|
المطلوب حضور متفاعل وحماااااااااااسي وليس حضور صامت . |
ياناس الملعب فاضي ... نداء لجمهور الزعيم بالمناطق المجاوره للرياض ...لان الاعتماد على جمهور الرياض غير مجدي |
ان شاء الله نرى جمهور الزعيم مكتسح الملعب يارب وفق الهلال |
الله يوفقك اخوي وشكرا على اختيار الموضوع والاسم المناسب انا بالنسبه لي باذن الله حاضر |
يؤسفني حال المدرج الهلالي؟؟؟ فريق متصدر وبفارق تسع نقاط عن أقرب منافسيه وواصل نهائي كأس ولي العهد ومتأهل بنسبة 80% إلى الدور الثاني من دوري أبطال آسيا ايش تبون بعد والملعب اليوم فاضي,,,يا شماتت العذال فينا.... نداء إلى جمهور الموج الأزرق تكفووووووووووووووووون وينكم؟؟؟ |
إقتباس:
جمهور الرياض ماساند الهلال بالدوري مسانده حقيقه رغم ان فريقنايستاهل .... |
ان شاء الله حضور كبيييييييير والثلاث نقاط للزعيم ونحسم الدوري بدري يااااارب يخسرون النصر والاتحاد واذا خسروا مبروووووووووك الدوري |
حضور يخجل صراحة والله قهرررررررررررررررررررر |
أتمنى الحضور مثل المنطقة الشرقيه جمهور الرياض انعكس حاله من افضل حال الى اسوا حال لاحضور لاتشجيع شاكر لك ياكاتب الموضوع |
يا رجال لا حياة لمن تنادي سلم لي على جمهور الهلال في الشرقية الحين عرفت سبب طلب الهلال لنقل المباراة الى الملز ياليت يكون مقر نادي الهلال في الشرقية |
الملافظ سعد ياخوي .. وش اللي صبرت علينا كثير .. نشتغل عندك مثلا ؟؟ حسب موقع احصائيات الدوري السعودي يحتل الهلال المرتبه الثانية للحضور الجماهيري على ارضه بالرغم من انه الفريق الوحيد بين الفرق المتقدمه في هذا الترتيب الذي مازالت له مباراة على ارضه لم تدخل في الاحصائيات مما يعني وجود امكانية كبيره لاحتلاله المركز الاول !!! هناك حرب تقوم على جمهور الهلال في المدرجات في مدينة الرياض وهناك زحام غير مسبوق ومسافات طويله تزيد عن السفر بين بعض مدن المملكة (هل تعلم عزيزي الساكن خارج مدينة الرياض كم المسافة بين استاد الملك فهد والبديعة مثلا؟؟) وسوء تنظيم وامن تعيس وقلة راحه وقلة خدمات وقلة أدب وحرب صريحة معلنه ومع ذلك الجمهور الهلالي ينافس بقوة على المركز الاول من ناحية حضور الجمهور على ارض ناديه وفوق هذا يجي واحد يقول صبرنا عليكم ؟؟ يصرف علينا الاخ ؟؟ قلت ومازلت اقولها وسأظل اقولها حتى تتغير الاوضاع .. الجماهير الرياضية في كل مكان تحضر للملعب من اجل المتعه والترفيه ونحن نحضر للملعب جهاد واداء واجب بدون اي متعه ولا ترفيه فلا يجيني واحد يلعب الهلال مرتين بالسنه عنده ويحضر يقارن نفسه بواحد الهلال يلعب على بعد 60 والا 70 كيلو عنه 20 مباراة بالسنه يحضر منهم 5 ويصير مقصر !!! |
والله اهل الرياض في نعمة مهم حاسين فيها : ان نادي الهلال عندهم في الرياض ومهم مقدرين هالنعمة !!! |
وقسسم لو اني ولد وربي لأكوون حاضر حتى المبارايات الوديه ,,,بس ان شاء الله الشباب مايقصرون :) |
والله يا إنكم حاقدين على جمهور الرياض ياخي وش ذنبنا إذا مباريات الهلال تجي بملعب يتسع لـ 80 ألف متفرج عكس ملاعب الغربيه والشرقيه اللي ماتجي ولا 30 ألف مقعد يآخي فكر بعقلك وخل عنك العنصريه.. لأن لو يجي الجمهور اللي حضر مباراة الشباب اليوم عبى لك ملعب الامير فيصل بن فهد .. لذلك ريح طيب |
جمهور الرياض الأقل حضورا وتجدهم الأكثر انتقادا !!!! حضور مخجل لفريق يتصدر بفارق 9 نقاط ماذا لوكان حال الفريق - لا سمح الله - مثل النصر والأهلي لابطولات ولا منافسة كيف سيكون الحضور؟؟ |
| الوقت المعتمد في المنتدى بتوقيت جرينتش +3.
الوقت الان » 10:11 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd