اهلاً راشد

طقيت على الوتر الحسّاس الصراحه

إقتباس - هل عند بعضكم نظام مثل نظام العائلة عندنا : ( وشو له الروحة والجية نقعد في بيتنا أحسن لنا )

حنّا النظام عندنا اردى من هالنظام

تمر اجازهـ تبدأ و تنتهي ماحسينا بإجازهـ

طبعاً اغلب الوقت انا اللي اطلع و اسافر لحالي

اما الأهل الله يهديهم جالسين بالبيت

ان تسان حصلت و مسكت معي دورت استراحه و حجزت و خلصت و لادخلت البيت قلت ترى فيه استراحه اليوم الفلاني يالله ضبطو وضعكم

ولا عادي جالسين

اللهم يمارسون هواية الشوبينق بحياة مول او اسواق اخرى .. اهم شي يطلعون للسوق و بس حتى لو كان العثيم هع هع

إقتباس - العطلة جتنآ وين رايح وين جاي ؟ ولا في البيت جيزك جيزنا يعني : ( مثلك مثلنآ )

مافهمت السؤال بالضبط .. لكن على فهمي اذا كان قصدك هالإجازهـ .. فأنا من تخرجت و انا مجاز اصلاً ههههه

ماغير تردد على الأقارب بالقصيم و الخرج بس

كانت لي نيه اروح لقطر هالإجازه ذي مع بعض الشباب اللي يدرسون بالبترول و المعادن .. بس مالله كتب

إقتباس - هل أنتم من النوع الي يحب يروح ويجي ويطلع ويوسع صدر أهله مثلي ؟ > بس مآ يقدرون التعب

والله ياراشد انا من النوع اللي يحرص يطلّع اهله .. بس المشكله لاقلت مشينا نطلع قالو وين تودينا .. هنا المخ يدووووووور مكان ماشاء الله من كثر الأماكن اللي بالرياض

حدنا يامنتزهـ الديره ولا الثمامه ولا خريم

و مع ذلك احياناً اتورط لاطلعنا للثمامه و انا طالع للدرب او الطريق اغرّز .. طبعاً بما أن موتري صغير لاهوب موتر بر .. خذ انواع التسفيل .. انت تبي تذبحنا انت و انت و انا منب احب هالشي

..

شكرياتي راشد على هالموضوع و الفضفضه

ههههههههههههههههههههههههههههههههههههههههههههه
طيب وبعدين؟؟
ياااخي اطلع من ماسكك رح مع اخوياك مع عيال عمامك/خوالك عيال الجيران
اهلك مايبون يطلعون كيفهم رح وسع صدرك ولابغوا الطلعه قالوا لك

حتى انت


لا لا


انت شكلك متـأأأأأأأأأأأأأأأأأأأمر مع اهلي


اليوم جالس معهم اتقهوى وهم ماسكيني ليه ماتودينا وليه ماتطلعنا ويطقطقون علي خخخخخخخخخخخخ

وقالوا اقل شي ودنا لاخوك الكبير >>موظف بالشرقيه

قلت عندكم النقل الجماعي ههههههههههههههه

إجآزتنآ ضآعت في ذا الزوآجآت والشبكآت<يآكثرهآ مآشآءالله

عآد صرآحة الأهل فكروآ نروح استرآحة بس طلعت محجوزة عالأسبوع كله
حتى من قبل تبدأ الإجآزة واللي مكلف بالاختيآر يقول يآذي الاسترآحة والا فلا
عآد بنعوضهآ الأسآبيع الجآية بإذن الله

إقتباس بعد موجة انتقادات لاذعة من الأهل سقطت دمعة من عيني وهي تتهدى على خدي وصلت عند برطمي وطلعت لساني ولحستها لِ أرتوي من عطش أهلي مسحت دموعي بطرف ثوبي وصرخت بصوت فيه حزن عميق ونبرات باكيه كأنني الدكتور طارق في مسلسل الأرض الطيبة يوم إن ديآلآ قالت : أنت مآ بتحبني وقررت تترك الضيعة و تروح المدينة

أووووه مآشآءالله متآبع الأرض الطيبة بآين من الوصف
إيه وبعدين وش صآر عليهم الدكتور طآرق وديآلا< تآبعت الجزء الأول وسحبت على البآقي

رشود موضوعك جميل وأسلوبك رهيب في السرد
يعطيك العآفية وربي يوفقك

ذا الاجازه ضاعت في المناسبات
الله يعين

العضو اللي توقيعه فيه مدونه لبنت توفت الله يرحمها
شكرًا و جزاك الله خير أثرت بي. حيل

لاتشكيلي ابكيلك..

اهلي يعشقو البيت ..

ياشيخ فيه كنوز الارض وانت ماتدري ..يؤ لازم نحرسه..

واذا احد تشجع وجاب سيرة الخرجه ..

الجواب:

ليش تطلعو ماله داعي ..

مو لازم

ماتطفشو من الطلعات <<<كأننا طلعنا عشان نطفش