بسم الله الرحمن الرحيم
السلام عليكم ورحمة وبركاته
انا بدخل بالموضوع على طول ماعندي فلسفه ..
المهم انا بصراحة يحزنني عندما ارى مباراة للهلال تقام في الرياض
وكل واحد يطالب بالحضور
ثم يردون اللي بعده ويقول سجل عندك اول واحد
وهو تلقاه منسدح على بطنه مافصخ شماغة
لكن انا ملاحظ هالشي بانهم كثيرين يهايطون في هذا المنتدى
بانهم راح يحضرون المباراة ويشجعون الهلال ويكونون اول الحاضرين وان جيت للواقع تلقاه
يا بالبيت عند زملاه
او مقهى او كوفي شوب حاط رجل على رجل الله يكرمكم جميعا
بصراحة شي يقهر
طيب لاتهايط وتقول بحضر وانت مافكرت ولا 1% بانك تكون من ضمن الحضور
او تبي فقط زيادة مشاركات ؟؟
انا اتمنى من حقين الرياض بانه يحضر ايش ناقصه واذا كان عشان الفلوس يا اخي تخيل نفسك لو عندك طلعة
كم تصرف صدقني راح تصرف اكثر من حضورك للهلال مثلا :
15ريال بنزين + اقل شي ( 20 ريال قطية عشا ) + 15 ريال معسل مع الفحم + 5 ريال مصاريف الطريق = 55 ريال
طبعا اذا كنت مدخن الله يشفيك وتكره اذا شفته
اما اذاكنت غير مدخن فاكيد راح تصرفها بشي ثاني ههههه
اما بالنسبة لحضورك للهلال صدقني راح تصرف اقل من هذا المبلغ بكثير وان شاءالله اذا رجعت للبيت
تلقى الوالدة او زوجتك الله يخليهم لك مجهزة العشاء اجلس تعشى وتقهوى وتفنجل على كيف كيفك وقلب بالقنوات
الين يجيك النوم وان كان قصدك مباريات ابطال اوربا تتعارض مع الزعيم فصدقني اذا فكرت بالعقل وبالمنطق
الهلال هو ابدء واهم من فريقك الثاني بامور كثيرة
************************
نواف العابد
اوجه اليك رسالة خاصة من قلب محب وعاشق للزعيم الى اخيه اللذي يدافع عن الوان هذا
النادي العريق والجميل فانا ملاحظ عليك كثرة النرفزة اللي مالها داعي مثلا مع اللاعبين سواء
الاحتكاك معاهم او مناقشتك للحكم
يا نواف احنا مو ناقصين مشاكل وضغط وسكر عشان تجي انت وتزيدها ،، يا اخي الغالي اي لاعب
ينرفزك حط في بالك بان عقله مثل اخوك الصغير اللي عمره سنتين
لاتلقي بال ولا تهتم وبالنسبة للحكم اذا عطاك فاول الحمدلله واذا ماعطاك خلاص لاتناقشه ولاكلمة
ارجع لمركزك وحاول تصلح غلطتك بالصح وليس الغلط بالغلط
باختصار يجب عليك ان تحذوا مثل اللاعب الكبير بعقله وبفكره وباخلاقه الجميل الشلهوب الله يوفقه ويستر عليه
ان اصبت فمن الله وان اخطأت فمن الشيطان والاصفرين
قبل ان اختم كلامي
اسال الله سبحانه وتعالى للجميع التوفيق والسداد وللزعيم خاصة في جميع مشواره المحلي والاسيوي
يارب العالمين
تعال ياللي تهايط بالحضور 
الوضع المتطور
