قولوا آمين عسى الله يخلي سامي لهلالنا + الـ 3 نقاط مطلوبة + الحضور نبي حملة الـ 50 ألف " هذا تحدي لاتفشلوني " - نادي الهلال السعودي - شبكة الزعيم

كابتشينو · #1 02/04/2011, 06:20 PM

السلام عليكم ..
ألف مبروك الفوز المستحق ، والحمدلله على الـ 3 نقاط المهمه ..
وكسرنا قاعدة الإتفاقيين الي مايخسرون على أرضهم أبداً

وإن شاء الله الدوري يكون هلالي هالموسم

سامي

وأي لسان يعجز عن وصفك أيها الأسطورة .. قولوا آمييييييين الله يخليه ويحفظه لهلالنا

أنتوا للحين تتذمرون من كالدي ؟ ترى سامي هو الي جابه وأنا متأكد أنه بيجي يوم بتقولون ليتنا ماسبينا كالدي ..
سامي دافع عن أحمد علي وقال لاتحكمون عليه .. وأمس الباشا قدم مستوى رااااااائع

وكالدي شوي شوي يفهم هلالنا ويفهم باقي الأندية ويعرف كيف يتعامل معاها ..

سامي ماجابهم كذا عبث من راسه ، أكيد سامي سوّا دراسه طويييييييله !
سامي لازم يرضي الجمهور بالأفضل دائماً مايبي لكم الخساراة يوم أنه يجيب أحمد وكالديرون !

،

نجي لمباراتنا الثلاثاء وهي مباراة مفصلية ومهمة جداً ..
والـ 3 نقاط مهمة من لاعبينا ! حنا مانبي بس الـ 3 نقاط نبي لعب يمتع ويفرح

الجزيرة متصدر الدوري الإماراتي بفارق 10 نقاط عن الوصيف !
آخر مباراة له بالآسيوية خسر 5 - 1 ضد سباهان الإيراني ..
آخر مباراة له بدوري الإمارات فاز 5 - 1 !!

،

الحضور الحضور ياجماهير ..
نبي حملات زي مباراتنا مع ذوب آصفهان الله لا يعيدها ..
نبي حضور جماهيري كبييييييييييييييييير
فيه تحدي بيني وبين واحد يقول أتحدى إذا كان جمهوركم الثلاثاء 50 ألف !
يالله لاتفشلوني لو سمحتوا نبي حضور كبيييير

يوم الاربعاء أغلبكم بيغيب وأقدر أقول كلكم ماوراكم شي إجازة !!

ونبي زي حماسنا وتشجيعنا بمباراة بوندكيور ..
كانت مباراة مجنونة الجمهور كان حماس ومشعلل طول المباراة

حتى اللاعبين تحمسوا ولعبوا بجد عشاننا

شوفوا شلون تغيروا اللاعبين بعد ماتحمس جمهور الشرقية أمس !

هذا مقطع للي نسى شلون تحمسنا :
YouTube - ‫الهلال × ونيودكور الاوزبكي جماهير الهلال‬‎

شوفوا الكل شلون تحمس وأشاد بنا ورفع القبعة لجمهور الزعيم ..
تكفون ياجمهور نبي نشعللها حتى لو بدون رابطة كل شوي أهزوجة كل شوي تشجيع للاعبين ..

نبي نثبت جماهيريتنا يوم ورا يوم ...
العشم فيكم ياجمهور خليكم قد التحدي ولاتفشلوني ..

بالله ماوحشكم الهلال ياجمهور الرياض؟
أكثر من أسبوعين ماحضرنا له مباراة ..

،

بتكلم عن الأشقراني ويلي .. اللاعب المبدع !
والشمشون لي يونغ ..
هذولي اللاعبين بيروحون من الهلال وهم ما أخذوا حقهم !
يعني كلنا وقفنا مع رادوي ويستاهل رادوي ورددنا أسمه ولوحات عشانه .. ما أقول مايستاهل يستاهل ونص !
بس ليه مانعطى ويلي ولي حقهم ؟
ليه مانردد اسمائهم ؟
ليه مانجيب أعلام كوريا والسويد ؟
ليه مانجيب لوحات لهم ؟
وليه وليه ؟

أتمنى ينعطون حقهم لأنهم يستاهلون

كابتشينو · #2 02/04/2011, 10:56 PM

وأخيييييراً تم الرفع ، شكراً يامشرفييين ..

يالله يازعماء لاتخيبون ظني ..

زعيم بقعاء · #3 02/04/2011, 11:03 PM

اوول الحاظرين اناا وبجيب علم كوريا

لان السويد مااقدر يقولون حرام هع

يسلمو ع الطرح ي الكنق

وحدك آبيك · #4 02/04/2011, 11:10 PM

بإذن الله آوول الحآضرين ومعي آربعه
ون شاء الله نحصد الثلآث نقآآط

عاشقة ميسي · #5 02/04/2011, 11:12 PM

الحضور لا شك فيه
بس نبي الحضور بحماسيه وإيجابيه مو وجدك مثل عدمك

نبض قلبي الهلال20 · #6 02/04/2011, 11:23 PM

زيدة على كذا جمهور الهلال بشرقية يتحدون جمهور الرياض
موعدنا الثلاثاء في درة الملاعب

هلالي ksa 9 · #7 02/04/2011, 11:26 PM

انا اول الحاضرين ان شاء الله

بالتوفيق يوم الثلاثاء للزعيم

ẴβǿOǿĐ · #8 02/04/2011, 11:27 PM

لو آقدر احظر كآن حظرت
لأكن الظروف للآسف لاتسسمح

بآذن الله الدرة تمتى
بالتوفيق للزعيم الهلألألي

وشكرآ لك

×

عاشق الهلال ومغرمبه · #9 02/04/2011, 11:38 PM

والله التوفيق من الله
عوافي صاحب الموضوع

عآشقة نادي القرن · #10 02/04/2011, 11:43 PM

اييه والله نرفع لسامي القبعه وكسب الرهان بكالدي واحمد علي ..

وانا كنت متفائله جدا بجيت احمد علي ..

آآآآه يامحلى مباراة الهلال وبنيودكور كانت اجمل مباراه والله ...بإذن الله جمهورنا يعيدها يوم الثلاثاء ..

وان شاء الله الفوز هلالي 2-0

.............

من جد ويلي ولي مظلومين من الجمهور تكفون نبي اعلام لدولهم

... خلوهم يتحمسسون اكثر ..

يعطيك العافيه ..

MI(KAKA)LAN · #11 02/04/2011, 11:47 PM

بأذن الله اكثر من 50 ألف حضور جماهيري ويبيضون الوجه ان شاء الله

كابتشينو · #12 02/04/2011, 11:59 PM

يالباكم ياجمهور نادي القرن . إيه كذا العشم فيكم ..
ونبي طول الـ 90 دقيقة مشعللين المباراة بأهازيجنا ..
نبي أهازيج ترعب الخصم
نجيب أعلام الدول ..
ليت أحد يكلم مجلس الجمهور الهلالي يوفر لنا الأعلام الكبيرة زي مباراتنا مع النصر ..

ابو رشـيد · #13 03/04/2011, 12:06 AM

ان شاء الله مو 50 الف
ان شاء الله 70 الف
جمهوور الهلال قدها
وما راح تفشلك ان شاء الله
وانا بحاول احضر
عندي اختبار يوم الاربعاء
ادعولي

(((C.RONALDO))) · #14 03/04/2011, 12:11 AM

إن شاء الله الجميع بيحضر !

والفرق الأماراتيه ترتبك قدام الجمهور الكبير ، وبحضورنا سنزف الزعيم للنقاط الــ3 بإذن الله ..

وسامي قلب الهلال ألحين وسابقا ..

وأشكرك أخوي على الطرح المميــز ..

FAISAL AL7RBY · #15 03/04/2011, 12:11 AM

الله يعطيك الف عافيه

كلنا نثق في سسامي الجابر

لكن تشكيلة كالديرون البارح كانت انتحارية

تحياتي لك