|
الحل الاكيد لمعاناتنا مع الدفاع !! http://www.alhilal.com/ar/logos/playerphoto-245.jpg سلطان البيشي ,, لاعب استبشرت الجماهير الهلاليه بقدومه خيرا لاعب كان ولا يزال في نظر الكثيرين مثلي اللاعب الاكثر قدره على قيادة دفاع الهلال بالسنين القادمه واللاعب الذي سيكون بجداره افضل قلب دفاع سعودي انتقل سلطان للهلال بالتاريخ الموضح اعلاه , في صفقه بلغة ان لم تخني الذاكره 2 مليون ريال كلاعب قلب دفاع وليس قلب دفاع عادي بل لاعب ناجح في هذا المركز كابتن المنتخب السعودي وكانت ولا تزال اغلى صفقة لاعب ناشئ سلطان ظهير يمين!! كما يعلم الجميع فاللاعب الصغير يحتاج الى الاحتكاك والفرصة في مركزه ولا يجب ان يعطى مركز غير مركزه لكي لا يحصل تشتيت لذهن اللاعب فلا ينجح بالمركز الجديد ولا يستطيع العوده لمركزه القديم خالد عزيز وعمر الغامدي وعبدالعزيز الخثران وغيرهم الكثير لاعبين هلاليين معروفين وبالتأكيد يعرف الجمهور اين هي مراكزهم الاساسية ,,لعبوا يوما ما بمركز الظهير الايمن لتغطية الفراغ المعيب بهذه الخانه المشكله الان ان سلطان لم يتم اعاده الى مركزه الطبيعي ,, فقد التصق بالخانه وكأننا صدقنا انه ظهير واللاعب وان اجتهد في هذه الخانه فحتى حمد المنتشري لعب في الظهير اليسار واسامه المولد في الظهير اليمين ولكن رغم انهم لاعبون دوليون الا انهم لم يحققوا النجاحات في هذه المراكز اليوم اوجه هذه الحمله لكم يا جماهير الهلال ,, بالعاميه نبي سلطان يلعب قلب دفاع مع اسامه صدقوني ان هاللاعب راح يتفوق على اسامه لو اعطي الفرصة ووجد الموجه والمدرب الذي يتعامل معاه بطريقه ايجابيه ,, تعبنا من الخلل الواظح في هذه الخانه ,, لا خيرات ولا المرشدي قدروا يقنعون المشجع الهلالي ان كان ولا بد البقاء على عبدالله الدوسري ورضوان الموسى كلاعبين بدلاء ,, ولكن حراااااااام يا جماهير الهلال ندفن هالموهبه اللي لو سألت اي مدرب عنه راح يقول لك ان سلطان يمتلك مقومات المدافع الناجح 1- بنية جمسانية قوية 2 - هدوئ (( ركاده )) 3 - مبادرة في بناء الهجمة ان كان كوزمين اخطا واظطر لظلم اللاعب بهالمركز فاحنا ادرى بلاعبينا وبمراكزهم ,, حان وقت قطاف هالموهبه اللي كان وراء جلبها للنادي سمو الامير محمد بن فيصل الله يذكره بالخير ارجوكم ان تدعموا هذه الحمله لاعادة اكتشاف هذا اللاعب http://upload.alhilal.com/img/016/hsdh%20(2).jpg من يدري يا شباب يمكن بعد هالحمله يرجع اللاعب لمركزه ونصنع نجومية اللاعب ونسد خانه نعاني منها كثيرا اللاعب ما وجد نفسه بالظهير وحراااااااااااام نقتل موهبته كثير من المواهب ظهرت هذا العام على يد كالديرون اتمنى ان يعطي السيد كالديرون الفرصة للبيشي في مركز قلب الدفاع لو على سبيل التجربه بالمباريات القادمه بالدوري على اقل تقدير ,, همتكم يا جماهير الهلال ,, لكي نصنع صالح نعيمه ثاني ,, يريحنا من هم خانة تعبنا من اخطاء لاعبيها كثيرا ابي على الاقل 1000 عضو والزايد خير وبركه مابنقول لا المهم ان يصل صوتنا للاداره |
كلام سليم ورائع ويجب ان نعطي فرصه لمثل هولاء الشباب ودمجهم مع لاعبي الخبره لتعم الفائده |
والله مع احترامي الشديد لجميع لاعبي الاولمبي م نبغى نغامر في كم لاعب في مراكز حساسه وفي وقت مهم,, نبي اجنبي نبي اجنبي نبي اجنبي,, فكونا من المرشدي وخيرات واللي نفس نوعيتهم.؟ تجيب لي مدافع عمره 20 سنة وطوله 170 وتبغاه يناطح الايرانيين واليابانيين بالاسيوية.؟؟؟ |
إقتباس:
اتفق معاك كثيرا في مسألة اننا بحاجة الى مدافع اجنبي ,, لكن هذا لا يعني وانا اخوك اننا نخسر لاعب ما اعطي فرصته في مركز قلب الدغاع لاعبي الاولمبي ليسوا جميعا سيئين ,, فالعابد وشافي منهم والقرني كذلك وصدقني الاهمال الشنيع من ادارة النادي بهالفئه هو السبب في عدم ظهور كثير من المواهب ما اخفيك كثير منهم لاعبين واسطات لكن فيه لاعبين جيدين حقيقه اتمنى اننا نعطي اللاعب فرصة في المباريات الجايه بالدوري وصدقني عقبها لو فشل يحق لنا نحكم عليه تحياتي لمرورك |
أنا معك جدا نحن بحاجة إلى أكبر عدد ممكن في هذا المركز بعدين نحكم من الأفضل |
هذا وقتهم , المفروض نريح الاساسيين ونعطي الشباب فرصة لاثبات وجودهم وترسيخ أقدامهم على الخارطة الاساسية الزرقاء لأن لدينا استحقاقات محلية واقليمية هامة جدا. |
اسمح لي اخوي راعد الصوت انا لتابع مباريات الاولمبي وسلطان البيشي بالذات مستواه عادي في مركز الظهير لعب قبل ثلاث سنوات مع الفريق الاول واعادوه للشباب في قلب الدفاع ماشفت لعبه بس كنتروله او تحكمه في الكوره عادي اما اذا تقصد بندر البيشي الي يلعب محور ومرات بقلب الدفاع ابو شعر مفلفل فانا معك مستواه جيد بالمحور وبالدفاع تقبل اختلافي |
الله يعطيك العافيه واعتقد فيه معسكر قبل بداية الموسم اتمنى يجربوه ممكن يكون جيد |
يـآليت لو يرجعــونه وآنآ معك آخــوي وآن شـآء الله يـرجع لمــكـآنه قبل آن تقتــل موهبتـه وآكيـــد مو الحــين نهـآية الموســـم ويتم تجــربته مع المعــسكر قبل بدايـة الموســم . |
المشكله متعاقدين مع لاعب مدافع منسق من القادسيه حتى ابجديات الكوره ماعنده الي هو سلمان الخالدي ويعتبر من وجهة نظري من أفشل المدافعين في الدوري مع احترامي له شوفه في ذا المقطع وراح تضحك على الي جابه وضحك على الاداره فيه YouTube - ‫لقطات منوعه لـ لاعب الهلال سلمان الخالدي‬‎ |
رضوان الموسى الي لعب بدورة دبي هذا موهبة قوية وميزته يلعب بعقل ويقطع كورة مع انه صغير في السن لكن عنده الامكانيات الكبيرة اتمنى اشوفه مع هوساوي,,,,,,,,,,,, |
إقتباس:
سلطان او بندر او رضوان صدقوني ياشباب لو وجدوا مدرب متخصص واهتمام ومكافآت فوز وحرص كان شفنا مركز الهلال على الاقل احسن من هالمركز يعني ماكان طلع من اول 4 مراكز على اقل تقدير لكن الحسيني اللي مايدل التدريب ثم يوم راح جيرتس وباقي عندك عقد مع مساعده قلت خلنا نحلل عقده على الاولمبي فهذا امر مثار استغرااب لمن يريد ان يحصل على المواهب وايضا لما يواجه صعوبات في الاستقطاب ,, النصر وقع مع القحطاني والاهلي مع كامل وكامل واحنا ماقدرنا حتى نجيب شهراني القادسية ,, عجايب حالنا في هالزمان راح زمان صفقة الدعيع وياسر اللي يحسم فيها الهلال صفقات كبيره على مستوى اداء اللاعب وتاثيره تحياتي لمرورك |
إقتباس:
تحياتي |
بس ينقصه الخبره وحنا عندنا مبارايات حاسمه ,,,والمرشدي مستواه مرتفع انا اقترح نصبر ع المرشدي زي ماصبرنا على ياسر,,ويلي ,,,رادوي,,!!! |
| الوقت المعتمد في المنتدى بتوقيت جرينتش +3.
الوقت الان » 09:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd