|
بس ؟ بس؟ يكفي ! ترا ملينا .... السلام عليكم ورحمة الله متأكد جداً بان ماكتب عن ياسر هناا هو اكثر المواضيع ولكن ؟! اخواني ... الزعماء لست صغير سن او ممن عايش مرحله قريبه من مسيرة الزعيم منذ تاسيسه حتى يكون طرحي عاطفي او اعجاب او خلاف ذلك من تهم قد تنسب لي. عاصرت سعود الحماد ! وهذال وصفوق ومحمد ويوسف وسامي وقبلهم وبعدهم الكثير حتى ياسر القحطاني , الكل بمافيهم الحاقدين والمندسين واعداء النجاح واعداء كل ماهو ازرق والمدفوعين لاثارة وتاليب الراي ضد ( يااااااااااااااااااااااسر القحطاني ) اخواني .... تمعنوا رجاء لا امراً بالتالي : 1 -اهزوووجه قذره تمتد من الجنوب الى الشمال ومن الخليج حتى البحر الاحمر والمصيبه الاكبر مقابلتها باذان صماء من المسئول الاول عن الروح الرياضيه ! حتى في عز وحمى المشاركات الوطنيه ! 2- حملة شعواء قذره اثناء مشاركته بمنتخب الوطن والتشكيك في احقيته بالتمثيل وهو بعافيته الفنيه بل انه من يستحق ان يكون اساسي بعيدا عن الميول ! 3 - اتهامه زورا وبهتاناً وعلناً على قنوات اجنبيه بانه من مستخدمي المنشطات وهو بمعسكر وطني وممثل للمنتخب 4 - القيام بزيارته بالمعسكر (استفزازا له) ممن اتهموومه ووضفوا جميع مداخلاتهم الفضائيه للقضاء عليه بجميع المجالات مهنيا واجتماعيا واسرياً 5 - التشكيك حتى باصابااته وتهمته بالتهرب من مشاركة منتخب الوطن عيانا بيانا وعلى الفضاء ! 6 - التشكيك باحقيته بشارة الكابتنيه وانها اعطيت له مجامله ! 7 - المصيبه الاعظم اذا جات من قريب ومن اهل البيت بصب سهام النقد تحت تلك الظروف والتقليل من اهميته وبانه يحب الاستعراض وكثير التمثيل والغرور ! اسئلكم باالله من يتحمل تلك الظروف ويبقى شامخا رافعا الراس مجاهدا على كل المجالاات وحيداً بالفتره الاخيره ومع هذااا رصيده ( 11 ) هدف وبمشاركات اقل من غيره ؟ اخواني ياسر القحطاني ليس مجرد لاعب او مهاجم الا ترون هيبة اثناء تواجده بخط المقدمه الا ترون روح سامي ومن سبقه من عظما الهلال المستهدفين من الحاقدين كامنه وواضحه على ملامح وجه الرجل نعم الرجل ياسر القحطاني ؟ يازعماء لاتكونو السلم لمن يريد التسلق لجدار الهلال العظيم الحصين طوال تاريخه للنيل وتاجيج الراي ضد الرمز الهلالي ياااسر . ياسر لمن لايعرفه عند قدومه من القادسيه كانت هناك حرب ضروووس وهو من سكب الماء عليها باختيار الزعيم رافضا مصلحته ومتمسكا بعشقه وميوله ( الزعيم وانصاره ) . جميع القنوات والبرامج الاذاعيه والمرئيه مسلطه الاضواء على ياسر وتدفع وتجلب من يستطيع اثارته لانه مطمع ووسيلة جذب للمتلقي! وانتم هناااا صب الزيت ع النار بعاطفة حب فطريه بريئه وغيركم لهم اهدافهم المريبه والحاقده ! من جلب نقاط الاتفاق ! ومع هذا سمعت من بعضكم يقول هذا مب مستوااه ! وخير عاد مدام يجلب النقاط والاهداف فعمره مايرجع من لايجلبها! نعم تحرر ياسر بعد دخول احمد وسيتحرر اكثر مع وقفتكم ضد الكلاب المسعوره التي اتخذت ياسر كهيبه للهلال هدف لتشويه وجهه الجميل وموهبته الفذه الذي اقسم لو كان ياسر لديهم واحد لاعيبهم لسمعتم من الثناء مالاتستطيعون تصديقه واقسم على ذلك . اخوااااني ملينا من كثرة الجلد اللامنطقي واللامعقول وهذا ماسيصيب ومايمرر اهداف ومخططات الاعداء وتعرفونهم من كثرتهم المنتشره كآآآآآآفه ضاره. اللي برنامج يومي واللي بعمود يومي بصحيفه واللي بمواضيع قذره بالنت وهكذا وكلها عن ياااااااااااااااااااااااااااااااااااااااااسر لماذا لم تسئلون ليه يااسر بالذااات !!!!!!!!!!!!!!! حتى ينتهي وحتى يحققون مااسمعه هنا ومااشاهده تفشى بموقع الزعيم وحتى بعض الكتاب المحسوبين عليه! للاسف شوفوا اخر التعليقات الكل يريد اقامة النهائي بمكه تدرون ليه لعل وعسى لايظفر بها الهلااال !! مصدقين عشان الوحده لاوربي مو عشان الوحده عشان لايحققها الهلال من الحقد على كل ماهو ازرق ! اخيرا .............. ابي منكم شي واحد فقط واصبرو وانظروا ماذا يحدث اذا عملتوه هجوم الهلال هم حاليا ياسر المحياني احمد علي الجيزاني >>>> باالله عليكم تريدون الجيزاني مع احترامي الكبير له يعوض حضور ياسر ولو حتى ع الواقف !! المحياني لابد ان يعطى الفرصه وسياخذ فرصته وهكذا الانديه الكبيره لايمكن ان يلعب الجميع حتى لو تقاربت المستويات. اعطو ياااسر دعمكم فقط اعطوه ثقتكم وان لم تفعلو فارجوكم اسكتوا بس عنه عشرين يوم فقط وشوفو لاتكتبون عنه راقبوه فقط حتى مع الاهازيج التي تطلق ضده وانظروا ماذا يفعل داااااااااااااااام الزعيم والزعماء ويبقى ياااااااااااااااااااااااسر هيبة الزعيم ارجوكم لااريد سوى دعم ياسر |
ارجو تقييييم الموضوع والاجازه اخواني |
ابوهديل وفيت وكفيت وانا متفائل ان شاء الله ان ابو عبدالعزير له بصمه قويه وقت الحسم والوعد قدام |
ياسر لاعب من طراز فريد بالنسبة لي لو ما جاب الا هدفه اللي بالكعب في مرمى النصر يكفي موهبة نادرة و لعيب فنان الله يوفقه يارب و يتألق من جديد و ياسر مثل الذهب ما يبرق الا بعد ما يكتوي بالنار |
حرام عليك ياشيخ ياسر لاعب كبير بس ماتوصل عاد هيبة الهلال شف الواحد لاقال الصدق قلتو مندس تبيني اقول ياسر كان افضل لاعب في مبارة الهلال والاتفاق؟ لا والله ياسر مع انه جاب هدف لاك اسوا الاعبين شفت كيف يتحرك ياسر مدري وش قصته عين جايته غرور ولا ايش بالظبط مدري ؟! |
ياسر لاعب كبير وبالفعل الي يتعرض لة لو صار مع لاعب اخر لأنتهى من زمان وإن شاء اللة تكون لة بصمة جدا قوية في بقية مباريات الدوري ودوري ابطال اسيا ونهائي كأس ولي العهد |
بصراحه ياسر محضوض لان لديه مشجعون و مدافعون عنه في كل وقت اولا انا ضد الاسائات خارج اطار اللعب لكن مع الانتقاد لمعالجة الامور و تصحيح ما يمكن تصحيحه و بصراحه الجمهور الهلالي اكثر فكر من كثير من الكتاب اصحاب الميول الواضحه ياسر مستواه قل كثيرا من فترة طويلة و هذا واضح للجميع و لا يمكن تجاهله و هو على حساب مهاجم اخر لم يعطى الفرصة |
ملاحظه هامه ذهب مبدعون و جاء اخرون اقل منهم و هيبة الهلال هي لم تتغير بصراحه كل الاعبين ممكن تعويضهم عدا يوسف الثنيان و مع ذلك لم نذكر الهيبة |
سلمت يابوهديل على ماخطت آآناملك والله ياسر وجوده في الملعب يعني الكثير حتى لو ماسجل على الأقل تتابع وانت مطمئن والله لو يجيب هاترك على الجزيرة ياسلام |
كلامك رائع والله ينصرك ياياسر على كل من اتهمك زور ويرد كيدهم في نحرهم |
انا بكل امانه وصراحه ما اعرف وش تحس فيه بالضبط!!!! ياسر هو هيبة الهلال مره وحده الهلال هو اللي يضيف الهيبه للاعب يا صديقي وثاني شغله لنا كم سنه وحنا نقول ونحوس بالاعذار بان ياسر بيرجع ياسر ٢٠٠٧ وكل سنه يقل عطائه واستهتاره بتضيع الفرص وبكل برود يعطيك هذي الابتسامه اللي يشوفه يقول ميسي او رونالدو ومو مصدق انه مضيع هدف محد يقدر يقلل من امكانيات ياسر لكن الشخص الوحيد اللي دمر ياسر هو نفسه ولو سمحت لا تقارن بين ياسر وسامي لان الفرق شاسع بين الامكانيات والفكر الاحترافي وبتظلم سامي لو قارنته فيه مو اجحاف بحق ياسر لكن هذا الصدق وبالاخير ياليت نعدل موضوعك لان هيبة الزعيم مو محتاجه للاعب او اثنين الزعيم هو نفسه قبل لا يجي ياسر وغيره |
اذا انت معاصر كل الي قلتهم بتعرف شيئين الاول ان هؤلاء النجوم تعرضوا للي اكثر من الي صار لياسر ومن جمهور الهلال نفسه و مع هذا اذا جاء وقت مبارايات الحسم و الملعب مليان مايتختفون بالهجمه و لايتبوسمون ويطلعون لسانهم الشيء الثاني ان ياسر طلع لنا عينات جديدة من الجمهور ماكانت موجودة قبل |
كلامك على العين والراس ويباقي ياسر فوق الراس حتى الموت موغريبه على الزعماء الدفع عن الاعبين الهلال |
للاخوه الزعماء المؤيدين والراقين بردودهم مشكورين ع حضوركم وتفاعلكم والهدف واحد هو حب الكيان وممثلينه والدفاع عنهم بالنسبه لمن اعترض وسلب حتى انتمائي لمجرد تعارض رايه معي اقول وش خليتوا لغيركم يقووله !! الظاهر صابتنا العدوى حتى بالردود والاختلاف ! لمن ذكر هيبة الهلال فلم اقصد معناها الحقيقي كهيبة الكيان لالالا انما كنت اقصد من كلمة هيبة الهلال هو بان مايتعرض له ياااسر هو بفعل شهرته وكونه الابرز حضورا وشعبيه وبالتالي شن الحملات عليه هو بهدف استقصاد هيبة الهلال والنيل منه اتمنى وضحت الفكره . ومهما اختلف معي احد اقول تبقون زعماء ولكم الاحتراام واترفع عن بعض الاسقاطات لان ميولي الهلاااليه هي من علمتني الرقي واحترام الاخر دمتم زعماء ودام ياسر ونجوم الهلال |
|
| الوقت المعتمد في المنتدى بتوقيت جرينتش +3.
الوقت الان » 02:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd