الي يسأل عن قصيدة يا محلا الفنجال مع ســـــــــــيحة البال ((( كاملة ))))
 

معليش امسكت على القصايد



يا محلا الفنجال مع ســـــــــــيحة البال
في مجلس ما فيه نفس ثقـــــــــــــيله

هذا ولد عم وهذ ولد خـــــــــــــــــــــال
وهذا رفيق ما لقينا مـــــــــــــــــــــثيله

يابو هلا طير الهوى خبث الــــــــــــــبال
طبعه خبيث والحباري قلـــــــــــــــــيله

يا الله يااللي طالبه مابعد قـــــــــــــــال
يا اللي من الضيفان ينجي دخـــــــــيله

افرج لمن قلبه غدا فيه ولــــــــــــــــوال
والنوم ما جا عينه الا قلـــــــــــــــــــيله

لامن ذكرت رموس عصر لـــــــــــــنا زال
شوف الفياض وفقد عز القبـــــــــــــيلة

يا زين شدتهم ليا وزع المـــــــــــــــــال
يتلون براق تلالا مخــــــــــــــــــــــــــيله

يتلون براق سمر يشعل اشــــــــــــعال
تلقا التريبي فايض عقب ســـــــــــــيله

يسقي خسيفا والثمان أرهمه ســــال
مرتع معطرة السيوف الصقــــــــــــــيله

ممن حمو الساقات إلى السف همال
وينوش حسنا والرديفه مـــــــــــــــثيله

فإن قادنا من يمة القفر خــــــــــــــــيال
يصبح شديد البدو عجل رحـــــــــــــيله

قاد السلف واستجنبوا كل مـــــــشوال
وبالقصر يامحلا تخبط نـــــــــــــــــــــزيله

فإن شرف البادي على روس الأقــــذال
والمال كثرالزوال مخمى جــــــــــــفيله

تلامحت مابينهم شهب الأديــــــــــــــال
ومن ضيع المفتاح وا عزتـــــــــــــــي له

وكبوا على طوعاتهم كل عـــــــــــــــيال
كل أبلج يحري بكب الثقـــــــــــــــــــيله

تغازو بفزاع ذربين الافـــــــــــــــــــــــعال
من قبل سبق غارته تنشني لـــــــــــه

يبغون طوعة روسهم حين الارمـــــــــال
تغزو والخلق كثير هجــــــــــــــــــــــيله

إن جا الحكى من دون عطرات الاجهال
مرو ولحقو مقحمين الذبـــــــــــــــــــيله

واللي تثنوا كلهم تلبس الـــــــــــــشال
ومن صنع دواد لبوس ثقــــــــــــــــــــيله

لزم عليهم علة عقب الانـــــــــــــــــهال
ومن غارته لزم يضيع دلــــــــــــــــــــيله

والدم من قحص الرمك يثـــــــمل اثمال
يزعج على اوراك السبايا وشــــــــــيله

هذيك براعيها من المعرفه مـــــــــــــال
وهذي ثكلها مطرق ما تشــــــــــــــيله

من وقع كل مقرنس قد له أفــــــــــعال
وفروخ صادن الحباري فضـــــــــــــــــيله

مشكوووووور اخوي الهاوي على هالقصيده الرائعة

والله يعطيك العافيه

شكرا اخوي الهاوي على هذه القصيدة ....الرائعة..... لامير العجمان راكان بن حثلين الله يرحمه....;) ;)

مشكووور اخوي الهاوي على القصيدة المشهورررر جدا أبياتهاالاولى

بس ماذكرت من قايلها

مع اني اعتقد انه مثل ماقالت اخت كيفي كويتيه انه راكان بن حثلين رحمة الله عليه

الف شكر اخي الهااااوي
قصيدة رائع للشاعر والفارس المشهوووور راكان بن حثلين (( شيخ قبلية العجماااااااان ))

مشكور الهاوي

وشوفوا ابو سليمان يرد على القصايد
الله يرحم الشاني والميرندا الفراوله:D :D :D

تحياتي

انا بصراحه كنت زعلان على كاتب الموضوع لأنه ما ذكر انها للامير راكان بن حثلين

بس الشباب ما قصروا ;) ;)

مشكورييييييييييييييييييييييييييييين

اخواني واخواتي على هذه الردود التي تجعلني كل يوم ازداد حبً لكم


وفعلاً قائل هذه القصيد هو راكان بن حثلين (( شيخ قبلية العجمان ))


وعذراً لأنني لم اذكر اسم الشاعر