(فيديو) القبض على شاب يحمل قارورة خمر و 19 ألف ريال رغب في حضور مباراة الهلال والنصر
 

بصراحه قمة الوقاحه من الفراج والمراسل وافراد الامن
اي حق يقول لهم شهرو بهالانسان والا اسمحو لهالورع المراسل اخذ تحقيق معه

الفراج يقول ماطلعنا وجهه وحنا اللي اجبرناه يلطم وجهه
انت تلعب على من يالفراج عقب ماشفنا وجهه جاي تقول هالكلام طيب كان حذفت الجزئيه اللي فيها وجهه
مشكلتك تسوي نفسك ذكي

المراسل يقول الظاهر الشباب كانو بيسترون عليه وش قمة الغباء تجي تسوي لقاء وتطلع للعالم وتقول بيسترون عليه
اقسم بالله شيء يقهر من هالاغبياء

رجال الامن بالله كيف تركتو هالجهله يسوون هاللقاء بس

الاخ السكران وكيف تسمح لنفسك تسوي هاللقاء وتجاوبهم بعد
اه بس يالقهر

لا يحبيبي خل الناس تصحى

لما انا اكون ابو و ارسل اولادي مع زملائهم الملعب

و يجي زي هذا يخربهم و يش حيكون موقفنا وقتها

ليش قهر هذولي ناس ماعاد تخاف ربها يعني ايش بيردة غير التشهير بالعكس تصرف حلو وانا مازلت اقول اذا انت مو قد الشي لا تسويه وتحمل جنى مازرعت مو يغلط ويقول لا تعاقبوني اذا غلط يتحمل غلطة او لا يغلط من الاساس


الآن اتحدى شخص يتساهل ويجي للملعب بهذا الشكل لأنة سيشهر به لو امسك



يجب على الكل ان ينضبط وشكرا

المفروض ما يتلثم

ويفضحونه قدام الناس على تشووف تخاف

و ما يتكرر هالفعل الشنيع خوفا من التشهير

.
صراحه
هالحركة لها إيجابيات . . ولها سلبيات
وأشوف إن سلبياتها أكثر

لكن ماأتوقع يمر هالتقرير دون عقاب سواء للمصور أو المذيع أو أفراد الأمن

الله يسترنا ويستر عورات المسلمين

شباب مالحظتوا من كلامه كأنه مو سكراان والله قعد يطقطق على المراسل ههههههههههههه

انا اتوقع انه راح يتعاقب على الخمر فقط

لان الفلوووس بكيفه واحد مخباه فلووس يعني الواحد ممنوع يشيل فلوس بمخباه ؟؟؟

مشكور يالغالي

اعوذ بآلله
أأول مررة تصصير بالملآعب

لآ تعليق ,

ماحسه سكران كلامه طبيعي جداااااااا

الله لايبلاااااااااااااانا

هذا عرق .!
الله يهديه يارب

بصراحه انا مستغرب من الناس اللي قاعده تتحسب على الفراج وحسبي الله ونعم الوكيل ومدري وش



طيب الفراج قال لهالدلخ رح بع عرق ؟؟؟

الفراج قال له رح للملعب وانت سكران ؟؟


حتى لو ماهو سكران يكفي ان معه عرق ومسألة التشهير به أتوقع إن الفراج قال أقنعناه بأنه يتلطم عشان ماينفضح


يعني يالله تتحسبون على الفراج تراه مايعرف الرجال ولاشيء

وبالعكس جزاه الله خير هو والمراسل اللي أشهروا القضيه فقط لاغير وماخلوه يطلع وجهه !!

يعني في الأخير : المستفيد الأول هو أنا وانت يامشجع

مو الفراج والجوله !!!!