09/04/2011, 04:42 PM
|
 | زعيــم متألــق | | تاريخ التسجيل: 10/03/2007
مشاركات: 1,151
| |
|
صبرنا عليكم كثير ياجمهور الرياض ! بكره أخر يوم لكم للإعتذار !
السلام عليكم ..
صباحكم / مسائكم .. بطولات وزعامه 
بكرة مباراة مهمة ومصيرية ، وإن شاء الله تكون الـ 3 نقاط من نصيب الزعيم عشان نضمن الدوري ..
وإن شاء الله الدوري وكأس ولي العهد وكأس الملك وآسيا لنا .. حنا لها إن شاء الله 
طبعاً ما أبي أتكلم عن الحضور الجماهيري في الأيام السابقة لمبارياتنا بالرياض ..
صراحة شي يفشل ، والله فشلتوا جماهيريتنا ياجمهور الرياض ..
يعني معليش مراح يضرك على الأقل تحضر شوط ونص ..
ولا الحكاية الثانية يجيك واحد بقميص نوم ولا لابس لك لبس مقنزع ويجي يقشر حب فوق راسك ..
ياخي أنت إذا تبي توسع صدرك وتكيف رح ناظرها ببيتكم ..
حنا جايين للملعب عشان نشجع ونحمس اللاعبين مو نقشر حب 
اكبروا تطوروا شوي
المباراة الجاية نبيكم تعتذرون لباقي جماهير الزعيم في المناطق الثانية وتحضرون وتبيضون وجيهنا ..
ما أتوقع عندكم ظروف دراسة ولا شي .. الكل معطل وماوراه شي ..
+
لو سمحتوا بكره نبي تعاون مع المجلس ..
راح يوزعون بالونات زرقاء وبيضاء يبغوننا نمسكها ونلفها يمين يسار ..
مانبي هبال وتقعدون تطيرونها ولا تفقعونها لو سمحتوا نبي نطبق الحركة وبس ..
نبي تعاون مع المجلس ، نبي نشكرهم على مجهوداتهم ..
يجون من العصر ويقعدون يزينون لنا الملعب وبكل بساطة يجيك واحد من الجمهور ويخرب الحركة كلها !!
فلوسمحتوا بكرة نبي حضور جماهيري كبييييييييير لأن المباراة مصيرية وهي الي تحسم الدوري 100 %
ونبغى بعد تطبيق للحركة وحماس من أول المباراة لأخرها وأهازيج حلوة ..
وبالتوفيق لزعيمنا .. |
الوضع الشجري
