|
انا مانب من اهل الرياض لكن اهل الرياض فيهم الخير والبركه وان شاء الله رآآآح يحظروووون ويبيضووون الوجه ان شاء الله واهل الرياض رآآآح يكوون ردهم بالملعب ان شاء الله بالتوفيق للزعيم |
تنكتم من الدخان وإن كلمت البعض وحدثته بأسلوب ما يتجاوب معك وجو مخيس ، ليه ما يكيفون الملاعب ؟! نجي وننكتم وحالتنا حالة أمن سيء جداً جداً جداً البعض يمنع دخول الكاميرا والمويه والعصير ممنوعة على أي أساس ؟ ولازم تجي قبل المباراة قبل ساعة أو ساعتين عشان تلقا لك كرسي و لازم تجيب معك دربيل عشان تناظر المباراة من كبر المضمار ! . . . . وش الله حـــــــادني ؟!! أقعد في بيتي وشاهي و حب ومكيف وسواليف وتعليق ، وتلفزيون يعيد اللقطات يعيد الأهداف .. وانا مستانس .. إذا نظموا الملاعب و حسنوا الأمن وصارت الكراسي مرقمة والدخول قبل المباراة بـ 10 دقايق و منعوا الدخان منه نهائي وشالو المضمار اللي كبر قريح كما هو معمول في أوروبا وسمحوا بدخول المشروبات ، ذيك الساعة أحضر كل مباريات الهلال .. وبالنسبة لأوروبا فريقي الاوروبي أقدمه على الهلال .. الكورة الأوروبية شي ثاني ، مستحيل افوت مباراة منها على عكس مباريات الهلال بعضها تجيب النوم واللعيبه ياله يتحركون اوروبا باصات لعب سرييع نقلات صصح ومهاجمين قناصين موب زي ربعنا |
سم طآل عمرك ! يجب على كل واحد من جمهور الرياض ياخذ لوحة للملعب ويكتب فيها ( يوزرة ) الي فـ الشبكة عشان اخونآ فالله يتأكد مين الي حضر ومين الي ماحضر ؟ ! |
يعطيك العافيه بما انك قدمت النصيحه لنواف وفي هذي انت صاااادق وان شاء نواف يتعلم من اخطاااه لانها كثير اعتراااااض الله يهديه بالنسبه للحضور ان شاء الله محد يقصر |
إقتباس:
عزيزي ماجد : انا اتفق معك في جزئية واختلف معاك في جزئية اخرى .. من ناحية انك تقول بان التلفزيون احسن وافضل من حضورك للملعب ثم تناقض كلامك وتقول لو يهتمون بالتنظيم ويشيلون المضمار والخ .. يعني كذا اعتبر كلامك بانك لو يجلسونك في المنصة ماراح تفكر تحضرلاني افهم من كلامك بانك بيوتي وبالنسبة لكلامك بان فريقك الاوربي افضل من الهلال اجل هل تعتبر نفسك هلاليا.. اشك في ذلك اجل ايش فائدة تسجيلك هنا مادامك ماتحضر ولاتشجع ولاتساند الزعيم قبل اختم كلامي انا موضوعي ما تكلمت عن التنظيم وعن حال سوء المعاملة شكلك ما قرأت موضوعي كويس . انا تكلمت عن اللي يهايطون في الكلام ويقول سجل عندك اول واحد يحضر وتلقاه منسدح هذا اذا مانام وترك الهلال .. ع العموم شرفتنا بوجهة نظرك وانا احترمها وربي يستر عليك ويوفقك ان شاءلله |
اشكر كل من سطر قلمه واتمنى له التوفيق يارب وان يسعد ايامه بالتوفيق للزعيم |
| الوقت المعتمد في المنتدى بتوقيت جرينتش +3.
الوقت الان » 01:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd