نادي الهلال السعودي - شبكة الزعيم - الموقع الرسمي - أدور شـــي بــنـــتــقــد الـــهـــلال فـــيـــه مـــاقـــدرت ,, حسين عبدالغني جزاك الله خير ذكرتني في أيام حلوة ..

- منتدى الجمهور الهلالي (http://vb.alhilal.com/forumdisplay.php?f=28)

أدور شـــي بــنـــتــقــد الـــهـــلال فـــيـــه مـــاقـــدرت ,, حسين عبدالغني جزاك الله خير ذكرتني في أيام حلوة ..

بـسـم الله الرحـمـن الـرحـيـم ,,

(( ولئن شكرتم لأزيدنكم ))

الحمد الله بكل الأحوال الله لايغير علينا يارب ,,,

يازعماء بكل الاحوال أبي هالكلامات على لسانكم في كل وقت وفي كل مكان .. :ba1::ba:

أدور شي بنتقد الهلال فيه مالقيت شي ... بسم الله ع هلالنا ..

بنرجع شوي للمباريات الهلال السابقه ..
الاهلى والهلال (( واحد ـ واحد ))
الهلال والأتحاد (( صفر ـ صفر ))
الغرافه والهلال (( واحد ـ صفر ))
الاتفاق و الهلال (( ثلاثه ـ أثنين ))
الهلال و الشباب (( اثنين ـ واحد ))
الهلال والجزيره (( ثلاثه ـ واحد ))
الجزيره والهلال (( اثنين ـ ثلاثه ))
الوحده والهلال ،، نهائي ولى العهد (( صفر ـ خمسه ))
النصر والهلال (( واحد ـ صفر ))

ركزووووو شوي معاي كل المباريات اللى ذكرتها مختلفه المسابقات ..
مابين دوري ومابين كأس أسيا ومابين كأس ولى العهد .. وكل مباره أصعب من المباره اللى بعدها ..
\

صحيح خسر الهلال في أول مباره له في بطوله أسيا بس رجع لنا في مستوي مغاير والحين ينفاس ع صداره أسيا ..

ورغم كل هذا الهلال نجح في كل مباره وبيض الوجه وأستطاع أن يفوز بكأس ولى العهد وأستطاع أن يقترب من الدوري وبشكل قوي فقط نقطه من أصل ثلاث مباريات

كل مباره تفرق عن المباره اللى بعدها اربع ولا ثلاث أيام .. يعني أجهاد وأرهاق وأصابات ..

صدقوني لو فيه فريق غير الهلال يلعب كل هالمباريات وبالضغط الرهيب ع اللاعبين صدقوني مايستطيع أن يكسب كأس ولي العهد ولا يستطيع أن يقترب من الدوري ولا يستطيع أن ينافس ع البطوله الأسيويه ..

بعد كل هذا نقول ...
لكم شكرا من القلب ..
عبدالرحمن بن مساعد :ba1::ba:
نواف بن سعد :ba1::ba:
سامي الجابر :ba1::ba:
اللاعبين :ba1::ba:
وأخيرا الجمهور الوفى لبى قلبه :ba1::ba:

نبي مواضيع كلها شكر للاعبين ع جهودهم في الفتره الماضيه نبي تصاميم لهم نبي نشد من أزرهم شوي مانبي ننتقد في الفتره هذي خصوصا ..

حسين عبدالغني يوم ظرب رادوي بالكورة متعمد ونسى أنه في مباره رسميه وفي أقوي دوري عربي .. ذكرني في أيام الحاره عندما أزعل على أحد من أصدقائي في المدرسه سواء لم يعطيني الواجب لكي أكتبه ولا لم يشتري لى فطور من المقصف .. أشيل عليه وأحقد لدرجه اذا لعبنا كورة العصر أكسره ولا أشوته بالكوره عشان اللى سواه فيني بالمدرسه ..

أقل شي أنا بزر في ذاك الوقت ..
بس الحين حسين هو قدوه للاعبين النصر وهو كبتنهم ..
خلف الله بس :ranting:

في بالى ..

ـ حسن العتيبي يقدم مستوي كبير يستحق الشكر عليه ومباره بعد مباره يبث أنه من الكبار .
- ماجد المرشدي أعتقد مافي أحد ماتكلم عن هبوط مستواه وأنتقد كثير هالمره نقول يسلم راسك يابطل كفيت وفيت وخلصت قول .
- يقولون مانلوم حسين عبدالغني يوم رفض السلام على رادوي عشان تصريحات رادوي في المباره الماضيه ولم يتذكرون أن حسين كرر هالحركه في مباره كأس ولى العهد .
- جمهور الزعيم في كل مباره يثبت أنه الأكثر وعذرهم كالعاده فريقهم لايقدم مستويات كبيره وبكذا لايردون الحظور طيب متي المباره اللى بتكون هي المحك الحقيقي لأكثر شعبيه فيه فرصه غير مباره ديربي ؟؟!!؟!!!!
- تغريم عدنان جسنتيه هل هو تمهيد للعقوبه عبدالكريم الجاسر اللى بالفتره الاخيره صار صوت هلالي قوي وأسكات كل شخص يتهم الهلال بالظلم ؟؟

تحياتي لكم .. يازعماء ..
ع درب الفوز والبطولات نلتقي s13s
:ba1::ba:

اللهم لك الحمد والشكر الله يوفق هلالنا في اسيا ياارب

مشكور على الموضوع المشيق ،،،،...

وبالتوفيق للزعيم ولكل من يقف خلفه ويساندهـ...

اولا الف مبروووك الدوري ان شاء الله وبإذن الله ينتهي بدون اي خساااارة..

ثانيا يا ليت لو أحد عنده لقطة عبدالغني ورادوي وهوا يرميه بالكورة يجيبه لنا مقطع عشان اللقطة راحت عليا

ثالثا ان شاء الله الهلال يحقق لقب كاس اسيا وكاس الملك يكون من نصيبنا..

وتقبل مرووري..

فعلا الشكر اولا لله على التوفيق لنا

وثانينا لإدراة الهلال وعلى رأسها الامير عبدالرحمن

وثالثا للاعبين جميعهم بدون استثناء

والله يوفقنا بالجاي

تسلم على هذا الموضوع الرائع
وفعلا لابد من تشجيع اللاعبين و اللاعبين ثم اللاعبين و الاداريين و الفني

أبارك للأمة الهلالية ...
((وحسين دو)) متعودين عليه هالسخافات من أيام كان يلعب بالأهلي...
ورادوي لاعب كبير ومحترف ولايلتفت لمثل هذه الحركات ونفس الشي طلوع احمد عباس ((خليفة حسين دو)) بالكوع على اللاعب الكبير رادوي .
ومازادهم مكرهم الا ضياعاً تلو ضياع.

أشكرك على موضوعك الرائع..

الله يعطيك الف عافيه اخوي

والحمد لله عالثلاث نقاط

مشكووور , يعطيك العافية

بالنسبة لحسين عبدالغني أنا كنت متوقع منه أكثر من كذا .

لكن نصيحة لحسين : طوال تاريخك كانت مشاكلك مع اللاعبين المتميزين وهذا يعني إن عندك ( عقده ) من المتميزين فأتمنى منك الذهاب إلى أقرب طبيب نفسي لكي تتعالج من هذي العقدة التي لازمتك طوال تاريخك ( الغير مشرف ).

شاكر لكم المرور
وبالتوفيق للزعيم
دعواتكم بس

بارك الله فيك أستاااااذي على طيب طرحك ..

.
.

والحمدلله عدد ما كان .. الحمدلله عدد ما يكون .. الحمدلله عدد الحركات والسكون
اللهم لك الحمدلله كما ينبغي لجلال وجهك وعظيم سلطانك ..

وأسأل الله التوفيق للهلال أين ما حل وأرتحل ..

يعطيك العافيه ع الطرح الحلو
والحمدلله والشكر له :)
على هذي التوافيق:rose:

اما حسينوو
شي ثاني >_<
مادري متى يرتقي هالادمي !!

إقتباس:

جمهور الزعيم في كل مباره يثبت أنه الأكثر وعذرهم كالعاده فريقهم لايقدم مستويات كبيره وبكذا لايردون الحظور طيب متي المباره اللى بتكون هي المحك الحقيقي لأكثر شعبيه فيه فرصه غير مباره ديربي ؟؟!!؟!!!!

لآتلومهم فريقهم مايقدم مستوى كيف تبيهم يحضروا :D:s4s::s2:

موضوع رآئع واتفق معاك في كل النقاط الي طرحتهآ
يعطيك الف عافية :rose:

عموما حسين التاريخ بيسجل سلوكه المشين سواء لما كان مع الاهلي او حاليا مع النصر

اما حركة الكوره مااتوقع حسين قصده انها تجي لرادوي بقدر اهمية المباراه ويبغى فررصه لفريقه.