|
للمره المليون نقول 4-5-1 يا كالديرون في البداية نحمد الله ونشكره على الثلاث نقاط التي كادت تذهب أدراج الرياح لولا توفيق رب العالمين أولا ومن ثم الحظ الذي لعب دورا مهما في هذه المباراة. الى متى ونحن نشاهد تلك المهازل من هذا المدرب المفلس وتخبطاته. أي واحد يفهم كوره بيعرف هالكلام، وأستشهد في مباراة اليوم بالتالي: أولا: لعبه بطريقه 4-4-2 الغير مجديه في فريق مثل الهلال يمتلك أفضل عناصر في خط الوسط على المستوى الآسيوي أمثال رادوي، ويلهامسون، العابد، الفريدي، الشلهوب، خالد عزيز، الدوسري. وفي مقابل ذلك يمتلك هجوم ضعيف في ظل ابتعاد ياسر كثيرا عن مستواه، وتواضع امكانات المهاجم المصري. ثانيا: أسألكم بالله هل يوجد مدرب مميز لديه لاعب شاب شعلة من النشاط والحيوية والمهارة مثل نواف العابد ويستطيع ان يصنع الفارق في كل مباراة يشارك فيها، ويضعه خارج التشكيلة الأساسية ويجعل لاعب متواضع فنيا مثل أحمد علي أساسيا ؟؟ ثالثا: هل يوجد مدرب محترف يلعب خارج أرضه في مباراة حاسمة، وهو يفرق عن منافسه بخمس نقاط، يفتح ملعبه بتلك الطريقة الغبية ؟؟ في الأخير أنا لم أبني كلامي على عاطفة. ولكن يشهد الله علي أنني برغم سعادتي بالثلاث نقاط، إلا أنني مستاء بدرجة كبيرة من المستوى العام للفريق. وكل أملي أن نتدارك الوضع قبل أن يقع الفأس في الراس ومن حسن الحظ أننا أصبحنا قريبين من التأهل، ولكن ماذا بعد التأهل وملاقاة فريق مثل الإتحاد على أرضه في دور ال16. هل سنحتمل تلك الأخطاء القاتلة. طبعا لامجال وقتها لعض الأصبع والأمل في التعويض. كـــــــــــــــوزمــــــــــــــــــــــيـــــــــــــــــــــــــن أولاريـــــــــــــــــــــــــــــو كم افتقدناك ياكوتش كم أتمنى عودتك مجددا |
اللهم لك الحمد والشكرر على الثلاث نقااااط المهمه بس الشي الي يقهربعيد عن تكتيك المدرب هو النرفزه الزاايده بين اللعيبه والاناانيه في بعض الاحياااان اتمنا يعاالجوونها لانا مااتعودنا على نجووم الزعيم بينهم كذا |
لازم الهلال يعذبنا في اسيا عشان يفوز اللعيبة اخطئوا بالاستعراض وتضييع الفرص وكالديرن زاد الطين بلة حنى تغييره غلط وينك ياعزيز وينك |
أحترم رائيك لكن طرحك مفلس وليس كالديرون وشكرا لك |
مفلس ؟؟؟؟؟؟؟؟؟؟ مدرب ولاهزيمة بالدوري ومحقق تسعة نقاط بالاسيوية ومحقق بطولة مالها اسبوع ومفلس ...........غريب صراحة تفكيرك |
مع احرتامي لك ول وجهة نظرك ما عندك سالفة بتقنعني انك ازين من كالديرون تعقيب على كلامك تقولي مبارة حاسمة الجزيرة وبالرديف ومابه امل له( فكريا) يجب اهاجم ببارك الله فيك على حسب نوعية المبارة تشرك الاعب وحسب الخطة موب تفريق هو الاعب اليوم مدافعوبكرة مهاجم؟؟؟؟!!!1 |
اقول المفلس انت وموضوعك انا المخطا اضيع وقتي بها الموضوع الفاشل وشلون مدرب مفلس وجابلك بطوله والثانيه جايه وتقول مفلس ولا خساره بالدوري استح على وجهك يالجاهل |
انا ابي اعرف فريق مسيطر ع المبارة من اول دقيقه الى اخر دقيقه فريق مجرد غير الطريقه الى اللعب بمهاجمين ازدات خطورة الهلال ماكانا نقول في السباق ان طيرقه 4-5-1 لاتجدي للهلال شيئا في اسيا اذا انت مستاء من الفريق فأنا مستاء اكثر منك ولاكن ليس ع الفريق بل ع رادوي والمرشدي فقط |
اخي الكريم عتابي عليك كبير مبروك الفوز اولاً المدرب لم يخسر في الدوري متصدر للدوري ثانياً المدرب قبل يومين محقق كاس ثالثاً طريقة الهلال الافضله هي 4 4 2 ولاكن لا بد من تواجد عزيز مع رادوي والبحث عن مدافع بديل للمرشدي رابعاً لما يفوز الهلال نمدح المدرب ولما يتعادل او يخسر نذمه كورة القدم فيها خساره وفوز |
بالله غير تشوف لك اقرب مبسط وتبسط معه وتبيع بصل يعني تقول لي حظ ؟؟ كورة ياسر اللي سحب الحارس فيها حظ ؟ ثلاث كور لويلهامسون ماجات اهداف حظ ؟ كورة احمد علي اللي حطها بالزاوية حظ ؟ تسديدة ياسر بالحارس حظ ؟ يعني الحظ جاب لك الأهداف وماخانك بالهجمات هذي كلها ياخي استح على وجهك : المفروض تتابع الشغل الفني اللي عامله كالديرون اقسم بالله العظيم اني كنت واثق بشدة بعد الهدفين ان كالديرون شغله بيكون بالشوط الثاني واتحمال كبير جدا يفوز وهذا هو فاز وهذي الميزة اللي تميز كالديرون عن قيريتس قيريتس لما يتاخر بهدفين مايقدر يعوض وشف مباراة النصر بالدور الاول بالدوري السنة الماضية وشف مباراة الاتحاد بنهائة الدوري وشف مباراة الغرافة وذوب آهن كيف كان قيريتس يتورط لاجاء فيه هدف |
نعم مفلس مفلس الهلال لايجيد اللعب الا بمحورين غير كذا حط يدك على قلبك اخر عشر دقايق مطلوب منك تحافظ يروح ينزل الدوسري ..وكان الاجدر عزيز طريقة كالديرون اهلكت اللاعبين هل من النعقول تقييد الشلهوب بهذا الشكل المخزي المفترض تقييد الفريدي لانه يجيد قطع الكرة والارتقاء ولاننه يخبص بالهجمة كالديرون مستحيل يحقق الكأس بهذا الفكر وترقبو الخروج |
ليس مفلس بل طرحك هو المفلس ... عجيب طرحك ... كالديرون رائع بكل معنى الكلمة ... |
لا ياخوي خطه 4 4 2 افضل ..حتى شف النتايج فيها ..واكثر معدل تهديفي .. والي مستغرب قبل ايام كنتو تقولو 4 4 2 ..وعشان مستوى باهت قلتو لالا وتنتقدو المدرب عشان طريقة لعب .. ليس مسؤل المدرب عما جرى ..المسؤوول اللاعبين .. تحياتي.. |
شكلك مايعجبك العجب انت وش اللي تبي بالظبط تاخذ مكان كالديرون والله ان الصمت حكمه |
إقتباس:
كنت ناوي ارد على صاحب الموضوع ... بش شفت هالجمله إقتباس:
اجل كوزمن افضل من كالديرون ... يابن الحلال اذكر ربك بس !! |
| الوقت المعتمد في المنتدى بتوقيت جرينتش +3.
الوقت الان » 03:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd