إقتباس صراحه موضوع بطل وهادف درجه اولى ! جداً راقي الطرح اختي .. وانا اشهد ان عامر عبدالله جداً معلق مدري كيف جاي ؟ ماهو عارف حتى وش يقول .. الحمدلله والشكر بس .. هذا غير الاسقاطات والاشياء الثانيه .. وصل لهالدرجه وزي ماقلتي بدائي بدائي .. موضوع لو بيدي يثبت قسسمن بالله بطل استمري اختي ..

وش الي بطل ووش الي هادف انت الثاني ~
عطني شيئ صح في الموضوع ~
يعني كل الموضوع كلام فاضي ~
يعني تبي الرجال يغير اسلوبه وتعليقه عشان ذا الي طرح الموضوع ياخي مو عاجبك عامر عبدالله رح وحط لك قناه ثانيه ~
والله ي هالعالم ع تفكير ~

وٍِآلله لو تسكتين ومعد تنزليـن موآضيع يكون أفضــل

طيب المعلق وش وضيفتـه انه بس يقول

الشمري يمرر إْلى المرشدي إْلى يآسر القحطآني إْلى رآدوي إْلى الشلهوب

وضيفتـه مآيسكت ، موضـووع من أسوء الموآضيع بعدين على ما أظـن انـه قآل ( مآشآء آلله )

يعني لا تخآفين على الهلآل ، أتمنى حذف الموضــوع من المشرف

اتفق معك تماما


وانت تشاهد عامر عبدالله يعلق تشعر بأنك تشاهد شاعر المليون

ههههههههههههه جبتها عالجرح

اليوم كنت اتابع برنامج لمعلقين من بينهم عبدالله الحربي بصراحه هاالانسان قمه قمه

حتى لما يتكلم يفهمك شنو التعليق

لكن عامر وفارس عوض تقليعه حتى اشعار اخر


شحطه بسيطه

اتوقع بعد فتره نحصل الفريان يعلق مباراة لا احد يستغرب هذي مطالب الشعب

هههههههه





كان هنا سامي العنزي

شوفو واحكمو

YouTube - ‫عبدالله الحربي وتعليقه على خطأ الحكم‬‎

إقتباس الرسالة الأصلية كتبت بواسطة ALMOSTSHAR_A صراحه موضوع بطل وهادف درجه اولى ! جداً راقي الطرح اختي .. وانا اشهد ان عامر عبدالله جداً معلق مدري كيف جاي ؟ ماهو عارف حتى وش يقول .. الحمدلله والشكر بس .. هذا غير الاسقاطات والاشياء الثانيه .. وصل لهالدرجه وزي ماقلتي بدائي بدائي .. موضوع لو بيدي يثبت قسسمن بالله بطل استمري اختي ..

والله انت اللي ما تدري وش تقول ..


المعلق عامر عبدالله من اروع المعلقين بالموطن العربي

بس عيبه انه يدخل علوم القبايل و انا اشوفها مزحه ...يعني عادي

بس انتم عندكم حساسيه او بالمعنا الاصح فاضين شغل .. خلصتو من الحكام و اللاعبين و بديتو بالمعلقين

هذا غير كل ما احد سجل فقع روسنا بكلمة ( يا سلاااااااااااام ) ما يعرف يقول الا هالكلمه جاب لي الصمرقع

عتبي عليه فقط المديح الزايد للاعبين لنادي الهلال وذكر الانجازات للنادي ..
بدون ذكر ماشاء الله .

بالتوفيق له .

إقتباس الرسالة الأصلية كتبت بواسطة الحلوة مرام لعل أبرز هذه الأخطاء .. هو العزف على الوتر القبلي في تعليق المباريات .. فالملعق يبدو وأنه لا يفرق بين شاعر المليون ومباراة ديربي .. بالعكس أسلوبه هذا يعجبني كثير ويطلعنا شوي من اسلوب التعليق الروتيني الممل بعدين هو ما اساء للغير لابتلميح ولابتصريح الأسلوب الذي يتخذ بشاعر المليون من كسب البسطاء من خلال العزف على وتر القبيلة الاساءة والغلط جا من موضوعك وهذا شاهد "أجل صار القبيلي بسيط وينقص عليه" ؟؟ والتحدث بطريقة صحراوية .. ليس لها مكان في كابينة التعليق .. وش فيها الطريقة الصحراوية ؟ ترا ماله داعي التهكم بأهل البادية في عاداتهم أو كلامهم وأعتقد أن كابينة التلعيق مليانة بالي يعلقون بالطريقة المدنية ومافيها شي لو خليتوا مساحة لو ضيقة في التعليق لمحبي الطريقة الصحراوية حسب تعبيرك المسيئ لأن فيه شريحة كبييييييييييييييييرة من حقهم يستمتعون في التعليق حسب طريقتهم "طبعاً هذا لو افترضنا ان طريقته فيها شي اصلاً" ومن عيوب الملعق أيضاً ،، المديح المبالغ .. والمبالغ جداً وخصوصاً للاندية صاحبت النفوذ والجماهيرية أي عدم التعليق بحيادية واعطاء كل ذي حق حقه .. بل البحث عن الذات وكسب اكبر قاعدة ممكنة من خلال الرقص بمشاعر الجماهير .. أعتقد انه بمدحه للهلال أعطى كل ذي حق حقه أو لك راي ثاني في أحقية الهلال كثرة سواليفه ،، وكأنه في خيمة شعر رجعنا للمز والاستهزاء لا أدري هل هو نوع من الاستغفال ام ماذا .. الاستغفال هو طرحك للموضوع أم ان المعلق لم يعد يفرق بين البرامج ،، أم انهم أوصلو له من أن المجتمع السعودي بدائي لهذه الدرجة ..!! بدائي لأنه صحراوي في اسلوبه حسب تعبيرك ؟؟ أتمنى من المعلق الكبير البعد عن كل هذه الأمور والتركيز على وصف اللقاء كما عهدناه بالسابق .. لا أدري ماسبب تنرفزك من اسلوبه أم هي فرصة لرمي الكلام على الغير

تعليقاتي باللون الأحمر أعلاه مع شكري وتقديري مقدماً لكاتب الموضوع على سعة صدره لتقبل ملاحظاتي والتي أتمنى أن أكون مخطئ فيها
عموماً الأستاذ عامر عبدالله حسب وجهة نظري ونظر الكثير يعتبر من أفضل المعلقين العرب

يعطيك العافية يالحلوة

رأيك يحترم

وعامر عبدالله , من أروع المعلقين

تقبلي إحترامي وتقديري

بالعكس عامر عبدالله روعــه في التعليق

والى الامام الى الامام يا ولد عبدالله

اولا اشكر والله يعطيك العافيه على الموضوع
صراحة اشوفه يضيف متعه في المباراه خاصة اذا بدت تسمج
او صار فيها شوية برود يعطيك كم سالفه تونسك شوي