|
مدير المدرسة ساحب على الكل ليضع الجميع حاله في ذات الموقف وليعلم الجميع أنني والحمد لله لست ممن يعطي للفلوس أي أهمية تزيد عن نطاقها ولكن من الطفش اللي فيني طرالي إني أكتب موضوع عن موضوع حصل بالفعل بأحد مدارس نجران ولن أذكر أين ؟ من باب ستر المسلمين مع إن الإسلام في جهه وهو في جهه . مدير أحد المدارس مع أول راتب للمعلمين الجدد وطبعاً سوى الحركة للعام الثاني على التوالي يتصل بجميع المعلمين وبأسلوب منمق ويجلب الشفقه يقولك أحد اقاربي بالمستشفى ومحتاجين مساعدة . طبعاً يقولك وأصلاً بدون يقول خل الموضوع بيننا وراح أسددك مع راتب الشهر الجاي طبعاً إنت رجال فيك خير والمبلغ اللي طلبه ماهو شيء ( ألف ريال ) بس في ثمانية معلمين يسوى 8000 جاب راتب شهر :s2: واللي مايفزع لخويه مافيه خير . بالنسبة لي ناسي الموضوع ومو معطي الألف أهمية ولافكرت اتصل بالرجال لأنه نقل قبل شهر ونص لأني قلت أكيد عنده ظروف . لكن لما شفت المعلمين متجمعين بالمدرسة وجابو طاري الفلوس ومديرنا الحالي قال سواها فينا العام الماضي لما جيت للمدرسة وتوي ناقل نقل داخلي طازة على المدرسة ضحكت وقلت أجل الرجال راعي سوابق :s2: المصيبة أن المعلمين يقولون مايرد على ارقامهم من يوم طلع من المدرسة يعني إنسوا فلوسكم وتعاطفت مع احدهم عندما قال : ودي لو يتصل ويتعذر ويحسسني أنه مهتم لكن تطنيش ولايرد على الجوال ولا على أرقام غريبة وهي ألف لاراحت ولاجات هذي هي اللي تغبن الواحد . إكتشفنا مؤخراً انه ساحب بواحد سوداني :s2: يعني نفوذ التسحيب بخلق الله وصل دولياً بصراحة أحد المعلمين قال شيء ورديناه عنه وقلنا عيب إذا هو مايستحي انت خلك رجال والله يعوضك فيها كان يبغا يروح ويهزأه قدام المعلمين حقينه بمدرسته الجديد قال والله مافكرت فيها لكن أسلوبه حق أطفال وبعدين لازم يعرفونه هناك لايسحب فيهم ضحكت قلت شهر ونص يمديه قلهم جدتي بالمستشفى :s2: طبعاً هو يعرف أن المعلمين بنجران نصهم من خارج المنطقة وسنة ويطلع منها مثل حالتي ...................>>>>>> عشان طلع بيطلع الفضائح :s2: فهذي طريقته :s2: سؤالي للجميع : لو واحد طلبك معرفة حديثة يعني شهر بالكثير بمبلغ عادي يعني ألف وحوله تعطيه ولا ماتعطيه والسؤال لو سحب فيك فترة تبادر بالإتصال ولا تنسى الموضوع ولو إتصلت ومارد وش موقفك ؟ والسؤال الثاني : مالحل لهؤلاء المعلمين المناسب حنا تسعة مدرسين جدد لم ينجوا منا إلا معلم واحد فقط :s2: |
algohmani الله يعطيك العافيه يا زعيم غريب ها الشخص هههههههههههه ماهو مضبوط ,., لان لو كان عاقل كان ما طلب من اصله مو يطلب وبيرها الله لا يبلانا الله يعوووض عليكم يا زعيم هههههههه ,., اقووول ؟؟ ما عندك سلف ؟؟ بالنسبه للسؤال الاول ما قد مر علي موقف مشابه ,., لاكن أكيد ما بعطيه وبتعذرله باي عذر واحتمال كبير اصارحه واقوله ما من معرفة يا كبتن السؤال الثاني اذا عطيته وما ردها ,., بكلمه مره وبالكثير مرتين ,., ويمكن بعدها أطنش تحياتي لك |
إقتباس:
|
يعطيك العاافيه مووضووع راائع جدا ,, بالنسسبه لسؤال الاول اعطيه لكن يكتب على نففسسه ورقه ان يرجع الفلووس بالمدة اللي اطلبها , واذا مارجع اقيم دعوه عليه ض1 , بالنسبه لسؤال الثانني اطلبه مره مرتين , ثمن اتركه , وبكيفه هو وربه ,! تحيااتي ,! |
صراحة هذا الأستاذ أو المدير غريب بتصرفه هذا ! أنا شخصياً حصلت لي نفس السالفة و الله ثم و الله ماهمتني الفلوس .. و هي أن واحد من الشباب طلب مني ( الكنكت ) و سعرها على مأظن 200 ريال أو تزيد أو تقل و أخبرني أنه بعد فترة سيعيدها و إلى يومك هذا ماحصلتها ! و فيه واحد قام يشرح لي عن ظروفه و أنه يبي يشتري سيارة و عطيته مبلغ مادي و بعدها بست شهور أحتجت للمبلغ بشكل عاجل و كلمته و إلى يومك هذا ماشفت شئ ! على العموم الله يحللهم و يسامحهم بس لو فيه اعتذار و الله يروح اللي بالخاطر الله يعطيك العافية أخوي و الله يعوضك |
إقتباس:
يعني واحد قلك 500 تروح تصكه بورقة s121s أشكرك للمشاركة والله لايحطك بهالموقف :s2: |
إقتباس:
ثانكيو فري ماتش منتهي الماتش 1-0 على مشاركتك بالموضوع :s2: |
إقتباس:
إقتباس:
|
هلا و غلا لو جديد و طلب فلوس ، 100 % بقول في خاطري ما يستحي بدايتها تسلف :d و حسب ظروفه و الشرح المقدم ، بقرر اعطيه و لا لا:cry: و لو عطيته و طنشه بتحسب فيه عمري كله ، مب عشان الفلوس :ranting: ع التطنيش و الاستغفال:ranting: تحيــااااااتـــي لــك و لهــا و لكــم :d |
والله المدير ذا غريب يعني هج للمدرسه الثانية عشان يفتك منكم ويحصله كم الف على الطاير بس مره اذكر تسلفت من واحد والى الحين ما راجعت فلوسه له كنت طالع اجيب عشى لضيوف ابوي وكنت متاخر مره وكان معي بطاقة التفوق ويوم جيت ابسحب من الصرافه قال لازم مضاعفات 500 يابن الحلال ما فيه الا 480 وشلون اسحب 500 والمشكله ان حساب المطعم موب واجد ناظرت الي ببوكي وصار معي فلوس ممكن انه تكفي لراعي المطعم يوم رحت باخذ الطلب قالي 60 ريال والي معي كان 40 ريال وقلتله يا ابنح الحلال بيتنا بعيد عنكم وصعب ارجع للبيت عطن الطلب وابد 10 دقالق وانا عندك قالي ممنعوع يطلع الطلب الا الحساب كامل كان واحد من اقاربي ساكن بنفس الحاره الي فيها المطهم دقيت عليه وقلت اطلع من بيتك الحي يعني الحين اخذت منه 20 ريال ورحت حاسبت المطعم ويوم وصلت البيت حصلت من الهواش مالله به عليم لكن الي سلفن امس انا واياه سهرانين مع بعض ولا فكرت ارجعله فلوسه لانه مسامحني يعني مسامحني آسف على الاطاله |
وعليكم السلام ورحمة الله وبركاتة والله حالات غريبة تحصلها بيننا حنا المعلمين وبالخصوووص مع المعلمين الجدد او المنقولين اخوووي بالنسبة للسؤال الاول راح اعطيه اذا كان المبلغ بحدود الالف لان الانسان مايدري يمكن يمر بنفس الظروف وبالنسبة أنا شخصيا اكره الشخص اذا اخذ منك سلف وحدد مده لان ممكن انك تحسب عليه اذا رجعه ياخي خذ السلف ومتى ماتحسنت ظروفك رجعها أنا سلفت شخص مبلغ وقال لي اذا تعينت راح ارجعه وله الحين من تعيينه 7 سنين ولا شفنا شيئ المهم كلمته بعد تعيينه بسنه وقال ابشر وكلمته مره ثانيه وصراحه طابت النفس وقلت له حلال عليك المهم هالنوعياااات من البشر هي اللي خربت على الناس المحتاجة صحيح المهم اللي يقرأ هالبيت صدقني يفكر مليون مره قبل لا يطلب ياشينها لاصرت للناس محتاج@@تصغر بعين الناس من شأن حاجة تحياااتي لك |
والله اشوف ان المفروض يبلغ عليه لان اللي يسوية غلط الاول انه كذب على المدرسين ومازال مستمر بالكذب الثاني انه سحب عليهم وماسددهم بالنسبة لسوالك بصراحة انا ماراح اعطي احد الا وانا واثق فيه |
مثله كثر لا كثرهم الله ,, وأهنيء مديركم أن كان قنوعًا ماشاء الله ,, لكن رأيي : يعود إلى حالتي المادية ذلكـ الوقت , فإن كانت مزرية وبأمس الحاجة لخمسين ريال كيف بي أسلفه ألف ؟!! وسأوضح له الحال بكل صراحة وشفافية إن قبل وإلا لعله مايقبل ولا يرضى , وإن كانت الأمور زينة سأسلمه إياها وأنا واضع في البال أنها لن تعود ,, بحيث لو عادت سأعدها مكسب , ولو لم تعود لن أبحث عنها وأنتظر .. ـ أما الحل للمدرسين المنكوبين : فأوصيهم باعتبارها صدقة لوجه الله ولن تضرهم أو تؤثر على ميزانيتهم فالمعلمين من أغنى أشعب وأكثرهم رواتب ماشاء الله << لخاطرك يامرسال :razz: وعليهم تذكر حديث : عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: ( قَالَ رَجُلٌ لَأَتَصَدَّقَنَّ بِصَدَقَةٍ فَخَرَجَ بِصَدَقَتِهِ فَوَضَعَهَا فِي يَدِ سَارِقٍ, فَأَصْبَحُوا يَتَحَدَّثُونَ تُصُدِّقَ عَلَى سَارِقٍ, فَقَالَ: اللَّهُمَّ لَكَ الْحَمْدُ لَأَتَصَدَّقَنَّ بِصَدَقَةٍ, فَخَرَجَ بِصَدَقَتِهِ فَوَضَعَهَا فِي يَدَيْ زَانِيَةٍ, فَأَصْبَحُوا يَتَحَدَّثُونَ تُصُدِّقَ اللَّيْلَةَ عَلَى زَانِيَةٍ, فَقَالَ: اللَّهُمَّ لَكَ الْحَمْدُ عَلَى زَانِيَةٍ لَأَتَصَدَّقَنَّ بِصَدَقَةٍ, فَخَرَجَ بِصَدَقَتِهِ فَوَضَعَهَا فِي يَدَيْ غَنِيٍّ, فَأَصْبَحُوا يَتَحَدَّثُونَ تُصُدِّقَ عَلَى غَنِيٍّ, فَقَالَ: اللَّهُمَّ لَكَ الْحَمْدُ عَلَى سَارِقٍ وَعَلَى زَانِيَةٍ وَعَلَى غَنِيٍّ, فَأُتِيَ فَقِيلَ لَهُ: أَمَّا صَدَقَتُكَ عَلَى سَارِقٍ فَلَعَلَّهُ أَنْ يَسْتَعِفَّ عَنْ سَرِقَتِهِ, وَأَمَّا الزَّانِيَةُ فَلَعَلَّهَا أَنْ تَسْتَعِفَّ عَنْ زِنَاهَا, وَأَمَّا الْغَنِيُّ فَلَعَلَّهُ يَعْتَبِرُ فَيُنْفِقُ مِمَّا أَعْطَاهُ اللَّهُ ). |
ياخي الي خرب الموضوع هو المطه ذي الي مدري وش تبي :d لازم اسحب الشريط الي تحت عشان اقرا السالفه كلها :d اول شي يعطيك العافيه يا قحماني ع الموضوع ولاهنت وبيض الله وجهك :d الشيء الثاني الله لا يحطنا بمثل هالمواقف صراحه وأبي اكون معك صريح جدا ً لو جاني احد ما عرفته الا من شهر وطلب مني فلوس وقالي انه محتاج بصراحة حسب العلاقة او الفكرة او الانطباع الي اخذته عنه خلال هالشهر يعني ممكن اكون مرتاح له وبصراحه ما تغلى عليه وقتها اما اذا ما ارتحت له ما اعتقد اني بعطيه ولا اصدقه , لان الزمن هذا علمنا اننا ما نثق بأي شخص الا بعد ما نعاشره ونعرفه زين .. :) اما عن سؤالك الثاني الحل اني لو عطيته الفلوس وما ردها بتضايق من داخلي لاني ما احب احد يستغلني بهالشكل او يستغفلني كذا راح ادق عليه واذا ما رد بدق بعدها بفتره واذا ما رد بصراحة برسله رساله واتكلم عليه واقوله اني ما احلله ومن هالكلام بقصد الانتقام من الحركة لاني اكره الشخص الي يستغل ويستغفل الناس لكن ماراح توصل اني ازعجه وانشبله عشانها :d شكرا ً لك مرة اخرى :ba1::yes: |
وين يالحبيب وين مبلغ عادي ألف ريال مبلغ عادي.. 1000 ريال تعيش لكـ 1000 ادمي مدة يوم واحد >>>>>>>> تفكير بكيراوي :s2: |
| الوقت المعتمد في المنتدى بتوقيت جرينتش +3.
الوقت الان » 08:44 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd