب والرفس والتمثيل والتحايل على التحكيم كنت أتمنى أشوف مهارات لاعبين من مراوغات جميلة وتسحيب جميل كنت أتمنى أشوف تنفيذ لفاولات توقف القلب وتصديات من الحراس تبهر الناظرين كنت أتمنى أشوف تكتيك هجومي ضآرب مع رزانة دفاعية وحراسة صلبة لولا هدف ميسي الثاني والمهارة اللي فيه لقلت أن الكلاسيكو خالي من المتعة بنسبة 0% باختصار أتوقع أغلب اللي شافوا مباراة مانشستر ضد شالكة وشاف الريال ضد البرسا في ذهاب دور ما قبل النهائي .. انهم اختاروا مباراة مانشستر على أنها الأجمل لا تخلطون بين الحماس والإثارة .. وبين الهواش والملعنة .. حتى مدرب إسبانيا خاف على المنتخب الوطني من اللي شافه من اللاعبين ! |
والله مشكلة حتى النمل صار لهم حس الله يرحم مزنه اقول يا ريدناب تتكلم عن كلاسيكو مشاهدينه ملايين الملايين ونص نهائي اوروبا وبين فريقين بينهم مذابح اصلا وقضايا وتقول غيرت القناه هههههههههههه خش بعيني صحيح ان المباراه كان فيها شحن وضغط لاكن ما خرب المباراه بالعكس كان فيه فرص واستحواذ وشفنا تكتيك وشفنا تحرك بدون كوره اكثر من رائع وتتوجت بقولين من اروع مايمكن ياليت مانركز على الاشياء السلبيه ونضخم الامور كلمه بالاذن ,, لصاحب الموضوع : وش تبي توصل له بموضوعك ههههههههههه احمد ربك ان ريدناب ماشاف نهائي الكاس كان كسر التلفزيون ما غير القناه بس |
^ ^ معاه حق ريدناب ما قال شيء غلط أنا ما شفت غير الشوط الثاني وانصدت نفسي في فرق بين حماس ديربي وكلاسيكو وبين اللي صار بمباراة الأربعاء اللي صار الأربعاء مصخرة ما كان في مباراة كان في انبطاح كل دقيقة واحد طايح للتوضيح علشان ما أحد ينبرش علي أنا لاني برشلوني ولا مدريدي بس تابعت المباراة علشان استمتع وياريتني ما شفتها !!! |
ودي اعرف شي واحد .. بعض اليوزرات هل هي قطية .. لاني اشوف تناقض عجيب في طرحها رغم ان القضية واحده .. بالنسبة لكلام ريدناب فـ هو صحيح 100 % وما حصل شوه الكلاسيكو رغم النهاية السعيدة بالنسبة لي ولكن الجماهير واعني جماهير كرة القدم الغير عاشقه للبرسا او الريال كانت تنتظر قمه كروية وما حصل مهزلة بطلها كان مورينهو وخشونة لاعبيه المتعمده واسلوب اللي تكسب به العب به مع انه صرح بان هدفه كان الخروج بالتعادل |
إقتباس:
المشكله انك تشجع فريق بالدوري الايطالي وكأنك ما تدري عن الهوشه الي صارت بين كوردبا وجاتوزو بالديربي الي راح , هذا غير المهاوشات دائما بين لاعبي انتر واليوفي . التبطح والتسدح الي تقولون عنه كان من لاعبين برشلونه اي احتكاك واي لمسه يطيح الاعب وكأنه جايه صرع وانواع التمثيل , هم الي شوهو هالمتش والى الاحتكاكات طبيعيه بكره القدم , لكن تمثيلهم الزايد هو الي خلى الكلاسيكو يطلع بالشكل هذا . اما نقطه ان الي شافو افضليه مباراه المان على الكلاسيكو هذا شي راجع لهم وهم نقطه ببحر الملايين الي تابعت الكلاسيكو وهم مستمتعين . |
ايه ايه مستمتعين انا عاشق لبرشلونه ومتابع للدوري الاسباني فقط بس المتعه وين والكلاسيكو وين:to: مباراة المان كانت مفتوحه وممتعه:yes: بالعربي تحس انك تشوف مباراه مو حلبة مصارعه العنوان الابرز للكلاسيكو (تكسير وتقفيل واحتجاج ع التحكيم) مورينهو هو من قتل متعة الكلاسيكو باعتماده على الخشونه وتقفيل المنطقه |
طيب ما سألت نفسك هالسؤال ؟ ليش المباراة اتجهت الى العنف والشحن الغير طبيعي وسالفة التحكيم ؟ بكل بساطة السبب > مورينهو اولا تصريحات مورينهو الاستفزازية قبل اي مباراة ثانيا يلعب بطريقة دفاعيه بحتة وهو في ارضة وبين جمهورة ثالثا من توصيات مورينهو للاعبيه ( اذا فاتتك الكورة لا يفوتك اللاعب ) وهذا الي سبب الشحن الغير طبيعي في المباراة تحياتي |
مآ شفت شي يآ ريدنآب تووك :s3s: الفريق المفضل لـ بلآتيني وفيآر .. خلآص آذآ قآلوآ قآلوآ ....:yes: |
حنا لعبنا مع الريال أربع مباريات لحد الأن وطبعا بحكم أنكم متابعينها كلها جيبولي غير تمثيلة بوسكيتس على مارسيلو ولمعلومية جمال الشريف أقر انها خطأ لبرشلونة وتستوجب أنذار لمارسيليو:d باقي الألعاب الي كانت شاملة الضرب والدعس ماتشوفون فيها شي ؟؟؟ والا لازم... لعيبتنا تنكسر رجولهم والا يجي الواحد فيهم الرباط علشان تقتنعو بأنها لعبة خشنة خلاص ميسي مفروض يسوي زي بسام في كابتن ماجد ومايتأثر بضربة راموس في مباراة الخماسية ولعيبة برشلونة لازم يتابعو أفلام جكي شان علشان يتفادو تدخلات الجزار بيبي وعلشان تكون عندهم ردات فعل كويسه لمن يجي واحد يدعس على رجلهم وبوسكيتس مفروض ياخذ كورس من محمد علي كلاي علشان يتفادى الضرب المتعمد على وجه من " بوب مارلي " الكره الاسبانية أديبايور تحياتي |
أول مره يقول هالدجاجة شيء..!! المشكله لما يجيك واحد و يقول مورينهو هو السبب في التمثيل و الخشونه..!! مدري اذا كانوا مايشوفون الا الكلاسيكو مشكله ثانيه..!!! روح شوف اي مباراة لفرشتلونه و شوف كيف يلعبون ,, كل المباريات بنفس الطريقه لمسه من اللاعب يروحون الفريق كله للحكم و يقعدون يصايحون ,, المشكله ان الحكم دايم هو اللاعب الخفي للفرشه..!! الله ياخذها من متعه اللي تعرفونها..!! |
َ بكل بساطه انهو مورينهو :d .. مادري انا موري قال لـ الصلبي الفيس مثل و صراخك خله يوصل لـ أقليمكم الوصخ ! ولا قال لبسكوتتهم اذا صار بينك و بين مارسيلو التحام طبيعي يدك ع وجهك ع طول و لما تقوم نرفزه بكلام عنصري و قل له يا " قرد " ولا قال لبيدرو اي أحتكاك مع اي مدافع الله لا يهينك اجلس و صيااااح و ما عليك باقي الفريق بيتكفل بعد بالصياح عند الحكم :d ! ولا قال لكيتا دور لك لاعب عليه اصفر و حارشه بين الشوطين و ابو خريطه براسه بيتكفل و يضربه عشان نشوفه أوت من الشوط الثاني :d مادري مورينهو للدرجه ذي فاقع قلوبكم يوم انكم اي شي تدورنه و تلزقونه فيه ؟ :d شوي شوي علينا يا اصحاب النظره الثاقبه .. شوفو الي عليكم قبل تشوفون الي ع غيركم ! |
إقتباس:
جبت لك من الكلاسيكو الاخير فقط .. وإن كانك تبيني اجيب لك تمثيلهم في مباراة الكاس جبته لك .. ! اجل ماشفت الا تمثيل بوسكيتس على مارسيلو .؟! زرف عيني عينك ..! :D |
هوشة عن هوشة تفرق يا ( هلآ مدريد ) إذا تبي تقصرها وتفهم قصدي زين على زين :) وإذا تبي تستلكع فهذا شيء رآجع لك :( |
وآيرليسات كثيرة في آلمبآرآة وخصوصآ من برشلونة...~ |
كلام ريدناب صحيح ،، لكن المشكلة ليست فـ الريآل ولا لاعبيه .. المشكلة كلها فـ هذا الفريق المسمى برشلونة ! آخر لقاءين ،، الكأس والتشامبيون ماسكيرانو مع أديبايور + بيدرو مع أربيلوا + ألفيش مع بيبي + بويول مع أديبايور + والنجم السينمائي بوسكيتس مع مارسيلو + فيا مع راموس وألبويل 6 لاعبين قاموا بالتمثيل أو إدعاء الإصابة ،، بمعنى نصف الفريق والنصف الثاني يكمل الجزء الآخر من المسلسل ولكن مع الحكم :s2: لااا وعشان يقالك منسجمين مع هـ الحركة ،، بيدور يدعس مارسيلو ع رجله اليمين بالغلط يقوم يمسك الشمال ويصايح :s2: المفترض يغير مسمى الفريق .. من نادي برشلونة لكرة القدم إلى نادي برشلونة للممثلين والنصابين :s2: |
. . وانآ اول من اغلق التلفآز يآهآري . . . |
إقتباس:
من جد ~ عبثو بالكوره و الي يقهر .. يدعون المتعه بصرآحه شي مخزي :cry::s5s: إقتباس:
الكلآسيكو فقد جمآليته .. للأسف أشبآه لآعبين للأسف .. ممثلين من الدرحه الأولى حكيم ضعيف شخصيه .. شي مضحك و مبكي بنفس الوقت :s5s: مثل مَ البرسآ لآعبينه ممثلين .. حتى الريآل لآعبينه كآنت تدخلآتهم عنيفه و لعب خشن .. معلومه : مآشجع لآ الريآل ولآ البرسآ يعني لآحد يجي و مسوي يحجر لي :s2: ب‘ التوفيق للمانيو و إن شآء الله يآخذ الكأس :ba1: و يعيد للكره هيبتهآ .. إلي عبثوآ فيهآ للأسف :cry: |
بلا تمثيل بلا سينما بانتظار مباراه الاياب في الكامب نو اتوقعها حماسيه اكثر من الذهاب |
إقتباس:
.................................. |
إقتباس:
هناك فرق كبير بين اللعب الرجولي واللعب الخشن ارجع الى الكلايسكو قبل موسمن و قبل أيام كانت فيه تكفؤ بين الريال والبرسا بتشوف اللعب الرجولي من بويول و يايا توريه فأي فريق في العالم يجب انه يكون فيه لاعب أولا عبين يعتمدون على اللعب الرجولي كريك فلتشر - المان يونايتد ايسيان -تشلسي غاتوزو - الميلن ماتيرازي صامويل - الأنتر وغيرهم من الأندية الكبيرة يعني ان اللعب الرجولي هو جزء من كرة القدم ولكن التمثيل هي بدعة اتقنها البرسا فنادر انك تشوف من الأندية الكبيرة في العام تمثيل الا في مباريات قليلة من الموسم يعني لاعب يبغى بلنتي ويطيح داخل المنطقة في مباراة من 10 أما مايفعله لاعبين البرسا هو فضيحة لكرة العالمية والمحزن ان البرسا فريق متكامل من الدفاع للوسط الى الهجوم فما هو بحاجة لمثل هذه اأساليب |
خشونة بعض لاعبين ريال مدريد الغير مستغربة والناجمة من الضغوطات المتراكمة من إعلام ومدرب للأسف بعض اللاعبين في صفوف الريال لا يستحق أن يكون لاعباً من الأساس لأنه يفتقد لأبسط مقومات اللاعب الناجح أديبايور + الجزار القذر بيبي + خشونة راموس أحياناً عندما يفقد أعصابه كـ لقاء الكامب نو الذي أنتهى بخماسية والكثير الكثير إقتباس:
وأهمية المباراة عوامل تساعد على فعل أي شيء خارج النص !! لكن ليس كما يفعل أبناء مورينهو من خشونة متعمدة وضرب يكون أفضل الثلاثاء القادم ما تشاهد المباراة طال عمرك :s2: |
الكلام غير يقول هالاشياء ما تشاهدونها في انجلترا يقصد المضاربة التي بين شوطي المباراه :) وريدناب ماهو كلام منزل علشان اي مدريدي ياخذه كحجه لكي يبرر الخساره هي مباراه انتهت على ما انتهت عليه ولو اخذنا كلام الناس فلا ننسى رونالدو حينما كان في مانشستر وتغلب مانشستر على تشلسي وتهجم مورينهو على التحكيم وقال رونالدو مورينهو كالاطفال حينما يخسر لايبرر فشله بل يضع الاعذار يعني فكونا من هالكلام فرحنا بكلام ريدناب اسطورة الريال قال الريال مثل الفئران يعني اسطورة وفي ريال مدريد وقال هالكلام يعني نصدق كلامه؟؟؟ والله لو انا من الاشراف اي موضوع عن برشلونة والريال على طول قفل ملينا صار منتدى كلاسيكو وليس منتدى رياضه عالميه |
| الوقت المعتمد في المنتدى بتوقيت جرينتش +3.
الوقت الان » 06:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd