بصراحة وبكل أسف وحزن عميق عندما كنت أتصفح صحيفة سبق الألكترونية صباح اليوم الأحد شاهدت هذا الخبر المحزن والذي يجلب الكدر والهم لأنفسنا كمتذوقين ومتابعين لرياضة كرة القدم
وهذا الخبر ماهو الا تتابع وإسقاط مذل وعديم الذوق لحال مجتمعنا الرياضي وماوصل به الوضع والتعصب المقيت والمنتن للفرق المتنافسة ومن الأجدر لهيئة الأمر بالمعروف والنهي عن المنكر أن تشغل أعضائها ومنسوبيها بما هو أهم من حشر أنفها في مجال الرياضة والذي يحتوي على الغث والسمين والصالح والطالح على حد سواء وأن تولي جل إهتمامها لخدمة المجتمع والإسلام والمسلمين وحماية أعراض الناس وأن تساهم في رفعة الرياضة عن طريق توعية اللاعبين الغير مسلمين بحقيقة الإسلام وأنه دين تسامح ودين واضح ودين وسط دون تشدد
ولكن للأسف إنتقل التنافس من المسطح المستطيل الأخضر إلى ماهو أبعد من خيال التقنية.....
والغريب والأدهى من ذلك أن مثل هذه الأخبار لاتذكر أو تنشر إلا قبل مبارايات الزعيم التنافسية والمضحك أنهم (الصحافة الصفراء) يريدون زعزعة وضع الزعيم بأي شكل من الأشكال مهما كلف الأمر ومهما زاد الثمن ولكن هيهات ومثلهم كمثل الذي يحفر جبلاً بملعقة
أعزائي الزعماء المتابعين والقراء والأعضاء اترككم مع هذا الخبر التحفة



عبدالله البرقاوي - سبق - الرياض: علمت "سبق" أن الرئاسة العامة لهيئة الأمر بالمعروف والنهي عن المنكر وجَّهت خطاباً إلى الرئاسة العامة لرعاية الشباب بشأن قيام اللاعب الروماني ميريل رادوي بتقبيل الصليب على ذراعه أمام الجماهير خلال إحدى المباريات، مطالبة بالتنبيه على اللاعبين غير المسلمين باتباع التعليمات، وعدم ارتكاب مثل هذه المخالفات الشرعية.

وقالت الهيئة في الخطاب الموجَّه لوكيل الرئيس العام لشؤون الشباب إن وسائل الإعلام تناقلت مؤخراً ما قام به اللاعب الروماني من تقبيل الصليب على ذراعه أمام الجماهير، وهو ما يُعدُّ مخالفة شرعية مخالفة للأنظمة المعمول بها، ومثل هذه الأمور لها تأثير سلبي في أفكار الشباب؛ لذا نأمل التنبيه على غير المسلمين من اللاعبين والأجهزة الفنية باتباع التعليمات داخل الملاعب، وعدم ارتكاب مثل هذه المخالفات الشرعية المخالفة للأنظمة، وإفادتنا حيال ما ترونه مناسباً لمنع مثل هذه التصرفات.

وهذا هو رابط الخبر المنقول بكل أسف
"الهيئة" لرعاية الشباب: نأمل بألا تتكرر مخالفة رادوي الشرعية في ملاعبنا - صحيفة سبق الإلكترونية

متى قبل الصليب رادوي ؟؟؟؟
من حط الصليب و هو يلبس كم طويل .. ما عدا في مباراة الجزيره الاخيره !!
احس الخبر كله كذب و تلفيق ..
يعطيك العافيه اخووي

اولاً نشكر الهئيه على ماتعمله ( من امر بالمعروف ونهي عن المنكر)

لكن اذا ماصح الخبر

فأعتبرها خطوه غير موفقه من قبل الهئيه, فـ رادوي ليس الاول ولن يكون الاخير وكان الأجدر بالهئيه عدم تخصص اسم اللاعب
حيث ان ذكر اسم اللاعب هو تشهير , وكان من الاولى التعميم لا التخصيص



اتمنى من يريد التعليق ان لا يسيئ إلى الهئيه ويتحدث بتعقل.

لا خلا ولا عدم يا عماد هالوطن هيئة الأمر بالمعروف والنهي عن المنكر .. واوفقهم على اللي سووهـ في حالة أن رادوي سوا هالحركة مع أني ما اذكر أني شفته .. لأن فيه مشجعين صغار يعشقون رادوي والهلال وممكن ترسخ في بالهم الحركات اللي مثل هذي .. ومثل ماشفنا رادوي الشمري يمكن نشوف أعظم !

عزيزي
أولا : يجب التأكد من صحة الخبر ، و الغالب أنه خبر ملفق من قبل الصحافة الصفراء.
ثانيا : الأمر بالمعروف و النهي عن المنكر شريعة إسلامية تطبق على جميع جوانب الحياة ولا تستثنى الرياضة من هذا الشئ .
ثالثا : وهو الأهم وهو ما ذكرت عزيزي بإن الخبر مجرد شوشرة إعلامية معتادة قبل أي مباراة تنافسية للزعيم فالواجب تجاهل هذه الإشاعات.

ss

شكرا لك .. و عن نفسي أتمنى صراحة من إدارة الهلال التنبيه على رادوي بإزالة الصليب .

الا بيض الله وجيهم الهيئه

اذا كان الخبر صحيح

يااخوان الموضوع اكبر من الي تفكرون فيه انتم

انسو الكوره وخلوها علا جمب

المسئله مسئلة دين ورادوي لاعب محبوب من الصغار قبل الكبار

تخيل طفل شافه يسوي هالحركه لاتستغربون بكره تحصلون في مدرجات اطفال راسمين علامة صليب ويبوسونها تقليدا لرادوي

لاتخلون حب الهلال يعمي عيونكم عن دينكم دين محمد

احترااامي

إقتباس الرسالة الأصلية كتبت بواسطة خوي سامي الجابر الا بيض الله وجيهم الهيئه اذا كان الخبر صحيح يااخوان الموضوع اكبر من الي تفكرون فيه انتم انسو الكوره وخلوها علا جمب المسئله مسئلة دين ورادوي لاعب محبوب من الصغار قبل الكبار تخيل طفل شافه يسوي هالحركه لاتستغربون بكره تحصلون في مدرجات اطفال راسمين علامة صليب ويبوسونها تقليدا لرادوي لاتخلون حب الهلال يعمي عيونكم عن دينكم دين محمد احترااامي

ياخوي اللي يسمع كلامك يقول انه الطفل عايش لحاله وماعنده اهل ...ولايدرس دين في المدرسه

عيالنا مافيهم تخلف مغولي علشان يسوون زي رادوي بدون سؤال او حسيب ورقيب

ليه دايم يتم معامله صغار جيلنا بالـ اغبياء ؟

ترى كل جيل جديد اذكى من الثاني والدليل انه نص منظمات الهكر الحين اعمارهم 15 و 16 سنه

وبعدين ماجت الا على رادوي ؟

كماتشو يوم باس الصليب في نهائي كاس الملك وقدام الملك والمخرج اعادها 80 الف مره .. كانت الهيئه نايمه وقتها ؟؟

ماطلعوا الا على رادوي ؟؟

عذر اقبح من الذنب بصراحه

قال تعالى ( لكم دينكم ولي دين ) صدق الله العظيم

ماتسمى بهيئة الأمر بالمعروف والنهي عن المنكر تجاوزت الكثير من الخطوط وبعد التدخل بخصوصيات المواطنين وعوائلهم الأن اتى دور الاجانب الذي بفضل الله ثم بفضلهم لم نكتشف النفط في هذا البلد الغالي ولم نركب السيارات ولم نشاهد التلفاز ولم ولم .. الخ


ميريل رادوي الجنسيه روماني الديانه مسيحي

ومثل ما نحن كامسلمون نؤمن بالله واليوم الاخر ونؤدي واجباتنا الدينيه في كل مكان بالعالم واسم الله ومحمد رسول الله عالي وخفاق في كل دول العالم بعلم بلادي الغالي


على من سيؤثر رادوي ...؟

وهل سيتأثر ابنائنا الي نمو بتربية اهاليهم في هذا الوطن الغالي على شهادة الاا اله الاا الله وانا محمد رسول الله وعلى صوت الاذان والصلاة بالمسجد وبمدارسهم من المرحله الابتدائيه على القران والحديث والتفسير والتوحيد والمواد الدينيــه


هل سمعتم بيوم سعودي او خليجي او عربي مسلم اعتنق المسيحيه ؟

لاا ولله الحمد

لكن نحمد الله الكثير من المسيح والاديان الاخرى بعتنقون الاسلام بشكل كبير
بسبب اعجابهم بسماحة المسلمين وتطبيق الشريعه الاسلاميه


لكن انك تلفت انتباه اللاعب لوجود الصليب !!
هل ترضى ان يلفت انتباهك وانت في بلادهم لصلاتك او لحملك القران الكريم ؟


الاسلام دين تسامح ارجوكم يامن تسمون بالهيئه ان لاتكرهون الاجانب بالاسلام بسبب تصرفاتكم

وقسم لو طلع هالكلام صدق

اني لااترك متابعة الكره السعوديه العقيمه للابد

الكره مالها دخل بالسياسه او بالاديان

والله العظيم اننا معقدين ياعالم

رجال يمارس حريته الدينيه وش المشكله فيها ؟

طيب تعال انت يارجل الهيئه

هل ترضى انه تجيك محكمة امريكيه ... وتحاكمك لانك صليت في مكان عام ؟ في حديقه مثلا ؟؟

يعني حرام عليهم وحلال علينا

ان طلع الخبر صدق فهو طامه كبررررررررررررررررررى وماغلط رادوي

هذا يدخل من باب العقود مع الكفار ... وماشوف فيها شي لو قبل الصليب لان الصليب في يده ... مو معلق على ساعة الملعب !!

يا اخوان ما اقول الا شي واحد حسبي الله عليهم بس شنو هالفكر المتخلف والله شي مستفز صراحه...........

ياخي هذا كانوتيه يدعي ربه ويحمده ويشكره

و ابيدال في برشلونه وغيرهم كثير مااحد منعهم

كيف الملك يتبنى حوار الاديان وحنا عندنا عقول زي كذا

هذا دينه، يعني باولو جورج وفيقاروا بروضة المسجد دايم

والله شي غريب

شكرا لك أخوي

إن كان صحيح فأنا أؤيد هيئة الأمر بالمعروف والنهي عن المنكر , ويجب على كائنا من كان إحترام ديننا والتقيد بأنظمة وقوانين المملكة وإحترام دينها,

وإن كان الخبر غير صحيح , فيجب على غدارة الهلال التنبيه عليه

يجب على الجميع إحترام الدين الإسلامي

الله يشرح قلبه للإسلام ويهديه

تقبلوا مروري وتحياتي

يا حب الهيئه للفضايح

ياخي اذا كان رادوي مسويها ,., المفروض ينبهونه يحترم بلدنا ومشاعر المسلمين

لاكن اللي يغث ,., طريقة علاج هيئة الامر بالمعروف لكثير من المشاكل

يا ناس الستر ,., الستررررررررر