|
صبرنا عليكم كثير ياجمهور الرياض ! بكره أخر يوم لكم للإعتذار ! السلام عليكم .. صباحكم / مسائكم .. بطولات وزعامه :d بكرة مباراة مهمة ومصيرية ، وإن شاء الله تكون الـ 3 نقاط من نصيب الزعيم عشان نضمن الدوري .. وإن شاء الله الدوري وكأس ولي العهد وكأس الملك وآسيا لنا .. حنا لها إن شاء الله :smilie47: طبعاً ما أبي أتكلم عن الحضور الجماهيري في الأيام السابقة لمبارياتنا بالرياض .. صراحة شي يفشل ، والله فشلتوا جماهيريتنا ياجمهور الرياض .. يعني معليش مراح يضرك على الأقل تحضر شوط ونص .. ولا الحكاية الثانية يجيك واحد بقميص نوم ولا لابس لك لبس مقنزع ويجي يقشر حب فوق راسك .. ياخي أنت إذا تبي توسع صدرك وتكيف رح ناظرها ببيتكم .. حنا جايين للملعب عشان نشجع ونحمس اللاعبين مو نقشر حب :ranting::ranting: اكبروا تطوروا شوي :ranting: المباراة الجاية نبيكم تعتذرون لباقي جماهير الزعيم في المناطق الثانية وتحضرون وتبيضون وجيهنا .. ما أتوقع عندكم ظروف دراسة ولا شي .. الكل معطل وماوراه شي .. + لو سمحتوا بكره نبي تعاون مع المجلس .. راح يوزعون بالونات زرقاء وبيضاء يبغوننا نمسكها ونلفها يمين يسار .. مانبي هبال وتقعدون تطيرونها ولا تفقعونها لو سمحتوا نبي نطبق الحركة وبس .. نبي تعاون مع المجلس ، نبي نشكرهم على مجهوداتهم .. يجون من العصر ويقعدون يزينون لنا الملعب وبكل بساطة يجيك واحد من الجمهور ويخرب الحركة كلها !! فلوسمحتوا بكرة نبي حضور جماهيري كبييييييييير لأن المباراة مصيرية وهي الي تحسم الدوري 100 % ونبغى بعد تطبيق للحركة وحماس من أول المباراة لأخرها وأهازيج حلوة .. وبالتوفيق لزعيمنا .. |
شكراً على الرفع ، يعطيكم العافية .. وبإنتظار الزعماء |
ان شاء الله الحضور يكون كثيف :ba: يعطيك العافية على الموضوع :rose: بالتوفيق للزعيم |
الحمد لله في نااادي الهلال كل شي مميز رئيس النااادي وأعضاء الادارة واللاعبين والجمهور باستثناء الرابطة الهلالية اللي تجيب النوووم |
اصلا انا حمد ربي ان النهائي بين الهلال والوحدة بمكه لا وبعد زعلاني اهل الرياض ان المباراة بمكة احضرو اول مباريات الدوري بعدين فكرو بالمباراة النهائية وانا اتوقع حضور لاتجاوز 4000 مشجع ورح تشوفون |
يييييييييعطييك العافيه عجبتني عفويتك اثناء كتابتك للموضوع نبغا زي ماقال من غير هبال طبقوا نفس الحركه |
. . ان ششاء الله بكرآ الكل يتععآون مع مجلس الجمهور وباذن الله جمآهير الريااض تعووض حضور المباراه اللي فآتت وتحضر مشكور اخوي على الموضوع |
يعطيك العااااافيه اخووووووووووووي\\ جمهور الرياض صح عليهم عتب وهم حقين المواقف الصعبه لكنه عتاب من محب ,,, سجلني باذن الله حاضرر من الخفجي ,,,,,, لاهنت يالغلا ,,,,,, |
انشاء الله بكرررررررا غيييييييييييييييييير جمهور الهلال بكرة خيال انشاء الله الله يوفق الهلال بكررررررا يارب |
الله الله بآلحضور يآ جمآهير آلزعيم...~ ترى آلمبآرآة مهمة...~ وآنآ آول آلحآضرين آن شآء الله...~ |
باذن لله راح اكون اول الحاضرين |
ان شاء الله الحضور يكون كثيف :ba: يعطيك العافية على الموضوع بالتوفيق للزعيم :rose: |
والله العظيم حظكم يا جمهور الرياض كل مبارياة الهلال عندكم ولا (تحظرون كلكم)المفروض كل مباراة تحظرونه (((انا من ابريده وتعطش اتمنى تكون المباراة ببريده ودي بس اشوف فن لهلال في الملعب ونتم يا جمهور الرياض ماتحظرون الاقليل:()))) |
اتمنى نشوووف حضوور يشرف وجمهور الرياض ان شاءالله مايقصر يعطيك العافية تحياتي.. |
والله لو فريق الهلال بالجنوب لا احضر مبارياته كلها هذا الزعيم ياجمهور الهلال |
| الوقت المعتمد في المنتدى بتوقيت جرينتش +3.
الوقت الان » 05:09 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd