اعجبني في كلامك يالغالي الجزئية الاولى " قبل كلمة ولكن "

وبعد ولكن ... للأسف لا

إقتباس والله الذي لا اله الا هو اني كنت دائما ادافع عن ياسر واطالب بالتريث والصبر عليه .. الى ان ضقت ذرعا بهذا اللاعب .. هجمات سهلة ينهيها اقل اللاعبين خبرة يتفنن ياسر القحطاني بهدرها بكل رعونة .. وما يحرق القلب ويجعل المشجع الهلالي الحقيقي يشتط غضبا هي ابتسامته التي تأتي بعد كل اضاعة لهجمة سهلة التي لا اجد معنى لها سوى انها لا مبالاة

ياخي ياسر صحيح مستواه نازل لاي سبب كان

لكن لازال اللاعب يحسم

وهو في اردى مستوياته يحسم !!

يعني مباراة الاتفاق ... لولا الله ثم ياسر كان مافزنا وانت تعرف وش كثر فوزنا في هذيك المباراه مهم وريحنا كثيييييير

ولولا الله ثم ياسر مافزنا ع الجزيره الاماراتي ... وبرضو انت عارف انها مباراه مهمه نحتاجها علشان نسابق ع المركز الاول

مااختلف معك ان مستواه نازل

لكن حتى في نزول مستواه هو الافضل

ياخي لازم تؤمن بالقدرات والامكانات الفرديه للاعب

يعني تحط ياسر في مستواه الحالي ... والا وليد الجيزاني في قمة مستواه ؟

وعلى فكره ياسر علية ضغوط كبيره من الاعلام المعادي للهلال ... مو وقته تجي وتزيد الطين بله يالغالي

اوكي طالب بحبس ياسر في الدكه ... طالب انه يرجع مستواه .. اعمل سو افعل

لكن مو الحين .. لانه كلامك بيهدم اكثر من انه يبني ...!

الهلال داخل في 3 استحقاقات حاليا والرابعه بالطريق :

الدوري

اسياء

كاس ولي العهد

وقريبا كاس الملك

ياخي مافيه فريق سعودي ينافس على نفس الاشياء هذي

يعني بالعربي فريقنا مرهق جدا جدا ...وحتى لو بيقدم مستوى قيريتس اللي الكثيرر يتغنون فيه ... بيقدمه اول ربع ساعه بعدها خلاص لانه مافيه لياقه ... الفريق جدا تعبان

وياسر جزء من الفريق ياخي

والاهم التشتت الذهني وهذا شي يذبح اللاعب من جد

لايغرك كلام سامي وكالديرون ... نسينا الدوري وراح نركز في مباراة النهائي ومدري ايش ... ياحبيبي انت بشر .. طبيعي مخك بيفكر بكل الاستحقاقات والبطولات بنفس الوقت

فـ انا ارجع اقول انه ياسر مستواه نازل

لكن يضل الافضل

يعني الرجال مسجل 11 هدف بالدوري وهو مالعب كل المباريات ... !!!

واعلى معدل تهديفي لياسر من جاء للهلال 10 اهداف بالدوري

يعني عمل افضل من اللي سواه في 2007 ;)

انتقد بعد مايخلص الموسم علشان يقدر اللاعب يراجع نفسه ويقوم اخطاءه

لكن نقدك الحين والله بيدمر ويشتت تفكير اكثر من انه يخدم الفريق وياسر !!